§ 1. Kalaallit Nunaanni namminersornerullutik Oqartussat nunaqarfinni illumik sullivimmik sananissamut tapiissuteqarsinnaapput siunertarisimappagu naleqquttumik ornittagaanissaq, innaallagissap sarfaqarluni, imeqarluni kiassaateqarfeqarlunilu, errorsiviusinnaalluni uffarfigineqarsinnaallunilu, errorsivigineqarsinnaalluni, ammerivigineqarsinnaalluni aammalu sunilluunniit sanaaluffiusinnaalluni sannaviusinnaallunilu.

§ 2. Kalaallit Nunaanni Namminersornerullutik Oqartussat tapiissuteqarsinnaapput pilersitsinermut aningaasartuutit 85 procentiat angullugu. Pilersitsinermut aningaasartuutit sinneri kommuneqarfiata nammineq pissarsiarissavai.

§ 3. Illu suliffik kommuneqarfiup pineqartup pigaa.

§ 4. Illu sullivik nunaqarfimmi innuttaasut kikkulluunniit piffissani aalajangersimasuni atorsinnaasarissavaat.

§ 5. Kommunalbestyrelse siulersuisunik pilersitsissaaq illumik suliffiusartumik ingerlatsinermik nakkutiginnittussamik. Siulersuisuni bygderådi, kommunalbestyrelse illu sullivimmillu atuisut sinniisuutitaqassapput.

§ 6. Kommuneqarfik aatsaat tapiiffigineqarsinnaavoq illup sulliviup ingerlanneranut kommuneqarfik ileqqoreqqusaliorsimappat. Kommuneqarfiup ileqqoreqqusaa atortussanngortinneqassaaq Namminersornerullutik Oqartussanit.

§ 7. Kommuneqarfiup ileqqoreqqusaa imaqassaaq makkua pillugit aalajangersakkanik:

1) Illu sullivimmik siulersuisut nakkutilliinissaannik.

2) Nakkutilliisumut ilitsersuut.

3) Illu sulliviup atorneqartarneranut malittareqqusanik.

4) Tamanut ammasunik ataatsimiititsisarnermut.

§ 8. Namminersornerullutik Oqartussanit tapiissutisissagaanni piumasarineqarpoq kommunalbestyrelsep sananeqarnissaa akisussaaffigissagaa malittarisassiat erseqqinnerusut Namminersornerullutik Oqartussanit aalajangiunneqarsimasut malillugit.

§ 9. Namminersornerullutik Oqartussat erseqqinnerusunik malittareqqusaliussapput tapiissutisisinnaanermut, tapiissutissanik qinnuteqarnermi periusissanik, tapiissutinik pissagaanni atugassarititaasussanik il.il.

§ 10. Inatsisartut inatsisiliaat erniinnarluinnaq atuutilissaaq.

Namminersornerullutik Oqartussat, ulloq 16.november 1984

Jonathan Motzfeldt

/

Hendrik Nielsen