Nunap immikkoortuisa kommunillu nutaamik agguarneqarnerisa kinguneranik aalisarnermi nunalerinermilu inatsisartut inatsisaata aamma inatsisartut peqqussutaasa assigiinngitsut allanngortinnissaanut inatsisartut inatsisissaat nr. 11, 5. december 2008-meersoq
(Kalaallit Nunaata kommuninut aggorneqarnera pillugu inatsisartut inatsisissaata (UKA 2008/62) kinguneranik allannguut)
§ 1
Aalisarnermik piniarnermillu inuussutissarsiutillit inuussutissarsiornerannik siuarsaaneq pillugu inatsisartut peqqussutaanni nr. 10 12. november 2001-imeersumi, inatsisartut peqqussutaatigut nr. 13 26. november 2007-meersukkut allanngortinneqartumi, imatut allannguisoqarpoq:
1. § 5, imm. 3, imatut oqaasertaqassaaq:
"Imm. 3. Inuussutissarsiutigalugu umiatsiaaqqamik pisinermi umiatsiaaqqap pisiarinerani akiata 75%-ianik tapiissuteqartoqarsinnaavoq. Qinnuteqaateqartoq Qaanaami eqqaanilu, Ammassalimmi eqqaanilu imaluunniit Ittoqqortoormiuni eqqaanilu aalajangersimasumik najugaqarpat umiatsiaaqqap pisiarinerani akiata 84%-ianik tapiissuteqartoqarsinnaavoq."
§ 2
Aalisarnermut aningaasaliissutinut immikkoortitat pillugit inatsisartut inatsisaanni nr. 15 20. november 2006-imeersumi imatut allannguisoqarpoq:
1. § 7, imm. 3, imatut oqaasertaqassaaq:
" Imm. 3. Imm. 1 apeqqutaatinnagu Qaasuitsup Kommuniani Qaanaami eqqaanilu aamma Kommuneqarfik Sermersuumi Ittoqqortoormiini eqqaanilu aamma Tasiilami eqqaanilu tapiissutit annertussusissaat aamma tapiissuteqarnissami piumasaqaatit pillugit immikkut ittunik Naalakkersuisut malittarisassaliorsinnaapput.
§ 3
Nunalerineq pillugu inatsisartut inatsisaanni nr. nr. 2. maj 1996-meersumi inatsisartut inatsisaatigut nr. 15 19. november 2007-imeersukkut allanngortinneqartumi imatut allannguisoqarpoq;
1. § 14 a, imm. 1, nr. 4 imatut oqaasertaqarpoq:
"4) Ilaasortat pingasut Kommune Kujallermiit toqqakkat, Nanortallip, Qaqortup aamma Narsap eqqaannit immikkut tamarmik ilaasortaq ataaseq"2. § 14 a, imm. 1, nr. 5 aamma 6 atorunnaarput.
Nr. 7-9 matuma kingorna imaalissapput nr. 5-7.
§ 4
Inatsisartut peqqussutaat atuutilerpoq 1. januar 2009.
Namminersornerullutik Oqartussat, ulloq 5. december 2008
Hans Enoksen/
Finn Karlsen