Ivittuut kommunianni Ikkap kangerluata iluani qinnguata eqqissisimatitaanissaa pillugu Namminersornerullutik Oqartussat nalunaarutaat
Kalaallit Nunaanni pinngortitamik allanngutsaaliuineq pillugu Inatsisartut inatsisaani nr. 11-mi 12. november 1980-imeersumi § 3, imm. 1, nr. 22 aamma § 19 naapertorlugit aalajangersarneqarpoq:
§ 1. Ikkap kangerluata iluani qinngua, Ivittuut kommunianniittoq eqqissisimatitassanngortinneqar-poq kangerluup qinnguaniittut Ikkap sukaanik taaneqartartut illersorneqarnissaat siunertaralugu. Sukat immikkuullarissumik pinngorsimanertik aammalu aatsitassatigut katitigaanertik pissutigalugu ilisimatuussutsikkut, ilinniartitaanermut tunngasutigut aammalu qasuersaariartarfissatut pingaarute-qarput. Sukat naasoqarfiulluarlutillu uumasoqarfiulluarputtaaq.
Imm. 2. Nuna eqqissisimatitaq nunap assingani ilanngunneqartumi nalunaarsimavoq, tassaallunilu allorniusap sanimukaartoq malillugu titarneq avannarpasissutsimi 61°11'-kkoortumiit Ikkap kangerlua, kangerlullu qinngua tikillugu.
§ 2. Kikkulluunniit kangerlummukarsinnaallutillu Ikkami sukaliarsinnaapput, taamaaliornermi eqqissisimatitsinermi siunnniunneqartoq sumiginnarneqassanngippat, takuuk § 1, imm. 1.
§ 3. Eqqissisimatitap iluani imaatigut 3 knobiniit sukkanerusumik ingerlanissaq akuerineqanngilaq, aamma angallat 50 cm-ininngarnit itsineqqortunerussanngilaq. Sukat ersittut kaajallallugit 50 miiterinik qaninnerusumiit imaatigut angalanermi taamaallaat umiatsiaaraq, qajaq assigisaalluunniit motooreqanngitsoq atorneqarnissaa inerteqqutaanngilaq.
§ 4. Eqqissisimatitap iluani kilisalluni allanilluunniit atortoqarluni Ikkami sukanik ajoqusiisinnaa-sumik aalisarneq inerteqqutaavoq.
§ 5. Ikkami sukanik qanorluunniit iliornikkut nungutitsisinnaasumik iliuuseqarneq sunaluunniit, tamatumani ilanngullugu immap naqqaniittunik aatsitassanik Ikaitinik nukersorluni piiaaneq imaluunniit sukaminernik katassimasunik katersuineq inerteqqutaapput.
§ 6. Eqqissisimatitap iluani eqqagassat, nalunaaqutsersuutit aammalu ilisimatusaatinut atortut qimaannarnissaat inerteqqutaapput.
§ 7. Avatangiisinut Pinngortitamullu Pisortaqarfik qinnuteqaateqartoqareerneragut nalunaarummit matumannga aalajangersakkaniit immikkut akuersissuteqarsinnaavoq.
§ 8. §§ 3-miit 6-imullu aalajangersakkanik unioqqutitsineq akiliisitaanermik kinguneqarsinnaavoq.
§ 9. Nalunaarut 15. maj 2000 atortuulerpoq.
Namminersornerullutik Oqartussat, 25. april 2000.
Alfred Jakobsen
/
Hans J. Høyer
Ilanngussaq
