§ 1

Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaat nr. 1, 31. maj 2001-imeersumi, Inatsisartut inatsisaat nr. 11, 15. april 2003-imeersukkut allanngortinneqartumi, tulliini taaneqartut allannguutaassapput:

1. § 2, imm. 1-3, ima oqaasertalerneqassaaq:
"§ 2. Naalakkersuinikkut suliniaqatigiiffik, partii, Inatsisartuni qinikkanik sinniisoqartoq partiip naalakkersuinikkut sulineranut, ukiumut 300.000 kr.-inik tunngaviusumik tapiissummik kiisalu partiip qinigaatitaa ataaseq 125.000 kr.-inik annertussusilinnik qinikkatut tapiiffigineqarsinnaatitaapput.
Imm. 2. Imm. 1-imi taaneqartutut Inatsisartut ilaasortaanut partiit avataatigut qinigaasunut imaluunniit kattusseqatigiit sinnerlugit qinigaasunut tunngaviusumik kiisalu qinikkamut tapiissuteqartoqarsinnaavoq.
Imm. 3. Inatsisartuni ilaasortat kattusseqatigiillutik arlaliullutik qinigaasimappata naalakkersuinikkut suliniaqatigiiffimmut partiimut sinniisutulli ilaasortat naalakkersuinikkut sulinerannut kattusseqatigiinnut taamatut ataatsimoortumik tapiissuteqartoqassaaq.".

2. § 4, imm. 1, imaattumik allannguuteqassaaq:
"100.000 kr."-inut taarsiunneqassaaq 125.000 kr.".

§ 2

Inatsisartuni Naalakkersuisunullu ilaasortat aningaasarsiaqartitaanerat il.il. pillugit Inatsisartut inatsisaata allanngortinneqarneranik Inatsisartut inatsisaanni nr. 22, 18. december 2003-imeersumi,Inatsisartut inatsisaat nr. 1, 27. marts 2006-imeersukkut allanngortinneqartumi, tulliini taaneqartut allannguutaassapput:

1. § 3, imm. 4-7, atorunnaarsinneqassapput.

§ 3

Inatsisartut inatsisaat ulloq 1. juni 2006 atuutilissaaq. 2006-ip sinneranut naalakkersuinikkut sulinermut tapiissutit qaffaataanik qinnuteqaatit kingusinnerpaamik ulloq 1. august 2006 tunniunneqassapput.

Hans Enoksen

/

Kaj Kleist