29. september 2008 UKA2008/114
Inatsisissatut siunnersuummut oqaaseqaatitOqaaseqaatit nalinginnaasut
Siunnersuut Kalaallit Nunaata nunap immikkoortuinut kommuninullu aggorneqarnera
pillugu inatsisartut inatsisissaattut siunnersuutip kinguneranik siunnersuutaavoq. Imarisaanik allannguisoqanngilaq.
Aningaasatigut allaffissornikkullu kingunissai.Siunnersuut pisortanut innuttaasunulluunniit aningaasatigut allaffissornikkullu kinguneqanngilaq.
Inatsisissatut siunnersuummi aalajangersakkanut ataasiakkaanut oqaaseqaatit
§ 1-imutNr. 1-imut
Siunnersuut Aalisarnermik piniarnermillu inuussutissarsiutillit inuussutissarsiornerannik siuarsaaneq pillugu inatsisartut peqqussutaanni § 5, imm. 3-mi maannakkut atuuttumi assinganik oqaasertaqarpoq kisiannili "eqqaanilu" ilanngunneqarluni. Oqaaseq eqqaanilu uani imatut paasineqassaaq, siornatigut Qaanaap kommunia maannakkut Qaasuitsup Kommunianiittoq kiisalu siornatigut kommuniunikut Ammassalik aamma Ittoqqortoormiit maannakut Kommuneqarfik Sermersuumiittut, takuuk Kalaallit Nunaata kommuninut agguarneqarnera pillugu inatsisartut inatsisaat § 1 nr. 2 aamma 3 kiisalu §§ 2-4.
§ 2-mutNr. 1-imut
Inatsisartut inatsisaanni maannakkut atuuttumi naalakkersuisut pisinnaatinneqarput Qaanaap, Ittoqqortoormiit aamma Ammasallip kommuniinut tapiissutit annertussusaannik aamma tapiinermi piumasaqaatit pillugit immikkut malittarisassiornissamut, takuuk Aalisarnermut aningaasaliissutinut immikkoortitat pillugit inatsisartut inatsisaanni nr. 15 20. november 2006-imeersumi § 7, imm. 3. Siunertaanngilaq malittarisassat maannakkut atuuttut annertusineqarnissaat annikillisinneqarnissaalluunniit, taamaallaalli Kalaallit Nunaata nunap immikkoortuinut kommuninullu agguarneqarnera pillugu inatsisip kingunerisaanik kommunit aqqinut nutaanut naleqqussaanerulluni.
§ 3-mutNr. 1-imut
Inatsisartut inatsisaanni maannakkut atuuttumi Naalakkersuisut pisinnaatinneqarput Nunalerineq pillugu Siunnersuisoqatigiinnik pilersitsinissamut, suleqatit suliamut tunngassuteqartut ilaasortaatillugit. Siunertaanngilaq malittarisassat maannakkut atuuttut annertusineqarnissaat annikillisinneqarnissaalluunniit. Siunnersuut taamaalilluni kommunit aggornerinut nutaanut naleqqussaaneruvoq, taamaallaalli inatsimmut nutaamut taakku naleqqussarneqarlutik. Nunalerinermik inuussutissarsiuteqarnerup siuarsarnissaa pillugu inatisisartut peqqussutissaattut siunnersuummi § 1-imut oqaaseqaatini (UKA 2007/41) ilisimatitsissutigineqarpoq 2009-mi immikkoortumi tassani ilaasortanik toqqaasarneq periutsit allanngortinnagit ingerlanneqartassasoq. Siunnersuummi tamanna malinneqarpoq, taamaalilluni taamaallaat Kalaallit Nunaata nunap immikkoortuinut kommuninullu agguarneqarnera pillugu inatsimmut.naleqqussaanerulluni.
§ 4-mutSiunnersuutigineqarpoq inatsisartut inatsisaat 1. januar 2009 atuutilissasoq, Kalaallit Nunaata kommuninut aggorneqarnera pillugu inatsisartut inatsisissaata atuutilernera peqatigalugu.