Ilinniagaqarnermut akiitsunut oqilisaassivigineqartarneq pillugu Inatsisartut inatsisaanni nr. 15-imi 23 november 1989-imeersumi §§ 2, 8 aamma 11 naapertorlugit makku aalajangersarneqarput:

Inunnut Kalaallit Nunaata avataani najugaqartunut tapiissutit.

§ 1. Tapiissutit inunnut Kalaallit Nunaata avataani najugaqartunut, ilinniakkaminnillu naammassinnereernermikkut ilinniarsimasaminnut attuumassuteqartumik imaaliallaannaq Kalaallit Nunaanni suliffittaarsinnaanngitsunut tunniunneqarsinnaapput. Tapiissutinik qinnuteqartup namnineerluni uppernarsagassaraa ilumut suliaq ilinniarsimasami Kalaallit Nunaanni atorfinissutigisinnaanagu, soorlu atorfininniarluni qinnuteqaatit itigartinneqarsimasut uppernarsaatitut saqqummiunnerisigut.

Qinnuteqaat.

§ 2. Ilinniagaqarnermut akiitsunik taarsersuinermut tapiissutit ukiumoortumik qinnutigineqartassapput Pisortaqarfiup qinnuteqarfissatut immersugassaq akuerisaa atorlugu. Immersugassaq taanna najukkami suliffissarsiuussisarfimmit pissarsiarineqarsinnaavoq.
Imm. 2. Qinnuteqaat Pisortaqarfimmut nassiunneqassaaq ukiup akiliiffiusimasup kinguliani 1. april nallertinnagu.
Imm. 3. Qinnuteqaat paasissutissanik makkuninnga imaqartinneqassaaq:
1) Ateq, cpr.nr. adressilu. Sumi najugaqarnermut uppernarsaat ilanngunneqassaaq.
2) Akiitsut suut taapiissuteqarfigineqarnissaat qinnutigineqarnersoq. Namminersornerullutik Oqartussat qularnaveeqqusiisuliullugit aningaaserivinnit atukkat pineqartillugit aningaaseriviup aqqa, kontollu normua ilanngullugit nalunaarneqartassapput.
3) Ukiumi akiliiffiusussami isertitat naatsorsorneqarneri. Akileraarusigassatut isertitat nalunaarutiginerat akileraartarnermi oqartussanit uppernarsarlugu atsiorneqarsimasoq ilanngunneqassaaq.
Imm. 4. Qinnuteqartup sumi najugaqarnera nalorninartoqarpat Pisortaqarfiup nunaqarfimmi isorliunerusumiluunniit sumi najugaqarneq erseqqinnerusumik uppernarsaqqusinnaavaa. Uppernarsaat piumasarineqartoq taanna tunniunneqanngippat qinnuteqartoq illoqarfimmi najugaqartutut isigineqassaaq.

§ 3. Nalunaarummi matumani "nunaqarfiit isorliunerusullu" eqqarsaatigalugit oqarnermi makku pineqarput, takuuk Inatsisartut inatsisaanni § 4, imm. 3:
1) Kangaatsiap, Uummannap, Upernaviup, Avanersuup, Tasiilap Ittoqqortoormiillu kommunii,
2) Kalaallit Nunaanni kommunini allani nunaqarfiit, kiisalu
3) Kangerlussuarmi najugaqarfik.
Imm. 2. Illoqarfiit kiisalu "nunaqarfiit isorliunerusullu" agguataarneri allanngussagaluarpata tapiissutit annertussusissaannik naatsorsuinermi ukiumi akiliiffiusussami 1. jull agguataarisimaneq atuuttoq tunngavigineqassaaq.

§ 4. Nunaqarfinni isorliunerusunilu najugalinnut tapiissutaasartut annertoqartaannik tapiissutisisoqarsinnaavoq, qinnuteqartunut ukiumi akiliiffiusussami sivikinnerpaamik katillugit qaammatini qulingiluani nunaqarfimmi ataataimi arlalinnilluunniit najugaqarsimasunut imaluunniit isorliunerusuni ataatsimi arlalinnilluunniit najugaqarsimasunut.

Ilinniagaqarnermut akiitsunik isumakkeerfiginninneq.

§ 5. Ilinniagaqarnermut akiitsunik tamakkiisumik ilaannakortumilluunniit isumakkeerfiginnittoqarsinnaavoq, qinnuteqartoq akiliisinnaaanerminik periarfissaarussimappat. Akiliisinnaanermut periarfissaarussimasutut isigineqaataassapput qinnuteqartoq qinnuteqarfissaq nallertinnagu ingerlaavartumik sivikinnerpaamillu ukioq ataaseq Inatsisartut utoqqalinersiuteqarnermut, inuutissarsiorsinnaajunnaarnersiutinut pisortanullu ikiorsiissutit pillugit peqqussutaat malillugit imaluunniit peqqussutit taakkununnga assingusut nutaanerusut malillugit pisartagaqarsimanerit.
Imm. 2. Akiliisinnaanermut periarfissaarussimasutut aamma isigineqarsinnaavoq, qinnuteqartoq ukiup ataatsip ingerlanerani annertussusileriikkanik ikiorsiisarneq pillugu Inatsisartut peqqussutaat peqqussutilluunniit tassunga assingusut nutaanerusut malillugit pisartagaqarnissaminut periarfissaminik nunguutsisimappat, aammalu qinnuteqartoq allatigut sulinermigut isertitaqarsimanngippat.

§ 6. Ilinniagaqarnermut akiitsut tamakkiisumik ilaannakortumilluunniit § 5 malillugu isumakkeerneqarnissaannut piumasarineqarpoq qinnuteqartoq allatigut aningaasanik isertitamigut aningaasanilluunniit uninngasuuteqarnermigut akiitsunut matusissutissaqarsimassanngitsoq. Akiliisinnaajunnaarneq piffissami sivikitsuinnarmi atuutissappat akilersuiuneq ernialersuinerlu unitsinneqarallarsinnaapput.

§ 7. Ilinniagaqarnermut akiitsut ilinniagaqartup toquneratigut isumakkeerneqarnissaanni piumasarineqarpoq pigisani qimatani akiitsunut tamakkiisumik ilaannakortumilluunniit matusissutissanik peqassanngitsoq.
Imm. 2. Ilinniagaqarnermut akiitsut tamakkiisumik innarluuteqalernermi isuntakkeerneqarsinnaapput qinnuteqartoq tamatuma nalaani siunissamiluunniit isertitaqanngippat, aningaasanilluunniit uninngasuuteqarani akiitsunut tamakkiisumik llaannakortumilluunniit matusissutaasinnaasunik.

§ 8. Qinnuteqartup nammineerluni atukkamigut immikkut ajornartorsiuteqarnini tamakkiisumilluunniit innarluuteqalersimanini uppernarsassavaa, matumani siunissami isertitarileruntaagassaminut tunngasut ilanngullugit. Akiitsut isumakkeerfigineqartussat 10.000 kr.-nit amerlanerusut pineqartillugit isumaginninnermi oqartussanit pissutsit ajornakusoortut pillugit oqaaseqaat ilanngunneqartassaaq.

§ 9. Ilinniagaqarnermut akiitsut Inatsisartut inatsisaanni § 8-mi pineqartut isumakkeerneqartussat inummut ataatsimut 150.000 kr. sinnersimappatigit Naalakkersuisumit akuersissutigineqartassapput. Akiitsut 250.000 kr. sinnersimappatigit Naalakkersuisunit akuersissutigineqartassapput.

Atortuularsitsineq.

§ 10. Nalunaarut atortuulersinneqarpoq 1. marts 1990 aallarnerfigalugu, ukiumilu akiliiffiusussami 1989-imi atuutissalluni.

Nuuk, 13.marts 1990

Jens Lyberth

/

Ejvind Christoffersen