§ 1

Efterskolit pillugit Inatsisartut inatsisaanni nr. 13, 15. december 2008-meersumi makku allanngortinneqarput:

1.  Inatsisip qulequtaa ima oqaasertalerneqassaaq:
”Efterskolit aamma paarlaasseqatigiittarnermut tapiissutit pillugit Inatsisartut inatsisaat”

2.  § 1-ip kingornagut kapitali 1-mi ilanngunneqassaaq:
Ӥ 1a. Paarlaasseqatigiinneq tassaavoq inuusuttut 18-it inorlugit ukiullit Kalaallit Nunaata Danmarkillu avataaniinnerat, inuusuttut ilinniakkatigut, inuttut naalagaaffiillu akimorlugit kulturit pillugit piginnaasaannik nukittorsaanissamik siunertaqartoq.

3.  Kapitali 5-mut qulequtaq ima oqaasertalerneqassaaq:

“Danmarkimi efterskolernermut aamma paarlaasseqatigiittarnermut tapiissutit”

4.  § 20, imm. 2 ima oqaasertalerneqassaaq:
”Imm. 2. Naalakkersuisut Danmarkimi efterskolernernut tapiissutit tunniunneqarnissaat pillugu malittarisassanik aalajangersaassapput, tassunga ilanngullugit tapiisarnissamut piumasaqaatit, tapiissutit annertussusaat, isertitaqqortussuseq naapertorlugu akiliuteqartarneq, qinnuteqarnermi periusissat aamma maalaarnissamut aqqutissat.”

5.  § 20-p  kingorna kapitali 5-imi ilanngunneqassaaq:
”§ 20a.  Naalakkersuisut paarlaasseqatigiinnermut atatillugu aningaasartuutinut tapiissuteqarsinnaapput. Tapiissutit tamarmiusut annertussusaat ukiut tamaasa Aningaasanut Inatsimmi aalajangerneqartassapput.
Imm. 2.  Naalakkersuisut paarlaasseqatigiinnernut tapiissutit tunniunneqarnissaat pillugu malittarisassanik aalajangersaassapput, tassunga ilanngullugit tapiisarnissamut piumasaqaatit, tapiissutit annertussusaat, isertitaqqortussuseq naapertorlugu akiliuteqartarsinnaaneq, qinnuteqarnermi periusissat aamma maalaarnissamut aqqutissat.”

6.  Inatsisip qallunaatuaani tamarmi ”Landsstyret” allanngortinneqassaaq imatut: ”Naalakkersuisut”. § 1, imm. 4-mi ”Inatsisartut peqqussutaat” allanngortinneqassaaq imatut: ”malittarisassat” aammalu § 14, imm. 4-mi  ”Namminersornerullutik Oqartussat”: ima allanngortinneqassaaq ”Namminersorlutik Oqartussat”. Inatsisartit inatsisaanni tamarmi “Inatsisartut Aningaasanut Inatsisaat” “Aningaasanut Inatsisit”-mut allanngortinneqassapput aamma “Inatsisartut Aningaasanut Inatsisaa” “Aningaasanut Inatsit”-mut.

§ 2

Inatsisartut inatsisaat atuutilissaaq 1. januar 2013.

Kalaallit Nunaanni Namminersorlutik Oqartussat, ulloq 3. december 2012

Kuupik Kleist