Akileraaruserinermik ingerlatsineq pillugu Inatsisartut inatsisaanni nr. 11, 2. november 2006-imeersumi, kingullermik Inatsisartut inatsisaatigut nr. 11, 1. juni 2017-imeersukkut allanngortinneqartumi § 41 aamma § 42, imm. 2 naapertorlugit aalajangersarneqarput:

  § 1.  Kommunini inummut ataatsimut agguaqatigiissitanik akileraarutitigut isertitat assigiinngissutaasa naligiissarneqarnissaannut aammalu kommuninut ataatsimut akileraarutip agguataarneqarnissaanut kommunit ataani taaneqartut 2020-mi tapiissuteqarfigineqassapput:
1)  Kommune Kujalleq: kr. 117.524.000.
2)  Kommuneqarfik Sermersooq: kr. 41.220.000.
3)  Qeqqata Kommunia: kr. 110.405.000.
4)  Avannaata Kommunia: kr. 186.900.000.
5)  Kommune Qeqertalik: kr. 146.842.000.
  Imm. 2.  Tapiissutit landskarsimiit akilerneqartassapput qaammatini tamani 1/12-imik qaammatinut ataasiakkaanut tapiissutinut agguagassanut tapertaliullugit.

  § 2.  2018-imi kommuninut ataatsimut akileraarummit agguataagassaapput kr. 555.000.000 kiisalu iluarsiissutit, takuuk imm. 3, ukiuni 1987-imit 2015 ilanngullugu kr. -2.603.000, 2016-imit kr. -2.797.000, 2017-imit kr. 24.330.000, 2018-imiillu kr. 28.961.000, katillugit kr. 602.891.000.
  Imm. 2.  Kommuninut ataatsimut akileraarut nuna tamakkerlugu akileraarutip akilersorneqartarneratut Nunatta Karsimut akilersorneqartassaaq.
  Imm. 3.  Kommuninut ataatsimut akileraarummit isertitat imm. 1-imi kisitsimmit aalajangerneqarsimasumit allaaneruppata nikingassut ukiumi tulliuttumi kommuninut ataatsimut akileraarutip agguataarneqarnerani iluarsiissutigineqassaaq.

  § 3.  Nalunaarut 1. januar 2020-mi atuutilerpoq.

Namminersorlutik Oqartussat, ulloq 9. oktober 2019

Vittus Qujaukitsoq