28. april 2005

FM2005/23

 

Bibliotekeqarneq pillugu Inatsisartut peqqussutissaattut siunnersuut

pillugu

Inatsisartut Kultureqarnermut Ilinniartitaanermullu Ataatsimiititaliaata

ISUMALIUTISSIISSUTAA

Siunnersuutip aappassaaneerneqarnerani saqqummiunneqartoq

 

Inatsisartut Kultureqarnermut Ilinniartitaanermullu Ataatsimiititaliaa makkuninnga inuttaqarpoq:

 

Inatsisartunut ilaasortaq Doris Olsen, Siumut, Siulittaasoq
Inatsisartunut ilaasortaq Georg Olsen, Inuit Ataqatigiit, siulittaasup tullia
Inatsisartunut ilaasortaq Ole Thorleifsen, Siumut
Inatsisartunut ilaasortaq Ellen Christoffersen, Atassut
Inatsisartunut ilaasortaq Astrid Fleischer Rex, Demokraatit

 

 Bibliotekeqarneq pillugu Inatsisartut peqqussutissaattut siunnersuutip siullermeerneqareernerani Inatsisartut Kultureqarnermut Ilinniartitaanermullu Ataatsimiititaliaata UPA2005-imi misissuataarpaa imalu oqaaseqarfigissallugu.

Ataatsimiititaliap isumaqatigiittup iluarisimaarpaa Inatsisartut Ombudsmandiata inassuteqarnera tunngavigalugu siunnersuut atorniartarfiit atuakkanik atuisut atukkaminnik innarlerneqanngitsunik piffissamut utertitsinnginnerani akitsuusiisarnerit inatsisitigut tunngavissaqalernissaat pillugu Naalakkersuisut saqqummiussinerat.

Atorniartarfiit atuakkanik akiliuteqarani atorniarsinnaaneq suli tunngavigalugu ingerlanneqaannarnissaa Ataatsimiititaliap aammattaaq iluarisimaarpaa.

Siunnersuutip ilusilersugaanera

Siunnersuutip siunertamut naapertuutinnginnera pillugu Ataatsimiititaliaq Inatsisartut Inatsisissanik Nalilersuisarfianit allakkianik tigusaqarpoq. Allakkiaq isumaliuutissiissummi pineqartumi ilanngussatut ilanngunneqarpoq.

Ataatsimiititaliap isumaqatigiittup Naalakkersuisunut inassutigissavaat allakkiani innersuussutigineqartut malillugit allannguutissamik siunnersuutissamik saqqummiusseqqullugit.

Ataatsimiititaliap isumaqatigiittup tamanna tunngavigalugu siunnersuut pineqartoq pillugu siunnersuut taama isikkoqarluni Inatsisartunit akuersissutigineqarnissaa inassutigaa, Inatsisartut Inatsisissanik Nalilersuisarfianit allakkiami allassimasut malillugit Naalakkersuisut allannguutissatut siunnersuummik saqqummiussereerpata.

Taama oqaaseqarluta Inatsisartut Kultureqarnermut Ilinniartitaanermullu Ataatsimiititaliaata Bibliotekeqarneq pillugu Inatsisartut peqqussutissaattut siunnersuutipaappassaaneerneqarnissaanut ingerlateqqissavaat.

 

	Doris Jakobsen, Suilittaasoq
Georg Olsen		Ole Thorleifsen
Ellen Christoffersen		Astrid Fleischer Rex

 

Ilanngussaq