Kalaallit Nunaannut, Kalaallit Nunaannit Kalaallit Nunaannilu usinik imaatigut assartuineq pillugu Inatsisartut peqqussutaata allanngortinneqarneranik Inatsisartut peqqussutaat nr. 13, 18. december 2003-meersoq.
§ 1
Kalaallit Nunaannut, Kalaallit Nunaannit Kalaallit Nunaannilu usinik imaatigut assartuineq pillugu Inatsisartut peqqussutaanni nr. 16-imi 30. oktober 1992-imeersumi, Inatsisartut peqqussutaatigut nr. 16-ikkut 12. november 2001-imeersukkut allannguuteqartinneqartumi, makkua allannguutigitinneqarput:
1. § 6 atorunnaarpoq.2. § 8 imatut oqaasertalerneqassaaq:
"§ 8. § 1-imik unioqqutitsineq akiliisitsissutaasinnaavoq.
Imm. 2. Unioqqutitsineq ingerlatseqatigiiffiup, piginneqataassuteqarluni ingerlatseqatigiiffiup, piginneqatigiilluni ingerlatseqatigiiffiup, peqatigiiffiup, sullissiveqarfiup imminut pigisup, aningaasaateqarfiup assigisaasaluunniit unioqqutitsinerinut inuk inatsisitigut akisussaasoq akiliisussan-ngortinneqarsinnaavoq. Namminersornerullutik Oqartussat, kommuni imaluunniit kommunit ataatsimoortut unioqqutitsisimappata akiliisitsisoqarsinnaavoq.
Imm. 3. Peqqussut manna naapertorlugu maleruagassanik aalajangersakkat unioqqutinneqarsimappata akiliisitsisoqarsinnaavoq."
§ 2
Inatsisartut peqqussutaat ulloq 1. januar 2004-mit atuutilerpoq.
Imm. 2. § 6-imi aamma § 8-mi malittarisassat manna tikillugu atuuttut akitsuusiisarnermut tunngasut, ukiunut 1. januar 1991-imiit 31. december 2003 ilanngullugu attuumassuteqartut, atorneqarsinnaajuassapput.
Namminersornerullutik Oqartussat, ulloq 18. december 2003
Hans Enoksen/
Kaj Kleist