Ulluunerani paaqqinnittarfiit, ulluunerani angerlarsimaffimmi paaqqinniffiit il.il. pillugit Inatsisartut peqqussutaata allanngortinneqarneranik Inatsisartut peqqussutaat nr. 4, 12. maj 2005-imeersoq
(Anisitsisarneq aamma kommunalbestyrelsip peqqussut tunngavigalugu maleruagassiat naapertorlugit aalajangiinerinik naammagittaalliuutiginnissinnaannginnermik erseqqissaaneq pillugit)
§ 1
Ulluunerani paaqqinnittarfiit, ulluunerani angerlarsimaffimmi paaqqinniffiit il.il. pillugit Inatsisartut peqqussutaanni nr. 7, 21. maj 2002-meersumi, Inatsisartut peqqussutaatigut nr. 3, 21. maj 2004-meersukkut allanngortinneqartumi makku allannguutigitinneqarput:
1. § 3, imm. 4, naggatip aappaat oqaatsit "aningaasarsiat tunngavigalugit iluarsineqartut" kingornasigut ilanngunneqassaaq: "aamma kommunalbestyrelsip akiliutissanik akiitsoqartoqartillugu meeqqamik ulluunerani paaqqinnittarfimmit anisitsinissamik aalajangersinnaanera pillugit".
2. § 4, imm. 5, naggatip aappaat oqaatsit "aningaasarsiat tunngavigalugit ilaursineqartut" kingornasigut ilanngunneqassaaq "aamma kommunalbestyrelsip akiliutissanik akiitsoqartoqartillugu meeqqamik kommunip aaqqissugaanik ulluunerani angerlarsimaffimmi paaqqinniffimmit anisitsinissamik aalajangersinnaanera pillugit".
3. § 8, imm. 2-p kingornatigut immikkoortutut nutaatut ilanngunneqassaaq:
"Imm. 3. Kommunalbestyrelsip peqqussut una tunngavigalugu maleruagassiat naapertorlugit aalajangiineri aqutsinermik oqartussaasunut allanut naammagittaalliuutigineqarsinnaanngillat."
§ 2.
Inatsisartut peqqussutaat ulloq 1. juni 2005-imi atuutilissaaq.
Namminersornerullutik Oqartussat, ulloq 12. maj 2005
Hans Enoksen/
Henriette Rasmussen