§ 1

Utoqqalinersiaqarneq pillugu Inatsisartut inatsisaanni, tak. Namminersorlutik Oqartussat inatsimmik nalunaarutaat nr. 42, 14. september 2023-meersoq, tulliuttut allanngortinneqassapput:

1. § 5, imm. 2, atorunnaarsinneqarpoq.

Imm. 3 tamatuma kingorna imm. 2-nngorpoq.

2. § 10, imm. 2, ima oqaasertalerneqassaaq:

”  Imm. 2.  Utoqqalinersianut tapeq, utoqqalinersiallip ukiumut isertitai maanna atuuttut katillugit, utoqqalinersiat aamma pensionisiat inunnut isumaginninnikkut isumannaallisaaneq pillugu Nunat Avannarliit isumaqatigiissutaat malillugu tunniunneqartartut ilanngunnagit, appartinneqassaaq makkua qaangerpatigit:

1) utoqqalinersialimmut kisermaamut kr. 156.000-t.

2) utoqqalinersialimmut aappaqartumut kr. 183.000-t, tak. § 5.”

§ 2

Siusinaartumik pensionisiat pillugit Inatsisartut inatsisaanni, tak. Namminersorlutik Oqartussat inatsimmik nalunaarutaat nr. 41, 14. september 2023-meersoq, tulliuttut allanngortinneqassapput:

1. § 15, imm. 3, ima oqaasertalerneqassaaq:

“  Imm. 3. Siusinaartumik pensionisiat, siusinaartumik pensionisiallip ukiumut isertitai maanna atuuttut katillugit, siusinaartumik pensionisiat aamma pensionisiat inunnut isumaginninnikkut isumannaallisaaneq pillugu Nunat Avannarliit isumaqatigiissutaat malillugu tunniunneqartartut ilanngunnagit, appartinneqassapput kr. 38.000-it qaangerpatigit, § 17, imm. 2 malillugu siusinaartumik qaffasinnerpaamik pensionisiat affaanik ilallugit.”

2. § 16, imm. 3, ima oqaasertalerneqassaaq:

“  Imm. 3.  Siusinaartumik pensionisiat, siusinaartumik pensionisiallip ukiumut isertitai maanna atuuttut katillugit, siusinaartumik pensionisiat aamma pensionisiat inunnut isumaginninnikkut isumannaallisaaneq pillugu Nunat Avannarliit isumaqatigiissutaat malillugu tunniunneqartartut ilanngunnagit, appartinneqassapput kr. 38.000-it qaangerpatigit, § 17, imm. 2 malillugu siusinaartumik qaffasinnerpaamik pensionisiat pingajorarterutaannik ilallugit.”

3. § 17, imm. 3, ima oqaasertalerneqassaaq:

“  Imm. 3.  Siusinaartumik pensionisiat, siusinaartumik pensionisiallip ukiumut isertitai maanna atuuttut katillugit, siusinaartumik pensionisiat aamma pensionisiat inunnut isumaginninnikkut isumannaallisaaneq pillugu Nunat Avannarliit isumaqatigiissutaat malillugu tunniunneqartartut ilanngunnagit, appartinneqassapput kr. 38.000-it qaangerpatigit.”

4. § 17, imm. 4, atorunnaarsinneqarpoq.

Imm. 5-6 tamatuma kingorna imm. 4-5-inngussapput.

§ 3

Inatsisartut inatsisaat manna atuutilissaaq ulloq 1. januar 2024.

Namminersorlutik Oqartussat, ulloq 20. novembari 2023

Múte Bourup Egede (atsior.)

Naalakkersuisut Siulittaasuat