Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarneranik Inatsisartut inatsisaat nr. 11, 15. april 2003-meersoq
(Tapiissutinik pissarsisut naatsorsuutinik kukkunersiukkanik nassiussinissaannut tunniussivissatut piffissaliussaq)
§ 1
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaanni nr. 1, 31. maj 2001-imeersumi ima allanngortitsisoqassaaq:
1. § 9, imm. 2, ima oqaasertalerneqassaaq:
"Imm. 2. §§-it 2 - 4 malillugit tapiissutinik tigusisartut ukiut tamaasa qinnuteqarnerminnut ilanngullugu Inatsisartut Siulittaasoqarfiannut uppernarsarlugu nalunaarutigisassavaat qaammatisiutit ukiuanni qaangiuttumi tapiissutit naalakkersuinikkut sulinermut ilumut atorneqarsimasut, kiisalu tamanna ingerlateqqinneqassamaartoq. Aammattaaq ukiut tamaasa kingusinnerpaamik 30. juni ukiumut siulianut naatsorsuutinik kukkunersiukkanik Inatsisartut Siulittaasoqarfiannut nassiussisoqartassaaq. Tapiissuteqarnissamik qinnuteqaat Inatsisartut Siulittaasoqarfiannit suliarineqareerpat naatsorsuutillu kukkunersiukkat nassiunneqareerpata tapiissutit affaat tunniunneqassapput. Ukiumut siulianut naatsorsuutit kukkunersiukkat nassiunneqareerpata tapiissutit affaasa arlaat tunniunneqassapput. Taamatut uppernarsaalluni nalunaarut naatsorsuutillu kukkunersiukkat nassiunneqanngippata tapiissutinik tunniukkumaakkat kinguartinneqassasut atuukkunnaassasulluunniit Inatsisartut Siulittaasoqarfiata aalajangersinnaavaa."
§ 2
Allannguutit ulloq 31. december 2003-mi atortuutilerput.
Namminersornerullutik Oqartussat, ulloq 15. april 2003.
Hans Enoksen/
Kaj Kleist