11.08.2008

UKA 2008/71

 

Peqqussutissatut siunnersuut pillugu oqaaseqaatit

Oqaaseqaatit nalinginnaasut

 

1. Allannguutissatut siunnersuutip siunertaa

Peqqinnissaqarfiup pensionisialinnik sutigut sullissisinnaaneranik isumaginninnermi inatsisiliortoqarsimanera Naalakkersuisut siunertanut tulluartuusorinngilaat. Taamaattumik utoqqarnik paaqqinniffiit pillugit peqqussummi malittarisassat peqqinnissaqarfiup pensionisialinnik sullissineranut tunngasut peerneqarnissaat Naalakkersuisut kissaatigaat. Peqqinnissaqarfiup innuttaasunik, nammineq najugarisaminni nammineersinnaanngitsunik, sullissinera pillugu malittarisassat, peqqinnissaqarfiup inatsisiliornerani allassimassapput.

2. Siunnersuummi immikkoortut pingaarnerit:

Peqqinnissaqarfik pillugu isumaginninnermut inatsisiliornermit peerneqarnissaa.

3. Pisortanut aningaasaqarnikkut aqutsinikkullu kingunerisassai:

Allannguutissatut siunnersuut pisortanut aningaasaqarnikkut aqutsinikkullu kinguneqassanngilaq.

4. Inuussutissarsiornermut aningaasaqarnikkut aqutsinikkullu kingunerisassai:

Allannguutissatut siunnersuut inuussutissarsiornermut aningaasaqarnikkut aqutsinikkullu kinguneqassanngilaq.

5. Avatangiisinut pinngortitamullu kingunerisassai:

Allannguutissatut siunnersuut avatangiisinut pinngortitamullu aningaasaqarnikkut aqutsinikkullu kinguneqassanngilaq.

6. Innuttaasunut aqutsinikkut kingunerisassai:

Allannguutissatut siunnersuut innuttaasunut aqutsinikkut kinguneqassanngilaq.

7. Naalagaaffeqatigiinnermut namminersornermullu tunngasut:

Allannguutissatut siunnersuut naalagaaffeqatigiinnermut namminersornermullu tunngasunut sunniuteqassanngilaq.

8. Oqartussaasunut suliniaqatigiiffinnullu/kattuffinnullu tusarniaaneq:

Allannguutissatut siunnersuut tusarniaassutigineqarsimavoq:

Naalakkersuisut Siulittaasuata Naalakkersuisoqarfia, Aningaasaqarnermut Nunanullu Allanut Naalakkersuisoqarfik, KANUKOKA-mullu.

Tusarniaaffigineqartut oqaaseqaateqarsimanngillat.

 

Peqqussutissatut siunnersuummi aalajangersakkat ataasiakkaat pillugit oqaaseqaatit

§ 1 pillugu

Nr. 1 pillugu.

§ 1 imm. 2 atorunnaarsinneqarpoq, peqqinnissaqarfiup sullissinissaanut tunngammat. Imm. 3-mi peqqinnissaqarfiup paaqqinniffianut nuukkallarnissamut neqeroorut ilanngullugu atorunnaarsinneqarpoq. 3.

Nr. 2 pillugu.

§ 2, imm. 1-imi peqqinnissaqarfiup ataani paaqqinniffimmut nuunnissamik qinnuteqaat kommunimi najugarivitami kommunalbestyrelse-mut tunniussinissaq pillugu malittarisassaq atorunnaarsinneqarpoq.

§ 2, imm. 3-mi peqqinnissaqarfiup ataani paaqqinniffimmi najugaqarallarnissamik qinnuteqaatit imm. 1-mi aamma imm. 2-mi aalajangersarneqartutut ingerlatinneqartussat pillugit malittarisassaq atorunnaarsinneqarpoq.

Nr. 3 pillugu.

§ 3, imm. 1-imi peqqinnissaqarfiup ataani paaqqinniffimmut nuunnissamik qinnuteqaatit nuuttussanik inissiiniartarneq pillugu ataatsimiititaliamit oqartussanit assigiinngitsunit ilaasortaaffigineqartumit suliarineqartartussat pillugit malittarisassaq atorunnaarsinneqarpoq.

§ 3, imm. 2-mi peqqinnissaqarfiup ataani paaqqinniffimmi najugaqarallarnissamik qinnuteqaatit imm. 1-imi aalajangersarneqartutut suliarineqartartussat pillugit malittarisassaq atorunnaarsinneqarpoq.

Nr. 4 pillugu.

§ 6 atorunnaarsinneqarpoq. Peqqinnissaqarfiup paaqqutarineqarnissamik pisariaqartitsisunut inissaqartitseqqullugu kommunalbestyrelsi peqqinnissaqarfimmut isumaqatigiissuteqarsinnaanera, tamatumunngalu akiliutissat naatsorsorneqartarnerat pillugu malittarisassat peqqinnissaqarfimmut inatsisiliornermi allassimassapput.

§ 2 pillugu

Siunnersuutigineqarpoq, Inatsisartut peqqussutaat ulloq 1. januar 2009-mi atortuulersinneqassasoq.