§ 1

Aningaasarsianit akileraarutit pillugit Inatsisartut inatsisaat nr. 12, 2. november 2006-imeersoq imatut allannguuteqartinneqarpoq:

1. § 2, imm. 1, nr. 1-imi "ullut 60-it" allanngortinneqassaaq: "ullut 14-it" aamma oqaatsit "Kalaallit Nunaamiuunngitsumi atorfeqartuaannarpat"-p kingorna nutaanut ilanngunneqassaaq: "imaluunniit Kalaallit Nunaanni aalajangersimasumik ingerlatsiveqarluni".

2. § 25, atorunnaassaaq.

3. § 57, imm. 3-imi, "50.000 koruunit" allanngortinneqassaaq: "100.000 koruunit".

4. § 81, imm. 1, imatut oqaasertalerneqarpoq:
"Aningaasat, unerartitsisussaatitaasup qaammatisiutit malillugit qaammammi unerartissimasai, qaammatip tulliata aallaqqaataani akiligassanngussapput piffissaagallartillugu akiliinissamut kingusinnerpaamik qaammatip akiliiffissaasup 20-ani killeqarluni. Piffissaagallartillugu kingusinnerpaamik akiliiffissaq sapaataappat nalliuttuuppalluunniit imaluunniit arfininngorneruppat, piffissarititaasoq ulluinnaasumut tullermut sivitsorneqassaaq."

5. § 81, imm. 3, imatut oqaasertalerneqarpoq:
"Imm. 3. Malittarisassat Naalakkersuisunit aalajangersagaasut malillugit unerartitsisussaatitaasup qaammatisiutit malillugit qaammatip ingerlanerani unerartissimasat pillugit nassuiaateqassaaq, kingusinnerpaamik qaammatisiutit malillugit qaammatip tulliuttup ulluisa qulingani. Piffissaagallartillugu kingusinnerpaamik nassuiaammik tunniussivissaq sapaataappat nalliuttuuppalluunniit imaluunniit arfininngorneruppat, piffissarititaasoq ulluinnaasumut tullermut sivitsorneqassaaq."

6. § 88 imatut oqaasertalerneqarpoq:
"§ 88. Selskabip iluanaarutinit akileraarutit unerartitaasut, iluanaarutinik tunniussinissamik pisassanngortitsinermilluunniit aalajangiinerup ulluata qaammataata tulliata 20-ani akileraaruseriffimmut akilernissaat isumannaassavaa. Aningaasanik agguagarsisitsineq ataatsikkut pineqarpat, iluanaarutinit akileraarutinik unerartitat kingusinnerpaamik akilerneqassapput nalunaarnissamut piffissaliunneqartupqaangiunnerata qaammataata tulluta 20-ani. Piffissaagallartillugu ulloq akiliiffissaq sapaataappat nalliuttuuppalluunniit imaluunniit arfininngorneruppat, piffissaliunneqartoq ulluinnaasumut tullermut sivitsorneqassaaq.
Imm. 2. Iluanaarutinik tunniussinissamik pisassanngortitsinermilluunniit aalajangiinerup, nalunaaqqusinermiluunniit nalunaarnissamut piffissaliunneqartup naanerata ulluata qaammataata tulliani kingusinnerpaamik ullut qulinganni, selskabi Naalakkersuisut aalajangigaannik iluseq atorlugu aalajangiineq pillugu paasissutissanik nalunaaruteqassaaq. Aalajangiinermi iluanaarummik nalunaaruteqartoqannginnissaa pineqarpat, taamatuttaaq tamanna pillugu selskabi paasissutissanik kingusinnerpaamik qaammatip aalajangiiviusup tulliani qulinganiutinnagu nalunaarneqassaaq. Tamannattaaq atuuppoq § 1, imm. 1, nr. 10-mi taagorneqartunik peqatigiiffinnut. Piffissaagallartillugu kingusinnerpaamik paasissutissanik tunniussivissaq sapaataappat nalliuttuuppalluunniit imaluunniit arfininngorneruppat, piffissarititaasoq ulluinnaasumut tullermut sivitsorneqassaaq. Paasissutissanik eqqartorneqartunik tunniussinissaq ullumoortunik akiliisitsissutinik, Naalakkersuisunit Naalakkersuisunilluunniit tamatumunnga piginnaatitaasunit aalajangigaasunik, akiliisitsinikkut pinngitsaaliissutigineqarsinnaavoq."

7. § 92, imm. 1, oqaaseqatigiit aappaat, imatut oqaasertalerneqarpoq:
"Tunniussisoq pisassanngortitsisorluunniit Naalakkersuisut ilusissamik aalajangersagaannik iluseq atorlugu tamanna pillugu, unerartitsisussaatitaasup akileraarutinik A-nik unerartitat pillugit nassuiaateqarneranut peqatigitillugu, paasissutissanik tunniussissaaq."

8. § 101, imm. 1-imi, "akileraaruseriffik"-iup kingorna ilanngunneqassaaq:"imaluuniit sumiiffimmi akiliisitsiniartartoq piginnaasaqarluartoq".

 

9. § 101, imm. 3, imatut oqaasertaqassaaq.
"Imm. 3. Unerartitsivigineqarnissamik peqqussutigineqartoq piffissami peqqussutip tiguneqarnerani sulisitsisumi pineqartumi sulinngippat, sulisitsisup ullut tallimat qaangiutsinnagit peqqusisoq tamassuminnga nalunaarfigissavaa. Taamatuttaaq sulinerup taamaatinneranik sulisitsisoq ilimatitsisussaatitaavoq, taanna nallertinnagu unerartitsinissamik peqqussut sulisitsisup tigusimappagu, sulinerullu taamaatinnerani akileraarutinit akiitsut pineqartut tamakkerlugit akilerneqarsimanngippata. Suliunnaarnermiit ullut tallimat qaangiutsinnagit unerartitsinissamik peqqusisoq nalunaarfigineqassaaq."

 

10. § 115, imm. 3-mi, peerpoq "68,".

 

§ 2

Imm. 1. Inatsisartut inatsisaat 1. maj 2007-mi atuutilissaaq, takuulli imm. 2.
Imm. 2. § 1, nr. 3-imiit nr. 7-imut ulloq 1. januar 2008 atortuulissapput.
Imm. 3. § 1, nr. 1, inatsisissatut siunnersuutip saqqummiunneqarnerani atuutilissaaq*.
Imm. 4. § 1, nr. 10, ulloq 1. januar 2007-imiit atuuppoq.

Kalaallit Nunaanni Namminersornerullutik Oqartussat, ulloq 26. april 2007

Hans Enoksen

/

Josef Motzfeldt

* Inatsisissatut siunnersuut saqqummiunneqarpoq ullormi 1. februar 2007-imi