§ 1

Aningaasarsianit akileraarutit pillugit Inatsisartut inatsisaanni nr. 12, 2. november 2006-imeersumi, Inatsisartut inatsisaatigut nr. 10, 29. november 2013-imeersukkut kingullermik allanngortinneqartumi makku allannguutigitinneqarput:

1.  § 3, imm. 3 ima oqaasertaqassaaq:
  ”Imm. 3.  Selskabinik suliffeqarfinnillu, aatsitassat pillugit ingerlatallu tamatumunnga pingaarutillit pillugit Inatsisartut inatsisaat naapertorlugu aatsitassanik iluaqutiginninniarsinnaanermut imaluunniit erngup nukingata innaallagissiornermut atorneqarnera pillugu Inatsisartut inatsisaat naapertorlugu akuersissuteqarfigineqarsimasunik akileraarusersuineq, aatsitassarsiornissamut pisinnaatitaaffeqalersup akuersissutaani aalajangersakkat malillugit, atorunnaassaaq.”

2.  § 30, imm. 8-p kingornanut ilanngunneqassaaq:
  ”Imm. 9.  Aningaaseriviit aningaasarsiornermik suliaqarneq pillugu inatsimmi pineqartut, taarsigassarsiarititanut annikilliliissutit aamma qularnaveeqqusiissutitigut il.il. annaasassanut immikkoortitat ukiup aningaasarsiorfiusup naanerani aningaasartaat, aningaasarsiat akileraaruteqaataasussat, naatsorsuuserinermi inatsisitigut maleruagassat aningaaserivimmut atuuttut naapertorlugit naatsorsorneranni ilanngaatigissavaat. Aningaasalli annikilliliissutit immikkoortitallu aatsaat ilanngaatigineqarsinnaapput annaasanut, akileraartarnermi inatsisini maleruagassat nalinginnaasut naapertorlugit ilanngaatigineqarsinnaasunut tunngasuuppata. Aningaasarsiat akileraaruteqaataasussat naatsorsorneranni ilanngunneqassapput aningaasat ukiup aningaasarsiorfiusup siuliani annikilliliissutit ilanngaatigineqarsinnaasut aamma immikkoortitat, tak. oqaaseqatigiit siulliit. Aalajangersagaq una taarsigassarsiniartarfinnut Kalaallit Nunaanni angerlarsimaffeqartunut taamatulli atuuppoq.”

3.  § 72 a, imm. 4-p kingornanut ilanngunneqassaaq:
  ”Imm. 5.  Inuk imm. 1-imi taaneqartoq atorfeqartitaanerminut atatillugu ukiumi aningaasarsiorfiusumi 350.000 kr.-init ikinnerusunik aningaasarsiaqarpat, Kalaallit Nunaata avataaneersuneersunit erniatigut isertitat, ernianut aningaasartuutit aamma iluanaarutisiat, imm. 4 apeqqutaatinnagu akileraaruserneqassanngillat.
  Imm. 6.  Inuk imm. 1-imi imaluunniit 5-imi aamma § 15, imm. 4-mi taaneqartuinnarnik aningaasarsiaqaruni, akileraaruserinermik ingerlatsineq pillugu Inatsisartut inatsisaanni § 16 apeqqutaatinnagu nammineerluni nalunaarsuiffimmik nassiussinngissinnaavoq.”

Imm. 5 matuma kingorna tassaalissaaq imm. 7.

4.  § 72 b, imm. 2-mi allassimasoq ”imm. 2-5-imi” allanngortinneqassaaq ima: ”imm. 2-7-imi”.

5.  § 76, imm. 2-mi allassimasoq ”§ 72 a, imm. 1 aamma 2,” allanngortinneqassaaq ima: ”§ 72 a, imm. 1, 2 aamma 5”.

6.  § 79, imm. 2-mi allassimasoq ”§ 72 a, imm. 1 aamma 2,” allanngortinneqassaaq ima: ”§ 72 a, imm. 1, 2 aamma 5”.

§ 2

Inatsisartut inatsisaat ulloq 1. januar 2016 atortuulissaaq.

Namminersorlutik Oqartussat, ulloq 9. december 2015

Kim Kielsen