§ 1

Pappiaqqanik nalilinnik naqissusiinermi akitsuut pillugu Inatsisartut inatsisaanni nr. 8-mi, 31. oktober 1987-imeersumi, ilaatigut Inatsisartut iatsisaatigut nr. 14-ikkut, 30. oktober 1992-imeersukkut kingullermillu Inatsisartut inatsisaatigut nr. 2-kkut, 20. maj 1998-imeersukkut allanngortinneqartumi, makku allanngortinneqarput:

1. § 9 imatut oqaasertalerneqarpoq:
"§ 9. Akitsuuteqartinneqassanngitsut tassaapput:
1) qularnaveeqqusiinermut uppernarsaatit aamma ajunaaruteqartitsinnginnissamut allagartat, Kalaallit Nunaanni inissialiornermi ikiorsiissutit pillugit Inatsisartut peqqussutaanni kapitali IV imaluunniit kapitali V, imaluunniit inissialiornermut, illuutigisanut ataatsimoorussanut, katitiinnarissanik nammineq illulianut il.il. ikiorsiissutit pillugit Inatsisartut peqqusstaat, naapertorlugu Naalakkersuisunut sananeqarsimasut.
2) pigisamik aalaakkaasumik, Kalaallit Nunaanni inissialiornermi ikiorsiissutit pillugit Inatsisartut peqqussutaanni kapitali IV imaluunniit kapitali V, imaluunniit inissialiornermut, illuutigisanut ataatsimoorussanut, katitiinnarissanik nammineq illulianut il.il. Inatsisartut peqqussutaat, naapertorlugu Naalakkersuisunut akiitsoqaataasumik, tunisaqarnermi uppernasaatit,
3) Qularnaveeqqusiinermut uppernarsaatit aamma ajunaaruteqartitsinnginnissamut allagartat, inuutissarsiutinut tapersiinermut Inatsisartut peqqussutaat naapertorlugu inuutissarsiutinut tapersiinermut ataatsimiititaliamut sananeqarsimasut,
4) qularnaveeqqusiinermut uppernarsaatit aammalu pigisanut qularnaveeqqussiissutinik qularnaveeqqusiussinermut allagartat, nammineq pigisanut qularnaveeqqusiissutit, inuussutissarsiornermut tapersiissutit pillugit Inatsisartut peqqussutaat naapertorlugu inuussutissarsiornermut tapersiissutinut ataatsimiititaliamut pisussaaffinnut qularnaveqqutitut taamaallaat atorneqarpata,
5) inuutissarsiornermut tapersiisarneq pillugu Inatsisartut peqqussutaat naapertorlugu pigisat aalaakkaasut, umiarsuit imaluunniit pialuutit inuutissarsiornermut tapersiisarnermut ataatsimiititaliamut tunineranni uppernarsaatit.
6) qularnaveeqqusiinermut akiitsunullu uppernarsaatit takornarianut unnuisarfissanik pilersitsinernut aningaasalersuinikkut tapersiissutinut (Unnuisa) aningaasaateqarfimmut, takornariartitsinermik inuussutissarsiuteqarnermut aningaasalersuinikkut taapersiissutit (TAT) pillugit Inatsisartut inatsisaanni kap. 2 naapertorlugu, sananeqartut,
7) qularnaveeqqusiinermut akiitsunullu uppernarsaatit takornariartitsinermik inuussutissarsiuteqarnermik pilersitsinernut (TAT) aningaasalersuinikkut tapersiissutinut ataatsimiititaliamut, takornariartitsinermik inuussutissarsiuteqarnermut aningaasalersuinikkut taapersiissutit pillugit Inatsisartut inatsisaanni kap. 3 naapertorlugu, sananeqartut,
8) qularnaveeqqusiinermut ajunaaruteqartitsinnginnissamullu uppernarsaatit, aalisarnermik piniarnermillu inuussutissarsiutillit inuussutissarsiuteqarnerannik siuarsaaneq pillugu Inatsisartut peqqussutaat naapertorlugu Naalakkersuisunut sananeqartut,
9) nammineq pigisamik qularnaveeqqusiussinermut uppernarsaatit kiisalu nammineq pigisanik qularnaveeqqusiussinermut uppernarsaammik qularnaveeqqusiussinermut allagartat, nammineq pigisanik qularnaveeqqusiussineq, aalisarnermik piniarnermillu siuarsaaneq pillugu Inatsisartut peqqussutaat naapertorlugu, Naalakkersuisunut pisussaaffigisanut qularnaveeqqutitut taamaallaat atorneqarpat.
10) qularnaveeqqusiinermut ajunaaruteqartitsinnginnissamulluunniit uppernarsaatit, Nunat Avannarliit Kitaani Avannaani ineriartornermut Aningaasaateqarfiannut sananeqarsimasut, kiisalu nammineq pigisamik qularnaveeqqusiussinermut allagartamik qularnaveeqqusiussinerit, uppernarsaatit Nunat Avannarliit Kitaani Avannnaani ineriartornermut aningaasaateqarfimmut pisussaaffinnut taamaallaat qularnaveeqqusiissutaappata
11) pigisanik aalaakkaasunik, Nunat Avannarliit Kitaani Avannaani ineriartornermut aningaasaateqarfimmut akiitsoqaataasunik, tunisinermut uppernarsaatit, tunisineq Nunat Avannarliit Kitaani Avannaani ineriartornermut aningaasaateqarfimmut tassanngaluunniit tunisineruppat.
12)Allagartat uppernarsaatit illuutinut tunisinernut tunngasut, aammalu Nunat Avannarlerni Kitaani Avannaani aningaasaateqarfianut akiitsullit, Nunat Avannarlerni Kitaani Avannaani saningaasaateqarfimmut tunniussisoqarpat.
Imm. 2. Uppernarsaatit imm. 1-imi, nr. 1, 3, 4, 8 aamma 9-mi taagorneqartut pigisassatut qularnaveequtitulluunniit Naalakkersuisuunngitsunut imaluunniit inuussutissarsiutinut tapersiissuteqarnermut ataatsimiititaliamuunngitsoq tunineqarpata, uppernarsaatit, imm. 1-imi malittarisassat apeqqutaatinnagit § 5-imi malittarisassat malillugit naqissususigassaapput.
Imm. 3. Uppernarsaatit imm. 1-imi, nr. 6 aamma 7-imi taaneqartut takornarianut unnuisarfissanik pilersitsinernut aningaasalersuinikkut tapersiissutinut (Unnuisa) aningaasaateqarfimmuunngitsoq imaluunniit takornariartitsinermik inuussutissarsiuteqarnermut aningaasalersuinikkut taapersiissutinut (TAT) ataatsimiititaliamuunngitsoq qularnaveeqqutitut tunniunneqarpata, uppernarsaatit, imm. 1-imi malittarisassat apeqqutaatinnagit § 5-imi malittarisassat malillugit naqissuserneqassapput.
Imm. 4. Uppernarssaatit imm. 1-imi nr. 10-mi taaneqartut Nunat Avannarliit Kitaani Avannaani ineriartornermut aningaasaateqarfimmuunngitsoq pigisassatut qularnaveeqqutitulluunniit tunniunneqarpata, imm. 1-imi malittarisassat apeqqutaatinnagit § 5-imi malittarisassat malillugit naqissuserneqassapput."

2. § 11 a imatut oqaasertalerneqarpoq:
"Allagartat, aktiat anpartillu tunngavigalugit ingerlatseqatigiiffiit akornanni kattunnernut taamaattulluunniit agguarneqarnerat pissutigalugu, pilersinneqartut naqissusiinermut akitsuuteqartitaassanngillat, akileraaruserivimmit kattunneq agguarneqarnerluunniit akileraarutaasussaanngitsutut akuerineqarsimappat."

§ 2

Inatsisartut inatsisaat atuutilerpoq ulloq 1. januar 2008.

Hans Enoksen

/

Aleqa Hammond