§ 1

Aningaasarsianit akileraarutit pillugit Inatsisartut inatsisaanni nr. 5, 19. maj 1979-imeersumi, kingullermillu Inatsisartut inatsisaatigut nr. 15, 18. oktober 1990-imeersukkut allanngortinneqartumi makku allannguutigitinneqassapput:

1. § 3, imm. 3 imatut allanneqassaaq:
"Imm. 3. Selskabinik suliffeqarfinnillu, Kalaallit Nunaanni atortussiassat aatsitassanit pisut il.il. pillugit inatsit naapertorlugu aatsitassanik iluaqutiginninniarsinnaanermut akuersissuteqarfigineqarsimasunik akileraarusersuineq, aatsitassarsiornissamut pisinnaatitaaffeqalersup akuersissutaani aalajangersakkat malillugit, atorunnaassaaq."

2. § 17-ip kingornatigut ilanngunneqassaaq:
"§ 17 A. Akileraartartumut, Kalaallit Nunaanni aatsitassanik iluaqutiginninniarluni sulliviutilinnut sanilliullugu aatsitassanik suliareqqiilluni nioqqutissiorfimmik ingerlataqartumut, aatsitassanik iluaqutiginninniarnermut atatillugu piiarneqartunik suliareqqiinissamut atortorissaarutit toqqaannartumik pisiarineqartut nalingisa 10 %-ii tikillugit immikkut ittunik ilanngaateqartitsinissamut naalakkersuisut maleruagassiorsinnaapput."

3. § 20-p kingornatigut ilanngunneqassaaq:
"§ 20 A. Selskabit suliffeqarfiillu, Kalaallit Nunaanni atortussiassat aatsitassanit pisut il.il. pillugit inatsit naapertorlugu iluaqutiginninniarsinnaanermut akuersissuteqarfigineqarsimasut, aningaasarsiamik akileraaruteqaataasussat naatsorsorneranni aningaasat, akuersissut malillugu piiaajunnaarnermut atatillugu saliinissaq aningaasatigut qulakkeerniarlugu immikkoortinneqarsimasut ilanngaatigisinnaavaat.
Imm. 2. Ilanngaateqarsinnaanermut piumasaqaataavoq qularnaveeqqusiinermut il.il. atugassarititaasut akuersissummi aalajangersarneqarsimasut naammassineqarsimanissaat.
Imm. 3. Kingusinnerusukkut paasineqarpat saliinissamut aningaasartuutit ilanngaatigineqarsimasut angivallaartut, taava ilanngaatigivallaarsimasat ukiumi ilanngaataavallaarsimasutut paasineqarfimminni akileraaruserneqassapput.
Imm. 4. Aatsitassarsiornissamut pisinnaatitaaffeqartup akileraartussaanera kipippat ilanngaataavallaarsimasut imm. 3-mi taaneqartut kingusinnerpaamik akileraaruserneqassapput piffissami akileraartussaanerup kipinerani."

4. § 21-mi imm. 8-tut ilanngunneqassaaq:
"Imm. 8. Akileraartartumut, Kalaallit Nunaanni atortussiassat aatsitassanit pisut il.il. pillugit inatsit naapertorlugu ujarlernissamut imaluunniit iluaqutiginninniarsinnaanermut akuersissuteqarfigineqarsimasumut, imm. 1-imi oqaaseqatigiit siulliat, amigartoorutit ilanngaatigineqarsinnaanerisa ukiunut tallimanut killilerneqarnerannik imaqartoq, atuutinngilaq."

5. § 22, imm. 3 imatut allanneqassaaq:
"Imm. 3. Akileraartartumut, Kalaallit Nunaanni atortussiassat aatsitassanit pisut il.il. pillugit inatsit naapertorlugu ujarlernissamut imaluunniit iluaqutiginninniarsinnaanermut akuersissuteqarfigineqarsimasumut, akuersissummi toqqavillugu ingerlatassatut suliassatut pineqartunut imm. 1 aamma 2 atortuutinneqassanngillat."

6. § 33, imm. 2 imatut allanneqassaaq:
"Imm. 2. Imm. 1-mi taaneqartutut atassuteqarfik kommunet aggornerisa avataanniippat, imaluunniit akileraartartoq Kalaallit Nunaanni atortussiassat aatsitassanit pisut il.il. pillugit inatsit naapertorlugu aatsitassanik iluaqutiginninniarsinnaanermut akuersissuteqarfigineqarsimappat, taava Akileraartarnermi Pisortaqarfik kommunetut akileraarfissatut isigineqassaaq. Taamatuttaaq akileraartartunut, Kalaallit Nunaanni atortussiassat aatsitassanit pisut il.il. pillugit inatsit naapertorlugu ujarlersinnaanermut sulliviuteqarsinnaanermullu akuersissuteqarfigineqarsimasunut kiisalu akileraartartut § 22, imm. 3-mi taaneqartut Akileraartarnermi Pisortaqarfik kommunetut akileraarfissaattut isigineqassaaq."

7. § 82, imm. 5 imatut allanneqassaaq:
"Imm. 5. Selskabit suliffeqarfiillu, Kalaallit Nunaanni atortussiassat aatsitassanit pisut il.il. pillugit inatsit naapertorlugu pisinnaatítaaffeqartut aningaasarsianit akileraarutaat, tamatumani ilaallutîk iluanaarutisianit akileraarutit, landskassep tuttassapput. SS-it 65 aamma 68 naapertorlugit aningaasarsianit iluanaarutisianillu akileraarutinut ernialiunneqartartut tapiliunneqartartullu taamatulli landskassemut tuttarlutillu landskassemit akilerneqartassapput.

§ 2

Imm. 1. Inatsisartut inatsîsaat 1. maj 1991-imi atuutilissaaq.
Imm. 2. § 1, nr. 3-mi, 4-mi aamma 6-mi aalajangersakkat ukioq aningaasarsiorfik 1991 aallarnerfigalugu atuutilissapput.

Namminersornerullutik Oqartussat, ulloq 18. april 1991.

Lars Emil Johansen

/

Emil Abelsen