Maanna Qamutit motoorillit akileraarutaat pillugit Inatsisartut inatsisaat nr. 3, 16. juni 1987-imeersoq, Inatsisartut inatsisaatigut nr. 17, 30. oktober 1992-imeersukkut, Inatsisartut inatsisaatigut nr. 14, 7. november 2003-meersukkut, Inatsisartut inatsisaatigut nr. 7, 11. november 2004-meersukkut, Inatsisartut inatsisaatigut nr. 14, 2. november 2006-imeersukkut, Inatsisartut inatsisaatigut nr. 18, 18. november 2010-meersukkut, Inatsisartut inatsisaatigut nr. 10, 3. december 2012-imeersukkut kiisalu Inatsisartut inatsisaatigut nr. 22, 18. november 2019-imeersukkut, allannguutitalik nalunaarutigineqarpoq.

 

  § 1. Qamutit motorillit Kalaallit Nunaanni aqqusinikkut angallannermut inatsit naapertorlugu nalunaarsorneqartussaasut Landskarsimut nakkartussamik akileraartassapput.

  Imm. 2. Akileraarummilli akiliisussaanngitsut tassaapput:

1) qamutit motorillit qatserutit annaassiniutillu,

2) napparsimmaveqarfiup napparsimasunik angallassissutai,

3) qamutit motorillit nunat allamiut aallartitaqarfiinit imaluunniit konsuleqarfiinit imaluunniit aallartitaqarfimmi sulisunit qallunaatut innuttaassuseqanngitsunit pigineqartut, aammalu

4) qamutit motorillit savaatillit tuttuutillillu sulinerannut atorneqartartut, savaateqarfiit tuttuuteqarfiillu illoqarfiit nunaqarfiillu avataanni inissisimasut sumiiffinnilu taakkunani qamutit motorillit arlaqanngitsuinnaat pigineqarpata akileraaruteqartussaanngitsunut ilanngunneqassasut.

  Imm. 3. Qamutit motorillit innarluutilinnik angallassissutit, qamutit toqusut illerfiinik assartuutit aammalu qamutit motorillit, aalajangersimasumik ingerlaarfeqarlutik bus-itut atorneqartartut akileraarummik akiliinnginnissaat Naalakkersuisut akuerisinnaavaat. 

 

  § 2.  Akileraarutit ukiumut annertussuseqassapput:

1)  Qamutit motoorillit 1.000 kg-t angullugit oqimaassusillit: kr. 6.554.

2)  Qamutit motoorillit 1.001 kg-niit 1.200 kg-t angullugit oqimaassusillit: kr. 10.049.

3)  Qamutit motoorillit 1.201 kg-niit 1.500 kg-t angullugit oqimaassusillit: kr. 10.747.

4)  Qamutit motoorillit 1.501 kg-niit 1.800 kg-t angullugit oqimaassusillit: kr. 15.231.

5)  Qamutit motoorillit 1.800 kg sinnerlugit oqimaassusillit: kr. 17.575.

6)  Motorcykelit: kr. 3.540.

7)  Qamutit motoorillit nunakkoorutit minnerusut sisamanik amerlanernilluunniit assakaasullit: kr. 2000.

  Imm. 2.  Qamutinut motoorilinnut, taamaallaat innaallagissamik imaluunniit brintimik ingerlateqartunut, kiisalu plug-in-hybridbiilinut, batterinik innaallagissamik immeqqinneqarsinnaasunik ingerlatilinnut akileraarut ukiumut kr. 6.554-nik annertussuseqarpoq.

  Imm. 3.  Akileraarut siumoortumik ukiup affakkaarlugu akilerneqartartoq, ulloq 1. april aamma 1. oktober akiligassanngortarpoq aammalu kingusinnerpaamik ulloq 30. april aamma 31. oktober akilerneqassalluni. Piffissaq eqqorlugu akiliiffissaq ulloq kingulleq arfininngorneruppat, sapaataappat imaluunniit nalliuttuuppat, piffissamut killiliussat ulluinnarmut tullermut sivitsorneqassaaq.

  Imm. 4. Akileraarutit piffissaagallartillugu akilerneqarsimanngippata akileraarutit 500 kr.-nik ilassuserneqassapput.

  Imm. 5. Akileraarutinut akiligassat akilerneqanngitsut Kalaallit Nunaanni eqqartuussisarnermi inatsimmi kap. 7, akileraarutit akitsuutillu piumasarineqartut pinngitsaaliinikkut akilersinniarneqarsinnaanerinik imaqartoq, tassani ilaalluni aningaasat akiligassalimmut tunniunneqartut unerartitsiffigineqarsinnaanerat, naapertorlugu akilersinniarneqarsinnaapput.

 

  § 3. Qamutit motorillit nalunaarsorsimaffiannut nalunaarutiginninnermi, § 4, imm. 2-mi taaneqartut pinnagit, akileraarutit qaammatip nalunaarsorneqarflup 1.- aniit naatsorsorneqassapput. Biilit normuat tunniunneqartinnagu akileraarutit akilerneqareersimassapput.

  Imm. 2. Qamutit motorillit siusinnerusukkut nalunaarsorneqareersimasut nalunaarsortinneqaqqinneranni biilit normuat aatsaat tunniunneqassaaq akileraarutit akiligassanngorsimasut, § 4, imm. 1 naapertorlugu utertinneqarsinnaanngitsut, akilerneqareerpata.

 

  § 4. Qamutit motoorillit nalunaarsorsimaffiramut atorunnaartutut nalunaarutigineqarpata, akileraarutit akilerneqarsimasut qaammatip atuiunnaarfiup tulliata 1-ianiit utertinneqassapput.

  Imm. 2. Qamutit motorillit nalunaarsorneqarfimmut nalunaarutigeqqinneqarpata, politeeqarfimmi tassani allamiluunniit nalunaarutiginninneq pigaluarpalluunniit, akileraarutit akilerneqarsimasut utertinniarneqarsinnaanngi1lat nalunaarutiginneqqinneq atuiunnaarluni nalunaarnermiit qaammatip ataatsip iluani pisiiappat.

 

  § 5. Akileraarutit akiligassanngortinneqassapput akileraarutit akiligassanngortinneqarfianni qamutit motorillit nalunaarsorneqarfianni piginnittutut nalunaarsorneqarsimasumut.

  Imm. 2. Qamutit motorillit aqqusinermi angallannermut inatsimmi aalajangersakkat unioqqutillugit nalunaarsuiffimmut nalunaarutigineqarsimanngippata, qamutit motorillit nalunaarutigineqarnissaannut pisussaasoq aki leraarutinut akiliisinneqassaaq piffissami qamutit motorillit nalunaarsuiffimmut nalunaarutigineqaratik atorneqarfianni.

 

  § 6. Akileraarutinik akiliisitsineq akileraaruseriffimmit isumagineqassaaq.

  Imm. 2. Qamutit motorillit nalunaarsorneqartut, taamaatitsinerit, nuunnerit aammalu piginnittup allanngornera il.il. pillugit politiit akileraaruseriffimmut nalunaaruteqartassapput.

  Imm. 3. Qamutit motorlillit nalunaarsorneqarsimasut akileraarutaasa akilerneqarsimannginnerannik politiit akileraaruseriffimmit nalunaarfigineqarunik biilit normuat piaarnerpaamik arsaarinnissut igissavaat.

 

  § 7. Kinaluunniit akileraarusiinissamut, akileraarutit akilerneqarsimasut utertinneqarnissaannut imaluunniit akileraarutit annertussusissaannut naatsorsuinissamut piaaraluni mianersuaalliorujussuarluniluunniit paasissutissiinngitsoortoq imaluunniit eqqunngitsunik paasissutissiisoq akiliisitsinermik pineqaatissinneqassaaq, inatsit naapertorlugu allamik pineqaatissinneqassanngikkuni.

  Imm. 2. Aktieselskabi, anpartsselskabi, andelsselskabi assigisaalluunniit unioqqutitsippata selskabi akiliisussanngortinneqarsinnaavoq. Kommune kommunelluunniit ingerlataa unioqqutitsippat, takuuk kommunalbestyrelsit, bygderådit il.il. pillugit Inatsisartut inatsisaanni § 57, kommune kommunelluunniit ingerlataa akiliisussanngortinneqarsinnaavoq.

 

  § 8. Inatsisartut inatsisaat 1. juli 1987-imiit atuutilissaaq.

  Imm. 2. Piffissami 1. juli 1987-imiit 30. septemper 1987-imut akileraarutit 1. juli 1987-imi akiligassanngortinneqassapput.

  Imm. 3. Inatsisartut inatsisaata atuutilerfianiit qamutit motoorillit akileraarutaat pillugit Inatsisartut inatsisaat nr. 8 23. oktober 1979-imeersoq kingusinnerusukkut allannguutitalik, atorunnaarsinneqarpoq.

  Imm. 4. Inatsisartut inatsisaata matuma piviusunngortinneqarnissaanut maleruagassiat pisariaqartut Naalakkersuisut aalajangersassavaat.

 

Inatsisartut inatsisaat nr. 17, 30. oktober 1992-imeersoq^[1] ima atulernissamut aalajangersagaqarpoq:

 

§ 2

 

Inatsisartut inatsisaat 15. november 1992-imi atuutilissaaq.

  Imm. 2. § 1, nr. 1-imiit 4-mut aalajangersakkat 1. april 1993 aallarnerfigalugu atuutilissapput.

Inatsisartut inatsisaat nr. 14, 7. november 2003-meersoq (Akileraarummik qaffaaneq)^[2] ima atulernissamut aalajangersagaqarpoq:

 

§ 2

 

Inatsisartut inatsisaat atuutilerpoq ulloq 1. januar 2004, siullermeerlunilu sunniuteqassalluni piffissamut akileraarfiusumut 2004-mi 1. april-imiit 30. september-imut, 1. april 2004-mi akilerneqartussanngortussamut.

Inatsisartut inatsisaat nr. 7, 11. november 2004-meersoq (Qamutit motorillit savaateqarfinni tuttuuteqarfinnilu ingerlatsiviusuni il.il. inuussutissarsiutigalugu atorneqartunut akileraarummik akiliinnginnissaq)^[3] ima atulernissamut aalajangersagaqarpoq:

 

§ 2

 

Inatsisartut inatsisaat 1. januar 2005-miit atuutilissaaq.

  Imm. 2. Ukiup affaanut, piffissami 1. aprilimiit 31. december 2004-p tungaanut qamutinik Motoorilinnik pigisalinnut akileraarummik akiliuteqannginnissamut § 1, imm. 2, nr. 4-imi taaneqartunut akiliutigisimasinnaasaannik utertitsisoqassaaq.

Inatsisartut inatsisaat nr. 14, 2. november 2006-imeersoq (Akileraaruserinerup qitiusumiit ingerlanneqalernerata kinguneranik allannguutit aamma nakkutilliinermut maleruagassat erseqqissaateqarfigineri) ^[4] ima atulernissamut aalajangersagaqarpoq:

 

§ 11

 

Landstingsloven træder i kraft den 1. januar 2007.

 

Inatsisartut inatsisaat nr. 18, 18. november 2010-meersoq (Akileraarummik qaffaaneq)^[5] ima atulernissamut aalajangersagaqarpoq:

§ 2

 

Inatsisartut inatsisaat 1. januar 2011-miit atuutilissaaq siullermeerutaasumillu atuutsinneqassalluni akitsuutinut piffissarititami 1. april 2011-miit 30. september 2011-p tungaanut, 1. april 2011-mi akiligassanngortussanut.

Inatsisartut inatsisaat nr. 10, 3. december 2012-imeersoq (Oqimaassutsimik agguaaneq)^[6] ima atulernissamut aalajangersagaqarpoq:

 

§ 2

 

Inatsisartut inatsisaat 1. januar 2013-imiit atuutilissaaq, siullermeerutaasumillu atuutsinneqassalluni akileraarutinut piffissarititami 1. april 2013-imiit 30. september 2013-ip tungaanut, 1. april 2013-imi akiligassanngortussanut.

Inatsisartutlov nr. 22, 18. november 2019-imeersoq (Biilinut innaallagiatortunut aamma plug-in hybridbiilinut akileraarut)^[7] ima atulernissamut aalajangersagaqarpoq:

 

§ 2

 

Inatsisartut inatsisaat ulloq 1. januar 2020 atuutilerpoq aammalu siullermeertumik piffissamut akileraaruteqarfiusussamut 1. april 2020-miit 30. september 2020-mut, akileraarutip ulloq 1. april 2020 akiligassanngorfiani, atuutissalluni, taamaattoq takuuk imm. 2.

  Imm. 2.  Nr. 1-imi aalajangersagaq ulloq 1. januar 2021 atuutilerpoq aammalu siullermeertumik piffissamut akileraaruteqarfiusussamut 1. april 2021-mit 30. september 2021-mut, akileraarutip ulloq 1. april 2021 akiligassanngorfiani, atuutissalluni.

 

 

 

 

Aningaasaqarnermut Akileraartarnermullu Naalakkersuisoqarfik , ulloq 18. november 2025

 

 

 

Nikolai Sten Christensen (atsior.)

Pisortaq

 

 

 

/Morten W. Selvejer (atsior.)