§ 1

Nunalerineq pillugu Inatsisartut inatsisaanni nr. 5-imi, 2. maj 1996-imeersumi, Inatsisartut inatsisaanni nr. 15-imi, 19. november 2007-imeersumi aamma Inatsisartut inatsisaanni nr. 11-mi, 5. december 2008-meersumi allanngortinneqartumi imaattumik allannguuteqartitsisoqarpoq:

1. § 14 a, imm. 1 ima oqaasertaqartinneqassaaq:
”§ 14 a.  Naalakkersuisut Nunalerineq pillugu Siunnersuisoqatigiinnik pilersitsissapput ukuninnga ilaasortalimmik:
1) Siulittaasoq Naalakkersuisunit toqqagaq.
2) Ilaasortaq ataaseq Pinngortitaleriffimmit inassuteqaat tunngavigalugu Naalakkersuisunit toqqagaq.
3) Ilaasortat marluk Savaatillit Peqatigiit Suleqatigiissut toqqagaat.
4) Ilaasortat marluk Kommune Kujalliup toqqagai.
5) Nunalerinermut Siunnersorteqarfimmit sulisunit sinniisoq ataaseq.
6) Ilaasortaq ataaseq Neqi A/S-imit toqqagaq.
7) Ilaasortaq ataaseq Namminersorlutik Oqartussat Uumasut Nakorsaqarnikkut Immikkoortortaqarfiannit toqqagaq.”

2. § 14 c, imm. 2 atorunnaarsinneqassaaq.

3. Inatsisartut inatsisaanni tamani ”Landsstyret” imatut allanngortinneqassaaq: ”Naalakkersuisut”.

4. Inatsisartut inatsisaanni tamani ”Landsstyrets” imatut allanngortinneqassaaq: ”Naalakkersuisut”.

5. Inatsisartut inatsisaanni tamani ”Namminersornerullutik Oqartussat” imatut allanngortinneqassapput: ”Namminersorlutik Oqartussat”.

§ 2

Inatsisartut inatsisaat 1. januar 2012 atuutilerpoq.

Namminersorlutik Oqartussat, ulloq 22. november 2011

Kuupik Kleist