(Inatsisartut Siulittaasoqarfiat, ilaasortat Jonathan Motzfeldt (Siumut), Agathe Fontain (Inuit Ataqatigiit), Augusta Salling (Atassut), Per Berthelsen (Demokraatit) aamma Ruth Heilmann (Siumut).)

Inatsisartunut Naalakkersuisunullu ilaasortat aningaasarsiaqartitaanerat il.il. pillugit Inatsisartut inatsisaanni nr. 22, 18. december 2003-meersumi makkua allannguutigineqassapput:

1. § 1, imm. 1 aamma 3-mi, "AK" imatut allanngortinneqqassaaq: "AS-G.".

2. § 1, imm. 4, oqaaseqatigiit siulliit, imatut oqaasertalerneqassaaq:
"Imm. 4. Inatsisartunut ilaasortat aalajangersimasumik Nuummi najugaqalerumasut, Inatsisartut aalajangersagaattut annertussusilimmik akiliummik akilerneqartussamik, ineqartinneqassapput.".

3. § 1, imm. 4, oqaaseqatigiit pingajuanni "(AK)" peerneqassaaq.

4. § 1, imm. 6, imatut oqaasertalerneqassaaq:
"Imm. 6. Piffissami ilaasortaajunnaarnersiaqarfimmi imm. 4-mi akiliutitut taaneqartumik akiliuteqarluni ineqartitsisoqassaaq. Piffissami ilaasortaajunnaarnersiaqarnerup atorunnaarfiani kingusinnerpaamik qaammatip naanerani taamatut inigisaq qimanneqassaaq." Taamaattorli sinniisussat, Inatsisartunut ilaasortamut taartaasut, ilaasortaajunnaarnersiutit sivikinnerpaamik qaammatinut pingasunut tunniunneqarsimasutut isigalugit tamatigut pineqassapput.".

5. § 17, imm. 2, imatut oqaasertalerneqassaaq:
"Imm. 2. Soraarnerussutisiatut naafferartumik tunniussassatut imaluunniit inuuneq naallugu soraarnerussutisiatut ilusilerlugit soraarnerussutisiaqartitsinermik aaqqissuussinermik namminersortumik Kalaallit Nunaanniittumik pilersitsisoqassaaq. Inatsisartunulli Naalakkersuisunulluunniit ilaasortat atuuffimminnut ullormi ivertitaanerminni 50-inik ukiullit soraarnerussutisiassanut akiliutinik isertitatut nalinginnaasumik akileraarusigassanik imm. 3-mi taaneqartunik tunineqarumallutik toqqaasinnaapput.".

6. § 17-imi immikkoortoq nutaaq ilanngunneqassaaq:
"Imm. 4. Sinniisussat, Inatsisartunut ilaasortamut taartaasut, imm. 2-3-mi pineqartutut soraarnerussutisianik aaqqissuussinerni ilaatinneqanngillat. Imm. 3-mi taaneqartutut soraarnerussutisianut akiliut taarsiullugu isertitatut nalinginnaasumik akileraarusigassatut tunniunneqassaaq.".

§ 2

Inatsisartut inatsisaat ulloq 1. april 2006 atuutilissaaq. Inatsisartunut Naalakkersuisunulluunniit ilaasortat inatsisip atuutilerfia sioqqullugu atuuffimminnut ivertinneqartut ulloq 1. januar 2004 kingusinnerusukkulluunniit 50-nik ukioqalersimagunik § 17, imm. 2-mi taa-neqartutut tunniussinissamut periarfissamik atuiumallutik toqqaasinnaapput.

/

Kaj Kleist