Filmiliortarneq pillugu Inatsisartut inatsisaat nr. 65, 6. december 2024-meersumi § 13, imm. 4 naapertorlugu aalajangersarneqarpoq:

Akissarsiaqartitsineq

  § 1.  Kalaallit Nunaata Filminstituttiani siulersuisut suliaminnut ukiumoortumik akissarsisassapput.

  Imm. 2.  Siulersuisuni siulittaasoq 50.000 kr.-inik akissarsiaqassaaq, taamaattoq tak. § 3, imm. 2.

  Imm. 3.  Siulersuisunut ilaasortat sinneri akissarsiaat 25.000 kr.-iussapput, taamaattoq tak.§ 2, imm. 2 aamma § 3, imm. 2.

  § 2.  Siulersuisunut ilaasortaq ilaasortaajunnaarpat, soraarsitaappat imaluunniit sivisunerusumi sulinngippat § 1 naapertorlugu akissarsiaqarsinnaatitaaneq atorunnaassaaq. 

  Imm. 2.  Sinniisut siulersuisunut ilaasortat siulersuisunit anineranni, soraarsitaaneranni sivisunerusumiluunniit sulinnginnerannit isertut siulersuisuni ulloq suliffigiligaannit akissarsiaqartinneqassapput.

Atortuulersitsinermi aamma ikaarsaariarnermi aalajangersakkat

  § 3. Nalunaarut 1. oktober 2025-mi atuutilissaaq, taamaattoq tak. imm. 2.

Imm. 2.  Siulersuisunut ilaasortat siulliit akissarsiaqarsinnaatitaapput piffissami atuuffimmik aallartinneranit ulloq 1. juni 2025.

Namminersorlutik Oqartussat, ulloq 20. august 2025

Nivi Olsen (atsior.)

Ilinniartitaanermut, Kultureqarnermut, Timersornermut Ilageeqarnermullu Naalakkersuisoq

/Nuka Kleemann (atsiorn.)