§ 1

Pappiaqqanik nalilinnik naqissusiinermi akitsuut pillugu Inatsisartut inatsisaanni nr. 8, 31. oktober 1987-imeersumi, Inatsisartullu inatsisaatigut nr. 6, 20. oktober 1989-imeersukkut allanngortinneqartumi, makku allanngortinneqarput:

1. § 9, imm. 1, nr. 1-imi aamma 2-mi allassimasut "kapitali II" aarnma " ineqarnermut ikiorsiissuteqartarnermut ataatsimiititaliamut" allanngortinneqarput ima: "kapitali IV" aamma "Naalakkersuisunut"

2. § 9, imm. 2-mi allassimasoq "ineqarnermut imaluunniit inuutissarsiornermut tapersiinermut ataatsimiititaliamut" allanngortinneqarpoq ima: "Naalakkersuisunut imaluunniit inuussutissarsiornermut tapersiinermut ataatsimiititaliamut"

3. § 9, imm. 2-mi allassimasoq "§ 6" allanngortinneqarpoq ima: "§ 5"

4. § 11-mi imm. 2-tut ilanngunneqarpoq:
"Imm. 2. Uppernarsaatit toqusoqarneranut atatillugu, kingornussisarnermik Kalaallit Nunaannut inatsimmi §§-it 37-miit 39-mut naapertorlugit, pilersinneqarsimappata akitsuuserneqassanngillat."

5. § 22-ip kingornanut ilanngunneqarpoq:
"§ 22 a. Pisortat oqartussaasut kiisalu eqqartuussissuserisut, aningaaseriviit, kukkunersiuisut sillimmasiisarfiillu qinnuigineqarnermikkut paasissutissat suulluunniit Akileraartarnermi Pisortaqarfimmut nalunaarutigisassavaat, Inatsisartut inatsisaat una naapertorlugu Akileraartarnermi Pisortaqarfiup aalajangiinissaanut atugassanik."

6. § 23-p kingornanut ilanngunneqarpoq:
"§ 23 a. Akitsuutinut akiligassat akilerneqanngitsut Kalaallit Nunaanni eqqartuussisarnermik inatsimmi kap. 7. akileraarutinik akitsuutinillu piumasarineqartunik pinngitsaaliinikkut akiliisitsiniarsinnaanermik imaqartoq, tassani ilaalluni aningaasat akiligassalimmut tunniunneqartut unerartitsiffigineqarsinnaanerat, naapertorlugu akilersinniarneqarsinnaapput."

§ 2

Inatsisartut inatsisaat 1. januar 1993-imi atuutilissaaq.

Namminersornerullutik Oqartussat, ulloq 30. oktober 1992.

Lars Emil Johansen

/

Emil Abelsen