Quppernerup imai iserfigikkit
Oqaatsit toqqakkit
Ujaasinermut uterit
Inatsisit
Nr. 3
16. maaji 2008
Atuuttut

Inatsisartut peqqussutaata kiassarnermi erngup nukissiorfiata Utoqqarmiut Kangerluarsunnguaniittup pilersuiffiani kiassaateqarfinnut innaallagissamit kiassarneqartunut (elektrokedler) attavilersinnissamik pisussaanermut tunngasup allannguuteqartinnera pillugu Inatsisartut peqqussutaat (Nukissiorfiit namminersortunut aamma pisortanut kiassaateqarfinnut innaallagissamik kiassarneqartunut (elektrokedler) attavilersinnissamik pisussaaffiliinissaminnik periarfissaqalissapput)

§ 1

Inatsisartut peqqussutaat nr. 2, 31. oktober 1991-imeersumi, kiassarnermi erngup nukissiorfiata Utoqqarmiut Kangerluarsunnguaniittup pilersuiffiani kiassaateqarfinnut innaallagissamit kiassarneqartunut (elektrokedler) attavilersinnissamik pisussaanermut tunngasumi makkua allanngortinneqarput:



1.
Peqqussutip taaguutaa imatut oqaasertalerneqarpoq:

"Erngup nukinganik nukissiorfiit pilersuiffiini innaallagiaq kiassaatitut atorneqarsinnaalersikkumallugu innaallagissamik kiassaatinut attavilersinnissamik pisussaaffeqarneq pillugu Inatsisartut peqqussutaat".

2. Inatsisartut peqqussutaanni tamarmi qallunaatut oqaasertaq "GrĊ³nlands Energiforsyning" uunga allanngortinneqarpoq: "Nukissiorfiit" aamma "GrĊ³nlands Energiforsynings" uunga: "Nukissiorfiit".

3. § 1, imm. 1, imatut oqaasertalerneqarpoq:

"Erngup nukinganik nukissiorfiit innaallagissamik pilersuiffiini innaallagiaq kiassaatitut atorneqarsinnaalersikkumallugu, Nukissiorfiit pisortat aamma namminersortut kiassaateqarfiutillit innaallagissamik kiassaatinik ikkussueqqusinnaavaat.".

 

§ 2

Inatsisartut peqqussutaat 1. juli 2008 atuutilerpoq.



Namminersornerullutik Oqartussat, ulloq 16. maj 2008

Hans Enoksen

/

Kim Kielsen