§ 1

Nunami inuussutissarsiutinut tunngatillugu inuussutissarsiornermik siuarsaaneq pillugu Inatsisartut inatsisaat nr. 20, 3. december 2012-meersumi, allanngortinneqartumi Nunami inuussutissarsiutinut tunngatillugu inuussutissarsiornermik siuarsaaneq pillugu Inatsisartut inatsisaata allanngortinneqarneranik Inatsisartut inatsisaat nr. 4, 3. juni 2016-imeersumi aamma Inatsisartut inatsisaanni nr. 27, ulloq 17. november 2017-imeersumi imaattunik allannguuteqartitsisoqassaaq:

1. § 2, imm. 1, imatut oqaasertalerneqassaaq:
”Inatsisartut inatsisaanni ilaapput nunami inuussutissarsiutinut tapiissuteqartarneq. Nunami inuussutissarsiutini ilaapput suliffeqarfiit aamma ingerlatsisarnerit kiffartuussinernik, takornariartitsinernik, suliffissuaqarnermik, niuernermik, akunnittarfeqarnermik, IT-mik, misigisassarsiortitsisarnernik, nipilersornermik inuussutissarsiutit, filmiliornermik inuussutissarsiutit allallu.”

§ 2

Inatsisartut inatsisaat atortuulissaaq ulloq 1. januar 2022.

Namminersorlutik Oqartussat, ulloq 1. december 2021

Múte Bourup Egede
Naalakkersuisut Siulittaasuat