Kalaallit Nunaanni namminersornerup eqqunneqarnissaa pillugu siunnerfiliisumik innuttaasunik taasisitsinissaq pillugu Inatsisartut inatsisaata allanngortinnera pillugu Inatsisartut inatsisaat nr. 4, 2. oktober 2008-imeersoq
(Oqaasertaanut tunngatillugu teknikikkullu allannguutit)
§ 1
Kalaallit Nunaanni namminersornerup eqqunneqarnissaa pillugu siunnerfiliisumik innuttaasunik taasisitsinissaq pillugu Inatsisartut inatsisaat nr. 2, 21. maj 2008-imeersoq imaattunik allannguuteqartinneqassaaq:
1. § 2 imatut oqaasertalerneqassaaq:
"§ 2. Qinersisartut siunerfiliilluni innuttaasunik taasisitsinermi "Aap" imaluunniit "Naamik" akissutigissavaat, apeqqummut:"Kissaatigaajuk Kalaallit Nunaanni Namminersorneq pillugu kalaallit qallunaallu isumalioqatigiissitaasa namminersornermik inatsisissatut missingiusiaattut imalik piumasaqaatitaqartorlu eqqunneqassasoq?"
2. § 5 imatut oqaasertalerneqassaaq:
"§ 5. Taasisitsineq allannikkut ingerlanneqassaaq, taasinissamut allagartami immikkut suliarineqarsimasumi, Naalakkersuisut suliniuteqarnerisigut pilersinneqartumi. Taasisitsinermut allagartami naqinneqarsimassaaq "Siunnerfiliisumik innuttaasunik taasisitsineq", kiisalu taasissutigineqartut naqinneqarsimassapput krydsiliiffissaqartumik "Aap" aamma "Naamik", kalaallisut danskisullu allassimasunik."3. § 6 imatut oqaasertalerneqassaaq:
"§ 6. Taasisitsinerup inernera Inatsisartunut saqqummiunneqassaaq, tassanilu aalajangerneqassaaq naalagaaffeqatigiinnermi oqartussaasunut saaffiginninnissaq, Folketingip Kalaallit Nunaanni namminersorneq pillugu inatsimmik akuersissuteqarnissaanik imaqartoq."
§ 2
Inatsisartut inatsisaat atortuulersinneqarpoq 1. oktober 2008.
Namminersornerullutik Oqartussat, ulloq 2. oktober 2008
Hans Enoksen/
Kaj Kleist