Inatsisartut Naalakkersuisullu pillugit Inatsisartut inatsisaat nr. 26, 18. november 2010-meersumi § 23, imm. 1 naapertorlugu, makkua aalajangersarneqarput:

 

Kapitali 1

Suliassaqarfiit agguataarnerat

 

  § 1.  Naalakkersuisut Siulittaasuata Naalakkersuisunut ilaasortat akornanni suliassaqarfiit agguataarsimavai, kaajallaasitami matumani aalajangersarneqartut.
  Imm. 2.  Kaajallaasitap matuma atulersinnissaa sioqqullugu Naalakkersuisunit aalajangiiffigineqartoq Naalakkersuisunit Naalakkersuisumut piginnaatitsineq tamatuminnga sunnerneqanngilaq. Piginnaatitsisutit Naalakkersuisut allamik aalajangiinissaasa tungaannut atuutissapput.

 

  § 2.  Naalakkersuisut Siulittaasuata pingaarnertigut suliassaqarfiit imatut agguataarsimavai:
1)  Naalakkersuisut Siulittaasuat: Múte Bourup Egede, Inuit Ataqatigiit
2)  Aningaasaqarnermut Nunamullu Namminermut Tunngassutilinnut Naalakkersuisoq: Asii Chemnitz Narup, Inuit Ataqatigii
3)  Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoq: Pele Broberg, Naleraq.
4)  Aalisarnermut Piniarnermullu Naalakkersuisoq: Aqqaluaq B. Egede, Inuit Ataqatigiit.
5)  Isumaginninnermut Sulisoqarnermullu Naalakkersuisoq: Mimi Karlsen, Inuit Ataqatigiit.
6)  Ilinniartitaanermut, Kultureqarnermut, Timersornermut Ilageeqarnermullu Naalakkersuisoq: Peter Olsen, Inuit Ataqatigiit.
7)  Peqqinnissamut Naalakkersuisoq: Kirsten L. Fencker, Naleraq.
8)  Nunalerinermut, Imminut Pilersornermut, Nukissiutinut Avatangiisinullu Naalakkersuisoq: Kalistat Lund, Inuit Ataqatigiit.
9)  Ineqarnermut, Attaveqaasersuutinut, Aatsitassanut, Inatsisit Atuutsinneqarnerannut Naligiisitaanermullu Naalakkersuisoq: Naaja H. Nathanielsen, Inuit Ataqatigiit.
10)  Meeqqanut, Inuusuttunut, Ilaqutariinnullu Naalakkersuisoq: Eqaluk Høegh, Inuit Ataqatigiit.
  Imm. 2.  Naalakkersuisut Siulittaasuannut tullersorti: Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoq: Pele Broberg, Naleraq.

 

  § 3.  Suliassaqarfinnik politikkikkut agguataarineq kapitali 2-11-mi takuneqarsinnaavoq. Allaffissornikkut agguataarineq ilanngussaq 1-imi takuneqarsinnaavoq.

 

Kapitali 2

Naalakkersuisut Siulittaasuat

 

  § 4.  Naalakkersuisut Siulittaasuat Naalakkersuisut Siulittaasuata Naalakkersuisoqarfianut qullersaalluni akisussaavoq.

 

  § 5.  Naalakkersuisut Siulittaasuata Naalakkersuisoqarfia ukuninnga immikkoortortaqarluni suliassaqarfeqarpoq:
1)  Aqutsisunut Allattoqarfik.
2)  Inatsiseqarnermut immikkoortortaq.
3)  Ingerlatseqatigiiffinnut Allattoqarfik.
4)  Sulisoqarnermut immikkoortortaq.
5)  Tunngaviusumik inatsisitaarnissamik isumalioqatigiissitaq.

 

 Immikkoortortat ataaniittut

 

  § 6.  Naalakkersuisut Siulittaasuata Naalakkersuisoqarfiata ataaniipput immikkoortortat uku, naalakkersuisoqarfimmut maalaaruteqarsinnaasut, inatsit alla malinneqanngippat:
1)  Digitaliseeriinermut Aqutsisoqarfik.

 

Kapitali 3

Aningaasaqarnermut Nunamullu Namminermut Tunngassutilinnut Naalakkersuisoq

 

  § 7.  Aningaasaqarnermut Nunamullu Namminermut Tunngassutilinnut Naalakkersuisoq Aningaasaqarnermut Nunamullu Namminermut Tunngassutilinnut qullersaalluni akisussaavoq.

 

  § 8.  Aningaasaqarnermut Nunamullu Namminermut Tunngassutilinnut Naalakkersuisoqarfik ukuninnga immikkoortortaqarluni suliassaqarfeqarpoq:
1)  Aningaasaqarnermut politikki aningaasaqarnermullu pilersaarusiorneq.
2)  Akileraartarnermut akitsuusiisarnermullu politikki.
3)  Nuna tamakkerlugu pilersaarusiortarneq.
4)  Nunamut namminermut immikkoortortaqarfik.
5)  Kommuninik nakkutilliineq.

 

Immikkoortortat ataaniittut 

 

  § 9. Aningaasaqarnermut Nunamullu Namminermut Tunngassutilinnut Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Akileraartarnermut Aqutsisoqarfik (AKA).
2)  Aningaasaqarnermut Sulisoqarnermullu Aqutsisoqarfik (ASA).
3)  Naatsorsueqqissaartarfik.

 

Kapitali 4

Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoq

 

  § 10.  Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoq Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoqarfimmut qullersaalluni akisussaavoq.

 

  § 11.  Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoqarfik ukuninnga immikkoortortaqarlunilu suliassaqarfeqarpoq:
1)  Inuussutissarsiutit inuussutissarsiummillu ingerlataqarneq pillugit inatsit.
2)  Inuussutissarsiornermut politikki – ataatsimut isigalugu inuussutissarsiutinik siuarsaanerup, takornariaqarnerup, siku aamma erngup iluini.
3)  Nuna tamakkerlugu takornariaqarnermut periusissaq.
4)  Sikumik aamma imermik avammut nioqquteqarneq kiisalu siku imerlu pillugit inatsit malillugu allaffissornikkut aqutsineq.
5)  Kalaallit Nunaanni inuussutissarsiutinik ineriartortitsinermut ilusilersuineq.
6)  Nunaqarfinni isorliunerusuni aningaaseriveqarnikkut pilersorneqarneq.
7)  Suliniutinut annertuunut tunngaviatigut atugassarititaasut.
8)  Suliffissuaqarnermut tunngatillugu inuiaqatigiinni piujuartitsineq.
9)  Unammilleqatigiinnermut inatsit neqeroortitsisarnermilu tamakkiisumik inatsit.
10)  Atuisoqarnermut tunngassutilinnut naalakkersuineq.
11)  Nunanut allanut tuniniaanissamut akuersissutit (aatsitassanut inatsit malillugu akuersissutit ilanngunnagit).
12)  Nunap toqqavia pillugu suliniut.
13)  Atomip nukinganik atortussianik nunanut allanut nioqquteqartarnermi isumannaallisaanermut tunngatillugu nunat tamalaat isumaqatigiissutaat.
14)  Qitiusumik oqartussaqarfik Kalaallit Nunaata nunani tamalaani soqutigisaanik isumaginnittoq.
15)  Naalakkersuisoqarfiit ataasiakkaat nunani tamalaani suliniutaannik ataqatigiissaarineq aamma oqilisaassineq.
16)  Kalaallit Nunaata naalagaaffiup allanut attaveqarnerani suleqatigiit sullinneqarneri.
17)  Kunngeqarfiup Danmarkip Issittumut periusissiaa.
18)  Nunanut allanut niuerneq pillugu politikki matumani WTO ilanngullugu.
19)  Silap pissusaanut naleqqussarneq aamma nunatsinni silap pissusaatigut anguniakkat.
20)  Silap pissusaanik illersuineq.
21)  Nunani Avannarlerni Killerni Siunnersuisoqatigiit.
22)  Kalaallit Nunaata Bruxellesimi Sinniisoqarfia.
23)  Kalaallit Nunaata Washington D.C.-imi Sinniisoqarfia.
24)  Kalaallit Nunaata Reykjavikimi Sinniisoqarfia.
25)  Københavnimi Kalaallit Nunaata Sinniisoqarfia.

 

Immikkoortortat ataaniittut

 

  § 12. Nunanut Allanut, Inuussutissarsiornermut, Niuernermut, Silallu Pissusiinut Tunngassutilinnut Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Atuisoqarnermut Unammilleqatigiinnermullu Aqutsisoqarfik.

 

Kapitali 5

Aalisarnermut Piniarnermullu Naalakkersuisoq

 

  § 13.  Aalisarnermut Piniarnermullu Naalakkersuisoq Aalisarnermut Piniarnermullu Naalakkersuisoqarfimmut qullersatut akisussaavoq.

 

  § 14.  Aalisarnermut Piniarnermullu Naalakkersuisoqarfik ukuninnga immikkoortortaqarluni suliassaqarfeqarpoq:
1)  Nunatsinni nunanilu tamalaani aalisarneq pillugu inatsisit, aalisakkanit pisuussutit qaleruallit ilanngullugit illersorneqarnissaannut atorneqartarnerinullu politikki ilanngullugu.
2)  Nunami nunallu tamalaat aalisarnermut politikkimut tunngasunik pingaarnertigut suliassat.
3)  TAC pisassiissutillu.
4)  Aalisarnermut piniarnermullu tunngasuni nunarsuup immikkoortuini, illugiilluni aammalu  nunat tamalaat akornanni isumaqatigiissutit.
5)  Nunatsinni nunanilu tamalaani piniarneq aallaaniarnerlu pillugit inatsisit, matumani imaani miluumasunik illersuineq atuinerlu ilanngullugit.
6)  Nunatsinni nunallu tamalaat akornanni piniarnermut aallaaniarnermullu politikkimi suliassat pingaarnerit.
7)  Akiliisitsilluni piniartitsisarneq aalisartitsisarnerlu.
8)  Nunarsuup immikkoortuini, illugiilluni aammalu nunat tamalaat akornanni isumaqatigiissutit.
9)  Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfik (UNIO).
10)  Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfimmut akisussaaffik Namminersorlutik Oqartussat aamma Danmarkimi uumasunut nakorsaqarnermut inuussutissalerinermilu oqartussaqarfiup akornanni avinneqarsimavoq. Danmarkimi Inuussutissalerinermut Aqutsisoqarfik qullersatut oqartussaavoq, suliffeqarfinnik neqilerisunut aalisakkerisunullu akuersissuteqartarneq nakkutilliinerlu eqqarsaatigalugit tassunga ilanngullugit avammut niuernissaq siunertaralugu akuerineqarsimasut umiarsuit suliffissuaatigisut.

 

Immikkoortortat ataaniittut

 

  § 15. Aalisarnermut Piniarnermullu Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Kalaallit Nunaanni Aalisarsinnaanermut Akuersissutinik Nakkutilliivik (KANUAANA).

 

Kapitali 6

Isumaginninnermut Sulisoqarnermullu Naalakkersuisoq

 

  § 16.  Isumaginninnermut Sulisoqarnermullu Naalakkersuisoq Isumaginninnermut Sulisoqarnermullu Naalakkersuisoqarfimmut qullersaalluni akisussaavoq.

 

  § 17. Isumaginninnermut Sulisoqarnermullu Naalakkersuisoqarfik ukuninnga immikkoortortaqarlunilu suliassaqarfeqarpoq:
1)  Inersimasut ajornartorsiutillit.
2)  Utoqqaat. 
3)  Inersimasunik isumaginnittoqarneq.
4)  Utoqqaat Illersuisuat.
5)  Suliffeqarnermut inatsit aamma sullivimmi avatangiisit pillugit inatsit.
6)  Suliffeqarnermik politikki.
7)  Nunatsinni Inuussutissarsiornermut Suliffeqarnermullu Siunnersuisoqatigiinnik allattoqarfittut sullissineq.
8)  Suliffeqarneq pillugu pilersaarusiorneq.
9)  Nunani allamiunut tunngasut, najugaqarnissamut sulisinnaanissamullu akuersissutit.
10)  Suliffeqarnerup iluani ilisimatusarneq.

 

Immikkoortortat nammineertut.

 

  § 18.  Isumaginninnermut Sulisoqarnermullu Naalakkersuisoqarfiup ataaniipput immikkoortut nammineertut uku, maalaaruteqarsinnaanngitsut:
1)  Utoqqaat Oqaaseqartartuat.

 

Kapitali 7

Ilinniartitaanermut, Kultureqarnermut, Timersornermut Ilageeqarnermullu Naalakkersuisoq

 

  § 19.  Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut qullersatut akisussaavoq.

 

  § 20.  Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik ukuninnga immikkoortortaqarfeqarlunilu suliassaqarfeqarpoq:
1)  Meeqqat atuarfiat.
2)  Atuarfiit namminersortut.
3)  Efterskolit.
4)  Atuarfiit immikkut ittut.
5)  Folkehøjskolit. 
6)  Ilinniarnertuunngorniarfiit.
7)  Qaffasinnerusumik ilinniarnerit ilisimatuutullu ilinniarnerit.
8)  Inuutissarsiutinut ilinniartitaanerit.
9)  Nuna Tamakkerlugu Ilitsersuisarfik. 
10)  Danmarkimi Kalaallit Illui.
11)  Ilinniartitaaneq pillugu EU-mik peqateqarnissamik isumaqatigiissut. 
12)  Kulturimut tunngasut eqqumiitsuliortutut ingerlatsisut ilanngullugit.
13)  Sunngiffimmi sammisassaqartitsineq.
14)  Nunatta Atuagaateqarfia.
15)  Timersorneq.
16)  Oqaatsinut politikki.
17)  Radio aamma TV.
18)  Katersugaasiveqarneq Toqqorsiveqarnerlu.
19)  Kulturikkut kingorngussat illersornissaat UNESCO-lu.
20)  Ilagiit.
21)  Ilisinernut iliveqarfeqarnermullu inatsisit.
22)  Inuit aqqi pillugit inatsit.
23)  Ilisimatusarneq.

 

Immikkoortortat ataaniittut

 

  § 21.  Ilinniartitaanermut, Kultureqarnermut, Timersornermut Ilageeqarnermullu Naalakkersuisoq ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Ilinniartitaanermut Aqutsisoqarfik.

 

Kapitali 8

Peqqinnissamut Naalakkersuisoq

 

  § 22.  Peqqinnissamut Naalakkersuisoq Peqqissutsimut Naalakkersuisoqarfimmut qullersatut akisussaavoq.

 

  § 23. Peqqissutsimut Naalakkersuisoqarfik ukuninnga immikkoortortaqarlunilu suliassaqarfeqarpoq:
1)  Peqqinneq pillugu inatsisit.
2)  Peqqinnissaqarfiup aqunneqarnera aaqqissugaaneralu.
3)  Peqqinnissakkut sullissineq.
4)  Kigutilerineq.
5)  Imigassat aalakoornartullit, tupa pujortartarnerlu pillugit inatsisit.
6)  Pinngitsuuisinnaajunnaarsimasunik katsorsaasarneq pillugu Inatsit.

 

Immikkoortortat ataaniittut

 

  § 24.  Peqqissutsimut Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Peqqissutsimut Aqutsisoqarfik.
2)  Allorfik - Pinngitsuuisinnaajunnaarsimasunik katsorsaasarneq.

 

Immikkoortortat nammineertut.

 

  § 25. Peqqissutsimut Naalakkersuisoqarfiup ataaniipput immikkoortut nammineertut uku, maalaaruteqarsinnaanngitsut:
1)  Nunatta Nakorsaaneqarfia (NUN).

 

Kapitali 9

Nunalerinermut, Imminut Pilersornermut, Nukissiuutinut Avatangiisinullu Naalakkersuisoq

 

  § 26.  Nunalerinermut, Imminut Pilersornermut, Nukissiutinut Avatangiisinullu Naalakkersuisoq Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut qullersatut akisussaavoq.

 

  § 27.  Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik ukuninnga immikkoortortaqarluni suliassaqarfeqarpoq: 
1)  Nunalerineq, savaateqarneq tuttuuteqarnerlu pillugit inatsisit.
2)  Nunalerinermi naalakkersuinikkut ingerlatsineq.
3)  Nunalerinermut sammisunik inuussutissarsiutinik siuarsaaneq.
4)  Imminut pilersorneq.
5)  Nukissiuuteqarnemi immikkoortumut pilersaarut. 
6)  Nukissiutinik ataavartunik ineriartortitsineq.
7)  Nukimmik imermik kiassarnermillu pilersuineq.
8)  Pilersuinermut politikki.
9)  Nunatsinni namminermi nunanilu tamalaani pinngortitamik illersuinissamut inatsisit. 
10)  Avatangiisit aamma Upalungaarsimaneq.
11)  Aalisakkanik piniakkanillu tunisassianut tunitsiveqarneq pillugu ingerlatseqatigiiffinnut assigiinngitsunut kiffartuussinissamik isumaqatigiissuteqarneq.

 

Immikkoortortat ataaniittut

 

  § 28.  Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Nukissiorfiit.
2)  Aatsitassaqarnermi Avatangiisinut Aqutsisoqarfik.
3)  Asiaq, Kalaallit Nunaanni misissueqqaarnerit.

 

Immikkoortortat nammineertut. 

 

  § 29. Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup ataaniipput immikkoortut nammineertut uku, maalaaruteqarsinnaanngitsut:
1)  Pinngortitaleriffik.

 

Kapitali 10

Ineqarnermut, Attaveqaasersuutinut, Aatsitassanut, Inatsisit AtuutsinneqarnerannutNaligiisitaanermullu Naalakkersuisoq

 

  § 30.  Ineqarnermut, Attaveqaasersuutinut, Aatsitassanut, Inatsisit Atuutsinneqarnerannut Naligiisitaanermullu Naalakkersuisoq Ineqarnermut, Attaveqaasersuutinut Naligiisitaanermullu Naalakkersuisoqarfimmut aammalu Aatsitassanut Naalakkersuisoqarfimmut qullersatut akisussaavoq.

 

  § 31.  Ineqarnermut, Attaveqaasersuutinut, Inatsisit Atuutsinneqarnerannut Naligiisitaanermullu Naalakkersuisoqarfik ukuninnga immikkoortortaqarlunilu suliassaqarfeqarpoq:
1)  Ineqarneq Illuuteqarnerlu.
2)  Sanaartorneq.
3)  Sanaartornermut oqartussaassuseq.
4)  Attaveqarneq. 
5)  Angallanneq.
6)  Naligiissitaaneq.

 

  § 32.  Aatsitassanut Inatsisillu Atuutsinneqarnerannut Naalakkersuisoqarfik ukuninnga immikkoortortaqarlunilu suliassaqarfeqarpoq:
1)  Aatsitassanik suliassaqarfimmi pingaarnerusutigut pilersaarusiorneq ataqatigiissaarinerlu.
2)  Aatsitassanut politikki aammalu atortussianullu tunngasunik periusissat.
3)  Atortussianut tunngasuni inuiaqatigiinnik akornusiinani iluaqusiillunili ingerlatsinissaq, tassunga ilanngullugit VSB-nassuiaatit, IBA-mik isumaqatigiissutit innuttaasunillu peqataatitsineq.
4)  Atortussianut tunngatillugu malittarisassanik aalajangersaaneq.
5)  Kalaallit Nunaanni aatsitassarsiorfiusinnaasut pillugit nunani tamalaanni nittarsaassisarneq. 
6)  Aatsitassarsiornermut tunngatillugu nunap sannai pillugit oqartussatut suliaqartarnerit.
7)  Aatsitassarsiornermut tunngatillugu nunap sannai pillugit paasissutissat toqqortertarneri. 
8)  Ujarassiorit.
9)  Ikummatissanik nunap iluaneersunit suliassanut, tassunga ilanngullugit ingerlatseqatigiiffinnut ikummatissanik imerpalasunik gassinillu ingerlatsisunut kiisalu ingerlatseqatigiiffinnut nunap pissusiinik misissuisartunut soqutigisaqaqatigiinnullu allanut oqartussanut ingerlatsineq.
10)  Kalaallit Nunaanni ikummatissanik nunap iluaneersunik periusissanik ineriartortitsineq nunanilu tamalaanni periarfissat pillugit nittarsaassisarneq. 
11)  Ikummatissanik nunap iluaneersunik atuinermut tunngatillugu inatsisinik maleruagassanillu ineriartortitsineq. 
12)  Ikummatissanik nunap iluaneersunik atuinissamik akuersissutinut tunngatillugu nakkutilliisarneq oqartussatullu suliaqartarneq. 
13)  Ikummatissanik nunap iluaneersunut tunngatillugu nunap sananeqatai pillugit paasissutissat toqqortaatit.

 

Immikkoortortat ataaniittut

 

  § 33.  Ineqarnermut Attaveqaasersuutinut Naligiisitaanermullu Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Mittarfeqarfiit.

 

  § 34. Aatsitassanut Inatsisit Atuutsinneqarnerannut Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Aatsitassanut Ikummatissanullu Aqutsisoqarfik (MLSA)

 

Kapitali 11

Meeqqanut, Inuusuttunut, Ilaqutariinnullu Naalakkersuisoq

 

  § 35. Meeqqanut, Inuusuttunut, Ilaqutariinnullu Naalakkersuisoq Meeqqanut, Inuusuttunut, Ilaqutariinnullu Naalakkersuisoqarfimmut qullersatut akisussaavoq.

 

  § 36. Meeqqanut, Inuusuttunut, Ilaqutariinnullu Naalakkersuisoqarfik ukuninnga immikkoortortaqarlunilu suliassaqarfeqarpoq:
1)  Atualersussat. 
2)  Meeqqat inuusuttullu ajornartorsiutillit 
3)  Ilaqutariit meeqqallu. 
4)  Pinaveersaartitsineq. 
5)  Meeqqanut inuusuttunullu isumaginninneq. 
6)  Meeqqat illersuisuat meeqqallu pillugit siunnersuisoqatigiit.
7)  Innarluutillit.
8)  Inatsisinik atuutsitsinermut tunngasut.
9)  Innarluutillit illersuisuat.
10)  Inuit pisinnaatitaaffii.

 

Immikkoortortat ataaniittut

 

  § 37. Meeqqanut, Inuusuttunut, Ilaqutariinnullu Naalakkersuisoqarfik ukuninnga immikkoortortaqarpoq, naalakkersuisoqarfimmut maalaaruteqarsinnaasut, allamik inatsisitigut aalajangersaasoqarsimanngippat:
1)  Isumaginninnermut Aqutsisoqarfik.

 

Immikkoortortat nammineertut

 

  § 38. Meeqqanut, Inuusuttunut, Ilaqutariinnullu Naalakkersuisoqarfik ukuninnga nammineertunik immikkoortortaqarpoq maalaaruteqarsinnaanngitsut:
1)  MIO – Meeqqat illersuisuat.
2)  TILIOQ, Innarluutillit illersuisuat.

 

 

Kapitali 12

Atuutilersitsineq

 

  § 39. Kaajallaasitaq una ulloq 7. august 2021 atuutilissaaq. 
  Imm. 2. Peqatigisaanik suliassaqarfiit agguarneri pillugit kaajallaasitaq nr. 1, 23. april 2021-meersoq atorunnaarsinneqassaaq. (Suliassaqarfiit agguataarnerat)

 

 

 

Naalakkersuisut Siulittaasuata Naalakkersuisoqarfia, ulloq 6. august 2021

 

 

 

Múte Bourup Egede
Naalakkersuisut Siulittaasuat

 

 

 

/ Hans-Peder Barlach Christensen