§ 1

Inatsisartut Naatsorsueqqissaartarfik pillugu inatsisaanni nr. 11, 29. oktober 1999-imeersumi makku allannguutigitinneqarput:

1.  § 5, immikkoortoq 4 naapertorlugu nutaatut immikkoortoq 5 ilanngunneqassaaq: 
”Imm. 5. Naalakkersuisut pisussaatinneqarput ukiumoortumik siulersuisut siulittaasuannut ajunngitsorsiassaqartitsissallutik, Namminersorlutik Oqartussat tamakkiisumik ilaannakortumilluunniit suliffeqarfinni piginneqataaffigisaanni, siulersuisut siulittaasuisa ajunngitsorsiassaasa piffissami minnerpaaffiisa affaanik nalilimmik.”

2.§ 13-imi imm. 2-miit 6-imut nutaatut ilanngunneqarput:
”Imm. 2.  Imm. 1-imi aalajangersagaq atuutissanngilaq paasissutissat ilisimatusarnermi inatsisinil­luunniit piareersaanermi atugassatut ingerlateqqinneqarpata, paasissutissat ilisimatusarnerup inatsi­sinilluunniit piareersaanerup pineqartup pisinnaanissaanut pisariaqartinneqarpata.
  Imm. 3.  Imm. 1-imi aalajangersagaq aamma atuutissanngilaq inuit normuinik, innuttaasut pillugit misissuilluni naatsorsuinerni atorneqartussanik misiligutitut makitsinerni.
  Imm. 4.  Imm. 1-imi aalajangersagaq aammattaaq atuutissanngilaq paasissutissat tassaappata peq­qinnissaqarfiup, inuit inunngornerinik nalunaarutit sumillu toqquteqarneri pillugit paasissutissat eq­qortuunerannik qulakkeerinissamut atugassai.
  Imm. 5.  Imm. 2 naapertorlugu ingerlatitseqqinnermi inuit ataasiakkaat suliffeqarfiillu ataasiakkaat aqqi, najugaat, inuttut normui, suliffeqarfittut normui paasissutissallu assingusut, inuup suliffeqarfi­ulluunniit kinaaneranik takussutissiisinnaasut piiarneqarsimassapput.
  Imm. 6.  Paasissutissanik imm. 2-miit 4-mut pineqartunik ingerlatitseqqittarnermi suleriaasissat er­seqqinnerusut Naatsorsueqqissaartarfiup siulersuisuisa aalajangersarsinnaavaat, matumani aamma aalajangersarsinnaallugu ilisimatusarnermi atugassanik ingerlatitseqqittarneq taamaallaat pisinnaa­soq, ilisimatusarneq pineqartoq pillugu suleqatigiinnissaq ilisimatusarfimmut Kalaallit Nunaanneer­sumut nunanilluunniit avannarlermeersumut akuerisaasumut isumaqatigiissutigineqarpat.”

§ 2

Inatsisartut inatsisaat 1. januar 2016-imi atortuulissaaq.

Namminersorlutik Oqartussat, ulloq 9. december 2015

Kim Kielsen