Inatsisartut Naalakkersuisullu pillugit Inatsisartut inatsisaanni nr. 26, 18. november 2010-meersumi § 23, imm. 1 naapertorlugu aalajangersarneqarput:

 

Kapitali 1

Susassaqarfiit agguataarnerat

 

  § 1.  Naalakkersuisut Siulittaasuata Naalakkersuisunut ilaasortat akornanni suliassaqarfiit, kaajallaasitami matumani aalajangersarneqartutut agguataarpai.

  Imm. 2.  Naalakkersuisunit Naalakkersuisumut piginnaatitsineq kaajallaasitap matuma atulersinnissaa sioqqullugu Naalakkersuisunit aalajangiiffigineqartoq tamatuminnga sunnerneqanngilaq. Piginnaatitsissutit Naalakkersuisut allamik aalajangiinissaasa tungaannut atuutissapput.

 

Naalakkersuisut

 

  § 2.  Naalakkersuisut Siulittaasuat: Múte Bourup Egede, Inuit Ataqatigiit.

1)  Naalakkersuisut Siulittaasuata Naalakkersuisoqarfia.

  Imm. 2.  Aningaasaqarnermut Akileraartarnermullu Naalakkersuisoq: Erik Jensen, Siumut.

1)  Naalakkersuisut Siulittaasuatuata tullia.

2)  Aningaasaqarnermut Akileraartarnermullu Naalakkersuisoqarfik.

  Imm. 3.  Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen, Inuit Ataqatigiit.

1)  Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik.

  Imm. 4.  Naalagaaffinngornissamut Nunanullu allanut Naalakkersuisoq: Vivian Motzfeldt, Siumut.

1)  Naalagaaffinngornissamut Nunanullu allanut Naalakkersuisoqarfik.

  Imm. 5.  Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq: Aqqaluaq B. Egede, Inuit Ataqatigiit.

1)  Meeqqanut Inuusuttunullu Naalakkersuisoqarfik.

2)  Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik.

  Imm. 6.  Aalisarnermut Piniarnermullu Naalakkersuisoq: Kim Kielsen, Siumut.

1)  Aalisarnermut Piniarnermullu Naalakkersuisoqarfik.

  Imm. 7.  Nunalerinermut, Imminut Pilersornermut, Nukissiutinut Avatangiisinullu Naalakkersuisoq: Kalistat Lund, Inuit Ataqatigiit.

1)  Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik.

  Imm. 8.  Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq: Jess Svane, Siumut.

1)  Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik.

  Imm. 9.  Peqqinnissamut Naalakkersuisoq: Agathe Fontain, Inuit Ataqatigiit.

1)  Peqqinnissamut Naalakkersuisoqarfik.

  Imm. 10.  Ineqarnermut Attaveqaasersuutinullu Naalakkersuisoq: Hans Peter Poulsen, Siumut.

1)  Ineqarnermut Attaveqaatersuutinullu Naalakkersuisoqarfik.

 

Naalakkersuinikkut allaffissornikkullu agguataarineq

 

  § 3.  Suliassaqarfinnik naalakkersuinikkut agguataarineq kapitali 2-miit 11-mut takuneqarsinnaavoq. Allaffissornikkut agguataarineq ilanngussaq 1-imi takuneqarsinnaavoq.

 

Kapitali 2

Naalakkersuisut Siulittaasuat

 

Naalakkersuisut Siulittaasuata Naalakkersuisoqarfia

 

  § 4.  Naalakkersuisut Siulittaasuata Naalakkersuisoqarfia makkuninnga immikkoortortaqarlunilu suliassaqarfeqarpoq:

1)  Aqutsisunut Allattoqarfik.

2)  Inatsiseqarnermut immikkoortortaqarfik.

3)  Ingerlatseqatigiiffinnut Allattoqarfik.

4)  Suliassaqarfiit akimorlugit Aqutsinermut, Ineriartortitsinermut Qitiusumilu sulisoqarnermut politikkimut allaffeqarfik.

5)  Kalaallit Nunaanni pisortatigoortumik tikeraarnerit.

6)  Danmark-imi Namminersorlutik Oqartussat sinniisoqarfia.

7)  Naalakkersuinermut allattoqarfik aamma attaveqaqatigiinneq.

8)  Ataatsimoortumik IT atorlugu periaatsit.

 

Immikkoortortat ataaniittut

 

  § 5.  Immikkoortortat makku Naalakkersuisut Siulittaasuata Naalakkersuisoqarfiata ataaniipput, inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Digitalinngortitsinermut Aqutsisoqarfik

 

Kapitali 3

Aningaasaqarnermut Akileraartarnermullu Naalakkersuisoq

 

Aningaasaqarnermut Akileraartarnermullu Naalakkersuisoqarfik

 

  § 6.  Aningaasaqarnermut Akileraartarnermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Aningaasarsiornikkut naalakkersuineq Aningaasaqarnermullu naalakkersuineq.

2)  Akileraartarnermut akitsuusiisarnermullu naalakkersuineq.

3)  Nuna tamakkerlugu pilersaarusiorneq.

 

Immikkoortortat ataaniittut

 

  § 7.  Aningaasaqarnermut Akileraartarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Akileraartarnermut Aqutsisoqarfik (AKA).

2)  Aningaasaqarnermut Sulisoqarnermullu Aqutsisoqarfik (ASA).

3)  Kalaallit Nunaanni Naatsorsueqqissaartarfik.

 

Kapitali 4

Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq

 

Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik

 

  § 8.  Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Inuussutissarsiutinik inuussutissanillu ingerlataqarneq pillugit inatsiseqarneq.

2)  Inuussutissarsiornermik naalakkersuineq – ataatsimut isigalugu inuussutissarsiutinik siuarsaanerup, takornariaqarnerup, sermip erngullu iluanni.

3)  Nuna tamakkerlugu takornariaqarnermut periusissaq.

4)  Sermimik imermillu avammut nioqquteqarneq kiisalu sermimut imermullu inatsisip aqunneqarnera.

5)  Kalaallit Nunaanni inuussutissarsiutinik siuarsaanerup ilusiligaanera.

6) Niuernermut politikki

7)  Nunaqarfinni isorliunerusunilu aningaaseriveqarnermik pilersuineq.

8)  Suliniutinut annertuunut sinaakkutissatut atugassarititaasut.

9)  Annertuunik ingerlataqarnermut tunngatillugu inuiaqatigiinni piujuaannartitsisumik ingerlatsineq.

10)  Unammilleqatigiinnermut inatsisit aammalu nalinginnaasumik neqeroortitsisarnermut inatsisit.

11)  Atuisoqarnermik naalakkersuinikkut tunngassutillit.

12)  Avammut nioqquteqarnissamut akuersissutit (aatsitassanut ikummatissanullu inatsit naapertorlugu avammut annissinissamut akuersissutit ilanngunnagit).

13) Aatsitassanut suliassaqarfimmi pingaarnerusutigut pilersaarusiorneq ataqatigiissaarinerlu.

14)  Aatsitassat pillugit naalakkersuineq aammalu aatsitassanut tunngasunut periusissat.

15)  Aatsitassanut suliassaqarfimmi inuiaqatigiinni piujuaannartitsisumik ingerlatsineq, ilanngullugit VSB-inut nassuiaatit, IBA-nut isumaqatigiissutit aamma innuttaasunik akuutitsineq.

16)  Aatsitassanut suliassaqarfiup iluani maleruagassanik aalajangersaaneq.

17)  Kalaallit Nunaanni aatsitassarsiorfiusinnaasut pillugit nunani tamalaanni saqqummiussisarneq/nittarsaassisarneq.

18)  Aatsitassanut suliassaqarfimmi nunap sannai pillugit oqartussatut suliaqartarnerit.

19)  Aatsitassanut suliassaqarfimmi nunap sannai pillugit qarasaasiatigut paasissutissaasiviit.

20)  Ujarassiorit.

21) Ikummatissiassanut suliassanut tunngatillugu oqartussaaneq, ilanngullugit uuliasiorfiutileqatigiiffiit gassisiorfiutileqatigiiffiillu kiisalu ingerlatseqatigiiffiit nunap pissusiinik misissuisartut.

22)  Kalaallit Nunaanni ikummatissiassaqarsinnaaneranut periusissanik ineriartortitsineq nunanilu tamalaanni nittarsaassisarneq.

23)  Ikummatissiassanik atuinermut tunngatillugu inatsisinik maleruagassanillu ineriartortitsineq.

24)  Ikummatissiassanut akuersissutinut tunngatillugu nakkutilliisarneq oqartussatullu suliaqartarneq.

25)  Ikummatissiassanut suliassaqarfimmi nunap sananeqataannut qarasaasiatigut paasissutissaasiviit.

26)  Inatsisinik atuutsitsinermut suliassaqarfik.

27)  Naligiissitaaneq.

 

Immikkoortortat ataaniittut

 

§ 9.  Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Atuisoqarnermut Unammilleqatigiinnermullu Aqutsisoqarfik.

2)  Aatsitassanut Ikummatissanullu Aqutsisoqarfik (MLSA).

 

Kapitali 5

Naalagaaffinngornissamut Nunanullu allanut Naalakkersuisoq

 

Naalagaaffinngornissamut Nunanullu allanut Naalakkersuisoqarfik

 

  § 10.  Naalagaaffinngornissamut Nunanullu allanut Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Tunngaviusumik inatsiseqalernissamut immikkoortortaqarfik.

2)  Kalaallit Nunaata nunani allani sinniisoqarfii.

3)  Kalaallit Nunaata nunanut allanut sillimaniarnermullu politikkia.

4)  Issittumi suleqatigiinnermik ataatsimut isigalugu ataqatigiissaarineq.

5) Ilisimatusarneq             

 

Kapitali 6

Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq

 

Meeqqanut Inuusuttunullu Naalakkersuisoqarfik

 

  § 11.  Meeqqanut Inuusuttunullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Atualertussat.

2)  Meeqqat inuusuttullu ajornartorsiutillit.

3)  Ilaqutariit meerartallit.

4)  Pitsaaliuineq.

5)  Meeqqanut inuusuttunullu isumaginninnermut suliassaqarfik.

6)  Meeqqat illersuisuat meeqqallu pillugit siunnersuisoqatigiit.

7)  Innarluutillit.

8)  Innarluutillit illersuisuat.

 

Immikkoortortat ataaniittut

 

  § 12.  Meeqqanut Inuusuttunullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Isumaginninnermut Aqutsisoqarfik.

 

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik

 

  § 13.  Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1) Meeqqat atuarfiat.

2)  Atuarfiit namminersortut.

3)  Efterskolit.

4)  Atuarfiit immikkut ittut.

5)  Folkehøjskolit.

6)  Ilinniarnertuunngorniarfiit.

7)  Ingerlaqqiffiusumik ilinniarfiit ilisimatusartutullu ilinniarfiit.

8)  Inuussutissarsiutinut ilinniarfiit.

9)  Nuna Tamakkerlugu qitiusumik Ilitsersuisarfik.

10)  Danmarkimi Kalaallit Illui.

11)  Ilinniartitaaneq pillugu EU-lu peqatigiinnissamik isumaqatigiissut.

12)  Kulturimut tunngasut, ilanngullugit eqqumiitsuliortutut ingerlatsisut.

13)  Sunngiffimmi sammisassaqartitsineq.

14)  Nunatta Atuagaateqarfia.

15)  Timersorneq.

16)  Oqaatsit pillugit naalakkersuinikkut ingerlatsineq.

17)  Radio aamma TV.

18)  Katersugaasiveqarneq Toqqorsiveqarnerlu.

19)  Kulturikkut kingorngussat illersornissaat aamma UNESCO.

20)  Ilagiit.

21)  Ilisinernut iliveqarfeqarnermullu inatsiseqarneq.

22)  Inuit aqqi pillugit inatsit.

 

Immikkoortortat ataaniittut

 

  § 14.  Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Ilinniartitaanermut Aqutsisoqarfik.

 

Immikkoortortaq nammineertitat

 

  § 15.  Immikkoortortat nammineertitat makkua Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisumut atasuupput, tassani oqartussaanerusumut naammagittaalliortoqarsinnaanani:

1)  MIO, meeqqat illersuisuat.

2)  Tilioq - Innarluutillit Illersuisuat.

 

Kapitali 7

Aalisarnermut Piniarnermullu Naalakkersuisoq

 

Aalisarnermut Piniarnermullu Naalakkersuisoqarfik

 

  § 16.  Aalisarnermut Piniarnermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Nunami namminermi nunanilu tamalaani aalisarneq pillugu inatsisit, ilanngullugit aalisakkanit isumalluutit, qaleruallit ilanngullugit, illersorneqarnissaannut atorneqartarnerinullu naalakkersuinikkut ingerlatsineq.

2)  Nunami namminermi nunanilu tamalaani aalisarnermik naalakkersuinermut tunngasunik pingaarnertigut suliassanik naalakkersuinikkut ingerlatsineq.

3)  TAC pisassiissutillu.

4)  Aalisarnermut piniarnermullu tunngasuni nunarsuup immikkoortuini, illugiillunilu nunat akornanni aammalu nunat tamalaat akornanni isumaqatigiissutit.

5)  Nunami namminermi nunanilu tamalaani piniarneq aallaaniarnerlu pillugit inatsisit, tassungalu ilanngullugit immami miluumasunik illersuineq atuinerlu, ilanngullugit matumanilu immami miluumasunik illersuineq atuinerlu.

6)  Nunami namminermi nunallu tamalaat akornanni piniarnermut aallaaniarnermillu naalakkersuinermi suliassat pingaarnerit.

7)  Akiliisitsilluni piniartitsisarneq aalisartitsisarnerlu.

8)  Nunarsuup immikkoortuini, illugiillunilu nunat akornanni aammalu nunat tamalaat akornanni isumaqatigiissutit.

9)  Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfik (UNIO).

10)  Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfimmut akisussaaffik Namminersorlutik Oqartussat aamma Danmarkimi uumasunut nakorsaqarnermut inuussutissalerinermilu oqartussaqarfiup akornanni avinneqarnikuuvoq. Danmarkimi Fødevarestyrelsen (Inuussutissalerinermut Aqutsisoqarfik) qullersatut oqartussaavoq, suliffeqarfinnik neqilerisunut aalisakkerisunullu akuersissuteqartarneq nakkutilliinerlu eqqarsaatigalugit, tassungalu ilanngullugit nunanut allanut niuernissaq siunertaralugu akuerineqarsimasut umiarsuit suliffissuaatigisut.

 

Immikkoortortat ataaniittut

 

  § 17.  Aalisarnermut Piniarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA).

 

Kapitali 8

Nunalerinermut, Imminut Pilersornermut, Nukissiutinut Avatangiisinullu Naalakkersuisoq

 

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik

 

  § 18.  Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Nunalerineq, savaateqarneq, nersutaateqarneq tuttuuteqarnerlu pillugit inatsiseqarneq.

2)  Nunalerinermi naalakkersuinikkut ingerlatsineq.

3)  Nunalerinermut sammisunik inuussutissarsiutinik siuarsaaneq.

4)  Imminut pilersorneq.

5)  Nukissiuuteqarnermi immikkoortumut pilersaarut.

6)  Nukissiutinik ataavartunik ineriartortitsineq.

7)  Nukimmik, imermik kiassarnermillu pilersuineq.

8)  Pilersuinermik naalakkersuinikkut ingerlatsineq.

9)  Nunami namminermi nunanilu tamalaani pinngortitaq pillugu illersuinermik inatsiseqarneq.

10)  Avatangiisit aamma Upalungaarsimaneq.

11)  Aalisakkanik piniakkanillu tunisassianut tunitsiveqarneq pillugu ingerlatseqatigiiffinnut assigiinngitsunut kiffartuussinissamik isumaqatigiissutit.

12)  Silap pissusaanut naleqqussarneq aamma nunami namminermi silap pissusaatigut anguniakkanik naalakkersuinikkut ingerlatsineq.

 

Immikkoortortat ataaniittut

 

  § 19.  Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Nukissiorfiit.

2)  Aatsitassanik Suliassaqarfinnut Avatangiisinut Aqutsisoqarfik.

3)  Asiaq, Kalaallit Nunaanni Misissueqqaarnerit.

4)  Innaallagissiornermut oqartussat.

 

Immikkoortortat nammineertitat

 

  § 20.  Immikkoortortat nammineertitat makkua Nunalerinermut, Imminut Pilersornermut, Nukissiutinut Avatangiisinullu Naalakkersuisup ataaniipput, tassani oqartussaanerusumut naammagittaalliortoqarsinnaanani:

1)  Pinngortitaleriffik.

 

Kapitali 9

Isumaginninnermut, Ilaqutariinnut, Sulisoqarnermut Nunamullu Namminermut Naalakkersuisoq

 

Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik

 

  § 21.  Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Inersimasut ajornartorsiutillit.

2)  Utoqqaat.

3)  Inersimasunut suliassaqarfimmi isumaginninnermut inatsisit.

4)  Inuit pisinnaatitaaffii.

5)  Ilaqutariinnut inatsisit.

6)  Suliffeqarnermut inatsiseqarneq.

7)  Suliffeqarnermik naalakkersuinikkut ingerlatsineq.

8)  Nunatsinni Suliffeqarnermut Siunnersuisoqatigiinnik allatseqarfittut sullissineq.

9)  Suliffeqarneq pillugu pilersaarusiorneq.

10)  Nunani allamiunut tunngasut, najugaqarnissamut sulisinnaanissamullu akuersissutit.

11)  Nunamut Namminermut immikkoortortaqarfik.

12) Kommuninik nakkutilliineq.

13) Nordisk Pension pillugu suliaqarneq.

 

Immikkoortortat nammineertitat

 

  § 22.  Immikkoortortat nammineertitat makkua Isumaginninnermut, Ilaqutariinnut, Sulisoqarnermut Nunamullu Namminermut Naalakkersuisup ataaniipput, tassani oqartussaanerusumut naammagittaalliortoqarsinnaanani:

1)  Utoqqaat illersuisuat.

2)  Isumaginninnermik Nakkutilliisut arlaannaannulluunniit attuumassuteqanngitsut.

3)  Kommuninut Nakkutilliisoqarfik.

 

Kapitali 10

Peqqinnissamut Naalakkersuisoq

 

Peqqinnissamut Naalakkersuisoqarfik

 

  § 23.  Peqqinnissamut Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Peqqissuseq pillugu inatsiseqarneq.

2)  Peqqinnissaqarfiup aqunneqarnera aaqqissugaaneralu.

3)  Peqqinnissakkut sullissineq.

4)  Kigutilerineq.

5)  Imigassat aalakoornartullit, tupa pujortartarnerlu pillugit inatsiseqarneq.

6)  Pinngitsuuisinnaajunnaarsimasunik katsorsaasarneq pillugu inatsiseqarneq.

 

Immikkoortortat ataaniittut

 

  § 24.  Peqqinnissamut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Peqqinnissamut Aqutsisoqarfik.

2)  Allorfik – Pinngitsuuisinnaajunnaarsimasunik katsorsaasarneq.

 

Immikkoortortat nammineertitat

 

  § 25.  Immikkoortortat nammineertitat makkua Peqqinnissamut Naalakkersuisup ataaniipput, tassani oqartussaanerusumut naammagittaalliortoqarsinnaanani:

1)  Nunatta Nakorsaaneqarfia (NUN).

 

Kapitali 11

Ineqarnermut Attaveqaasersuutinullu Naalakkersuisoq

 

Ineqarnermut Attaveqaasersuutinullu Naalakkersuisoqarfik

 

  § 26.  Ineqarnermut Attaveqaasersuutinullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Ineqarneq Illuuteqarnerlu.

2)  Sanaartorneq.

3)  Sanaartornermut oqartussaaneq.

4)  Attaveqarneq.

5)  Angallanneq.

 

Immikkoortortat ataaniittut

 

  § 27.  Ineqarnermut Attaveqaasersuutinullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Iluarsagassanut Aqutsisoqarfik.

2)  Nalunaarasuartaateqarnermut Aqutsisoqarfik Radioqarnermillu Ingerlatsivik.

 

Kapitali 12

Atuutilernera

 

  § 28.  Kaajallaasitaq manna ulloq 25. september 2023 atuutilerpoq.

  Imm. 2.  Peqatigisaanik suliassaqarfiit agguataarnerat pillugu kaajallaasitaq nr. 23, 5. juni 2023-meersoq atorunnaarsinneqarpoq (Suliassaqarfiit agguataarnerat).

 

 

Naalakkersuisut Siulittaasuata Naalakkersuisoqarfia, ulloq 27. septembari 2023

 

 

Múte Bourup Egede (atsior.)

Naalakkersuisut Siulittaasuat

 

 

/ Hans-Peder Barlach Christensen (atsior.)