§ 1

Akileraaruserinermik ingerlatsineq pillugu Inatsisartut inatsisaanni nr. 11, 2. november 2006-imeersumi, kingullermik Inatsisartut inatsisaatigut nr. 10, 5. december 2008-meersutigut allanngortinneqartumi, makku allanngortinneqarput:

1.  § 25, imm. 2-mi, ”4 procent” allanngortissaaq: ”2 procent”-imut.

2.  § 74, imm. 2 aamma 3-mi, ”Nunatta Eqqartuussivia” allanngortissaaq: ”Kalaallit Nunaanni Eqqartuussivik”.

3.  Inatsisartut inatsisaanni qallunaatuumi tamani ”Landsstyret” taarserneqassaaq taaguummik ”Naalakkersuisut” 

4.  Inatsisartut inatsisaanni tamani ”Kalaallit Nunaanni Namminersornerullutik Oqartussat” allanngortissaaq ima: ” Kalaallit Nunaanni Namminersorlutik Oqartussat”  aamma ”Kalaallit Nunaanni Namminersornerullutik Oqartussanut” allanngortillugu ima: ”Kalaallit Nunaanni Namminersorlutik Oqartussanut” 

5.  Inatsisartut inatsisaanni qallunaatuumi tamani ”Landstinget” taarserneqassaaq taaguummik ”Inatsisartut”  

6.  Inatsisartut inatsisaanni tamani ”Inatsisartut ataatsimiinnerat” taarserneqassaaq ima: ”ataasimiinneq” 

§ 2

Inatsit atuutilissaaq 1. juni 2010.
Imm. 2.  Inatsisissatut siunnersuummi § 1, nr. 1, ukiumi aningaasarsiorfiusumi 2009-mi akileraarpallaarutinut utertoorutisianut atuutissaaq.

Kalaallit Nunaanni Namminersorlutik Oqartussat, ulloq 18. maj 2010

Kuupik Kleist

/

Palle Christiansen