Utoqqarnik paaqqinniffiit il.il. pillugit Inatsisartut peqqussutaata allangortinneqar-neranik Inatsisartut peqqussutaat nr. 8, 5. december 2008-imeersoq
(Malittarisassat peqqissutsimut tunngasut isumaginninnermi tunngasunut inatsisiliornermit peerneqarnerat)
§ 1
Utoqqarnik paaqqinniffiit il.il. pillugit Inatsisartut peqqussutaat nr. 11, 30. oktober 1998-imeersumi makku allannguutigitinneqassapput:
1. § 1-imi imm. 2 atorunnaarsinneqarpoq, imm. 3-milu, imm. 2-nngortumi, atorunnaarsinneqarpoq: "peqqinnissaqarfiulluunniit ataani paaqqinniffimmut".2. § 2-mi, imm. 1-imi aamma imm. 3-mi atorunnaarsinneqarpoq: "peqqinnissaqarfiulluunniit ataani paaqqinniffimmut".
3. § 3-mi, imm. 1-imi aamma imm. 2-mi atorunnaarsinneqarpoq: "peqqinnissaqarfiulluunniit ataani paaqqinniffimmut".
4. § 6 atorunnaarsinneqarpoq.
§ 2
Inatsisartut peqqussutaat 1. januar 2009-mi atortuulerpoq.
Namminersornerullutik Oqartussat, ulloq 5. december 2008
Hans Enoksen/
Naja Petersen