Kalaallit Nunaata nunap immikkoortuinut kommuneqarfinnullu aggorneqarnera pillugu Inatsisartut inatsisaata allanngortinneqarneranik Inatsisartut inatsisaat nr. 2, 15. april 2003-meersoq
(Maniitsup Sisimiullu kommuneqarfiisa killeqarfiisa allanngortinnerat)
§ 1.
Kalaallit Nunaata nunap immikkoortuinut kommuneqarfinnullu aggorneqarnera pillugu Inatsisartut inatsisaanni nr. 11, 30. oktober 1998-imeersumi, Inatsisartut inatsisaatigut nr. 6, 11. november 2000-imeersukkut allanngortinneqartumi, uku allannguutigitinneqassassapput:
1. § 2 nr. 7 ima oqaasertaqassaaq:
"7) Maniitsoq. Kujammut Nuup kommuneqarfianut killeqarpoq. Kangimut kommuneqarfiup killigaa Tunup Kitaatalu killeqarfiat. Avannamut killigaa immamit kangerluk Kangerluarsussuaq qiteraarlugu taassumalu qinnguaniit Naqerloq Kangilleq atuarlugu Kangerlussuarmut taassumalu qinnguanut Tasersuatsiap imeqarfittut killeqarfia atuarlugu Ammalortup Nunaa uiarlugu, Tasersuatsiaallu Kinginneraniit kuukkut Akuliarusersuaq atuarlugu sermersuarmut, tassanngaanniillu kangimut Tunup Kitaatalu killeqarfianut. Kangimut kommuneqarfiup killigaa Tunup Kitaatalu killeqarfiat, taamaattoq tak. § 4."
§ 2.
Inatsisartut inatsisaat 1. maj 2003 atuutilerpoq.
Namminersornerullutik Oqartussat, ulloq 15. april 2003
Hans Enoksen/
Kaj Kleist