(Savalimmiuni efterskolimiinnermut aamma fagskolini namminersortuniinnermut tapiissutit)

§ 1 

Efterskolit pillugit Inatsisartut inatsisaat nr. 13 , 5. december 2008-imeersumi, Inatsisartut inatsisaatigut nr. 17, 3. december 2012-imeersukkut, allanngortinneqartumi makkua allanngortinneqarput:

1. Qulequtaata taaguutaa ima oqaasertaqalerpoq:

”Efterskolit aamma atuarfiit ilaanni najugaqarnermut aamma paarlaasseqatigiilluni nunami allamiinnermut tapiissuteqartarneq pillugit Inatsisartut inatsisaat”.

2.  Kapitali 5-mi qulequtaq ima oqaasertalerneqassaaq:

”Danmarkimi Savalimmiunilu efterskolimiinnermut, Danmarkimi fagskolini namminersortuniinnermut aamma paarlaasseqatigiinnernut tapiissuteqartarneq”.

3. § 20 imatut oqaasertalerneqassaaq:

”  § 20. Naalakkersuisut Danmarkimi Savalimmiunilu efterskolernermi kiisalu Danmarkimi fagskolini namminersortuniinnermi aningaasartuutinut tapiissuteqarsinnaapput, tassunga ilanngullugit atuartut akiliutaasa ikilisinneqarnerinut tapit, kiisalu atuartut angalanerini aningaasartuutit akilissallugit, tak. § 15, imm. 1 aamma 2. Tapiissutit tamarmiusut amerlassusaat ukiut tamaasa Aningaasanut Inatsimmi aalajangersarneqartarput.
  Imm. 2.  Danmarkimi Savalimmiunilu efterskolernermut kiisalu Danmarkimi fagskolini namminersortuniinnermut tapiissutinik tapiiffigineqarsinnaanermut akuersissutit pillugit Naalakkersuisut aalajangersaassapput, matumani tapiissutinik tigusisinnaanermut piumasaqaatit, tapiissutit annertussusissaat, isertitat naapertorlutit nalimmassaasinnaaneq, qinnuteqariaatsit kiisalu naammagittaalliorsinnaaneq ilanngullugit.”

§ 2

Inatsisartut inatsisaat ulloq 1. januar 2026 atuutilissaaq.

Namminersorlutik Oqartussat, ulloq 20. novemberi 2025

Jens-Frederik Nielsen (atsior.)

Naalakkersuisut Siulittaasuat