Nappaatit tunillaassortut akiorniarlugit iliuutsit pillugit Inatsisartut inatsisaanni nr. 31, 13. juni 2023-meersumi § 2, imm. 5 aamma § 45, imm. 1 naapertorlugit, aamma Nunatsinni Nakorsaaneqarfimmit innersuussutit naapertorlugit uku aalajangersarneqarput:

Nappaatit tamanut ulorianartut

  § 1.  Nappaatit makku nappaatinut tamanut ulorianartunut qallunaatut, latiinerisut aamma nunat tamalaat akornanni taaguutinut ilaapput:

1)  Kopper, Variola aamma Smallpox.

2)  Pest, Pestis aamma Plague.

3)  Polio, Poliomyelitis anterior acuta aamma Poliomyelitis

  Imm. 2.  Nappaatit makku nappaatinut tamanut ulorianartunut qallunaatut aamma nunat tamalaat akornanni taaguutinut ilaapput:

1)  Ebola aamma Ebola virus disease.

2)  Ekstensivt resistent tuberkulose (XDR-TB) aamma Extensively drug-resistant mycobacterium tuberculosis (XDR-TB).

3)  Fugleinfluenza forårsaget af A(H5) aamma A(H7N9) subtyper aamma Avian influenza, A(H5) aamma A(H7N9) subtypes.

4)  Krim-Congo hæmoragisk feber aamma Crimean-Congo haemorrhagic fever.

5)  Lassa-feber aamma Lassa Fever.

6)  Marburg-sygdom aamma Marburg virus disease.

7)  Middle East respiratorisk syndrom (MERS) aamma Middle East respiratory syndrome (MERS).

8)  Nipahvirus sygdom aamma Nipah virus infection.

9)  Pandemisk influenza aamma Pandemic influenza.

10)  Svær Akut Respiratorisk Syndrom (SARS) aamma Severe Acute Respiratory Syndrome (SARS).

Nalunaaruteqartarnermut aaqqissuussineq

  § 2.  Peqqissaanermik suliaqartut akuerisat inuinnaallu imaluunniit suliffeqarfiit, laboratoriami misissueqqissaarnermik ingerlatsisut, § 1-imi nappaatit taakkartorneqartut pillugit paasisaqareernerup kingorna piaartumik Nunatta Nakorsaaneqarfianut nalunaarutigissavaat.

  Imm. 2.  Imm. 1 naapertorlugu nalunaarutiginninneq paasissutissanik pisariaqartunik imaqassaaq Nunatta nakorsaanerata nalunaarutiginninneq naammattumik malinnaaviginiassammagu.

Atuutilersitsinermut atorunnaarsitsinermullu aalajangersagaq

  § 3.  Nalunaarut 8. august 2023-mi atuutilissaaq.

  Imm. 2.  Ilutigisaanik Nappaatit inunnut nalinginnaasumik ulorianartut pillugit Namminersorlutik Oqartusssat nalunaarutaat nr. 22, 30. juuni 2022-mersooq atorunnaarsinneqarpoq.

Namminersorlutik Oqartussat, ulloq 4. august 2023

Mimi Karlsen (atsior.)

Peqqissutsimut Naalakkersuisoq

/ Nike Berthelsen (atsior.)