§ 1

Kalaallit Nunaanni aalisarnermi pisarineqartut isumalluutinik atuinermut akitsuutit pillugit Inatsisartut inatsisaat nr. 46, 23. november 2017-imeersoq, kingullermik Inatsisartut inatsisaatigut nr. 13, 27. november 2018-imeersukkut allanngortinneqartoq imatut allanngortinneqarpoq:

1. Inatsisip qulequtaa ima oqaasertalerneqassaaq:
“Aalisarnermi pisarineqartut isumalluutinik atuinermut akitsuutaat pillugit Inatsisartut inatsisaat”

2. § 13-mi imm. 2-p kingorna immikkoortoq nutaaq ikkunneqassaaq
”  Imm. 3.  Akiligassiissutit il.il. nalunaarummut tunngaviusut assilineri, Kalaallillu Nunaannit annissinermut atatillugu suliarineqartut, nalunaarummut ilanngunneqassapput.”

Imm. 3-4 tamassuma kingorna imm. 4-5-inngussapput.

3.  § 15-ip kingorna ikkunneqassaaq:

”Paasissutissanik ingerlatitseqqinneq

  § 15 a.  Paasissutissat suliffeqarfiit akitsuutinik akiliisussaatitaasut tunniussaat aqutsinermi oqartussanut allanut naatsorsueqqissaarnermi misissueqqissaarnermilu siunertanut atugassatut tunniunneqarsinnaapput.
  Imm. 2.  Naalakkersuisut akileraarutinik aqutsisoqarfiup paasissutissanik tigusaminik suliarinnittarneranut, tassunga ilanngullugit paasissutissat suut, siunertanut sunut qanorlu iliorluni tunniunneqarsinnaasut pillugit malittarisassiorsinnaapput.”

4. § 17, imm. 1 imatut oqaasertalerneqassaaq:
”  § 1, imm. 1, § 11, imm. 2, § 12, imm. 1, § 13, imm. 1-3-mik imaluunniit § 14 naapertorlugu akiliinissamut piffissarititap sivikinnerusup atorneqarnissaanik imaluunniit qularnaveeqqusiinissamik peqqussuteqarnermik piaaraluni mianersuaalliorujussuarluniluunniit unioqqutitsineq Kalaallit Nunaanni pinerluttulerinermut inatsit malillugu pineqaatissiinermik kinguneqarsinnaapput.”

§ 2

Inatsisartut inatsisaat ulloq 1. januar 2022 atuutilersinneqarpoq aamma aalisakkat pisarineqartunut imaluunniit ulloq 1. januar 2022 kingusinnerusukkulluunniit tunniunneqartunut atuulluni.

Namminersorlutik Oqartussat, ulloq 19. november 2021

Múte Bourup Egede
Naalakkersuisut Siulittaasuat