§ 1

Umiarsualivimmiinnermut aamma umiarsuarni takornarianik angallassisuni ilaasut akileraaru­taat pillugit Inatsisartut inatsisaanni nr. 20, 30. oktober 1992-imeersumi, ilaatigut Inatsisartut inatsisaatigut nr. 2, 21. maj 2002-meersukkut kingullermillu Inatsisartut inatsisaatigut nr. 8, 5. december 2008-meersukkut allanngortinneqartumi makku allannguutigitinneqarput:

1. Inatsit ima taaguuteqarpoq:
”Umiarsualivimmiinnermut akileraarut pillugu Inatsisartut inatsisaat”

2. § 1-imi imm. 2-3 atorunnaarput.

Imm. 4 matuma kingorna tassaalerpoq imm. 2.

3. § 1, imm. 4, imm. 2-nngortoq ima oqaasertaqarpoq:
”Imm. 2. Umiarsuup takornarianik angallassissutip Kalaallit Nunaanni umiarsualivimmut, umiarsualiviup avataanut sinerissamiluunniit ilaasuminik nunnigussiffissamisut tikitassaanut siullermut apuunnissaa nal.ak. 24-nik sioqqullugu, umiarsuup naalagaata allattorsimaffik ilaasut qanoq amerlatiginerannik pineqartullu qanoq inuiaassuseqarnerannik imaqartoq Akileraaruseriffimmut nassiutissavaa. Takornarianik angallassineq Kalaallit Nunaanni umiarsualivimmiit aallarnerneqarpat allattorsimaffik umiarsuaq aallartinnagu nassiunneqassaaq.”

4. § 3, imm. 1-imi nr. 1-ip siornanut normutut nutaatut ilanngunneqarpoq:
”1) Umiarsuit takornarianik angallassissutit nal.ak. 24-t aallartinneri tamaasa 1 kr. 10 øre.”

Nr. 1-3 matuma kingorna tassaalerput nr. 2-4.

5. § 5, imm. 1-imi oqaaseqatigiit aappaat pingajuilu peerneqarput. 

6. § 5-imi imm. 3 atorunnaarpoq.

Imm. 4 matuma kingorna tassaalerpoq imm. 3.

7. § 5, imm. 4-mi imm. 3-nngortumi peerneqarpoq ”matumani aamma umiarsuit ilaasartaatit § 1, imm. 2-mi taaneqartut”

§ 2

Inatsisartut inatsisaat 1. juni 2015-imi atuutilissaaq.

Namminersorlutik Oqartussat, ulloq 3. juni 2015

Kim Kielsen