Namminersornerullutik Oqartussat ilinniagaqarnersiutit pillugit nalunaarutaat nr. 29, 17. december 1996-imeersoq.
Ilinniagaqarnersiutit pillugit Inatsisartut peqqussu-taanni nr. 3-mi, 2. maj 1996-imeersumi § 2, imm. 2, § 3, imm. 3, § 9, aamma § 25 naapertorlugit kiisalu ilinniagaqartut kattuffiinit tamanna pillugu oqaaseqaammik pissarsereernikkut aalajangersarneqarput:
Kapitali 1:
Nassuiaatit. §§ 1-3
Kapitali 2:
Ilinniartitaanerit tapiiffigineqarsinnaatitaasut. §§ 4-10
Kapitali 3:
Tapiiffigineqarnissamut piumasaqaatit.
Attuumassuteqarneq pillugu aalajangersakkat §§ 11-13
Kalaallit Nunaata avataani ilinniartitaanerit § 14
Ilinniartitaanerit amerlassusiat §§ 15-17
Unitsitsinerit amerlassusiat § 18
Ilinniarnermi peqataassuseq § 19
Akissarsiat, aningaasarsiat allatulluunniit
tapisiat § 20
Paasissutissiisussaatitaaneq § 21Kapitali 4:
Tapeeriaatsit tapiissutillu annertussusiat.
Ataatsimut aalajangersakkat §§ 22-27
Ernialersuineq ilinniagaqarnersiutinillu
eqqunngitsumik tigusartagarisimasanikutertitsilluni akilersuineq §28
Tapiissutit §§ 29-30
Meeqqanut tapiissutit §§ 31-32
Nerisaqarneq ineqarnerlu §§ 33-35
Akiuliunneqarluni angalanerit §§ 36-47
Pisattanik assartuineq §§ 48-52
Ilinniartitsinermut akiliut, qularnaveeqqutît
inimikkullu ilinniartitaaneq §§ 53-54
Atuakkanut aningaasartuutit § 55
Katsorsarneqarnermut aningaasartuutit § 56
Bussinut qimuttuitsunullu kortit § 57
Ilinniarnermi taarsigassarsiat
Landskarsimit aningaasalersorneqartut §§ 58-61Kapitali 5:
Ingerlatsineq naammagittaalliornerlu §§ 62-63
Kapitali 6:
Atortuulersitsineq ikaarsaariarnermilu aalajangersakkat § 64-65
Ilanngussaq 1:
Ilinniartitaanerit tapiiffigineqarsinnaatitaasut ilinniarnermi taarsigassarsissutaasinnaanngitsut pillugit ilitsersuutitut nalunaarsuut.
Ilanngussaq 2:
Tapiissutit/ immikkut tapiissutit ilinniarnermilu taarsigassarsiat amerlassusiat.
Kapitali 1.
Nassuiaatit.§ 1. Siunnersuisoq nalunaarummi uani pineqartoq tassaavoq Kalaallit Nunaanni ilinniarfimmi ilinniagaqarnermut ilitsersuisoq, faginik ataqatigiissaarisoq assigisaaluunniit imaluunniit Danmarkimi kalaallit illuisa ilaanni ilinniartitaanermut ilitsersuisoq. Aammattaaq Kultureqarnermut, Ilinniartitaanermut Ilageeqarnermullu Pisortaqarfik ilitsersuisuusinnaavoq.
§ 2. Ineqarnermut allagartamik uppernarsaateqarluni inooqatigiinneq 18-inik ukioqalereernermi ukiumik ataatsimik sivisussusilik nalunaarummi uani aappariinnermut naligitinneqarpoq.
§ 3. Ilinniagaqarnissamut piareersaataasumik ilinniartitaanerit tassaapput
1) ilinniarnerit ilinniagaqartup ilinniartitaanermik piginnaatitaalerfiusumik aallartitsinissamut piginnaasaanik nukittorsaasut, aamma
2) fagini ataasiakkaani ilinniartitsineq.
Kapitali 2.
Ilinniartitaanerit tapiiffigineqarsinnaatitaasut.§ 4. Kultureqarnermut, Ilinniartitaanermut Ilageeqarnermullu Pisortaqarfiup Kalaallit Nunaanni ilinniartitaaneq tapiiffigineqarsinnaatitaasutut akuerisinnaavaa
1) pisortanit akuerineqarpat,
2) ilinniarfimmi pisortanit akuerineqartumi suliamil-luunniit misiliiffimmit akuerineqartumi ingerlanneqarpat aamma
3) piffissaq tamakkerlugu ilinniartitsinertut aaqqissuunneqarsimappat imminnullu ataannartunik sivikinnerpaamik qaammatinik pingasunik sivisussuseqarpat.
Imm. 2. Kultureqarnermut, Ilinniartitaanermut Ilageeqarnermullu Pisortaqarfiup Danmarkimi ilinniartitaaneq tapiiffigineqarsinnaatitaasutut akuerisinnaavaa
1) ilinniartitaanerup imm. 1-imi, nr. 1-3-mi piumasaqaatit taaneqartut naammassisimappagit,
2) ilinniarneq Kalaallit Nunaanni suliffeqartitsisinnaasutut naatsorsuutigineqarpat, aamma
3) ilinniartitaaneq taamaattoq Kalaallit Nunaanni ingerlanneqarsinnaanngippat.
Imm. 3. Kultureqarnermut, Ilinniartitaanermut Ilageeqarnermullu Pisortaqarfiup pissutsit immikkut tamanna pisariaqartilerpassuk Kalaallit Nunaata avataani Danmarkimilu ilinniartitaaneq tapiiffigineqarsinnaasutut akuerisinnaavaa
1) ilinniartitaanerup imm. 1-imi, nr. 1-3-mi piumasaqaatit taaneqartut naammassisimappagit,
2) ilinniarneq Kalaallit Nunaanni suliffeqartitsisinnaasutut naatsorsuutigineqarpat, aamma
3) ilinniartitaaneq taamaattoq Kalaallit Nunaanni Danmarkimiluunniit ingerlanneqarsinnaanngippat.§ 5. Ilinniartitaanerit Sunngorlangatoq-mi Periarfissatnilu atuuttuni taaneqartut tapiiffigineqarsinnaatitaasutut Kultureqarnermut, Ilinniartitaanermut Ilageeqarnermullu Pisortaqarfimmit akuerineqarput, ilinniartitaanerup nalaa tamaat akissarsiaqartitsisoqanngippat.
§ 6. Kultureqarnermut, Ilinniartitaanermut Ilageeqarnermullu Pisortaqarfiup ilanngussaq 1 naapertorlugu ilinniagaqarnissamut piareersaataasumik ilinniartitaanerit ilinniariartornerillu tapiiffigineqarsinnaatitaasutut akuerisinnaavai.
§ 7. Fagini ataasiakkaani ilinniartitsineq tapiiffigineqarsinnaatitaavoq, piumasaqaatit makku naammassineqarsimappata
1) ilinniartitsineq tamarmiusoq sivinnerpaamik sapaatip akunneranut tiiminik ilinniartitsiviusunik 21-nik sivisussuseqarpat, taamaattorli tak. § 9,
2) ilinniagaqartoq fagini ataasiakkaani ilinniartit-sinermi malinnaanissamut ilitsersuisumit ilitsersorneqarsimappat,3) ilinniagaqarniartoq ukiumi ilinniartitsiviusussami ilinniartitsineq aallartitsinnagu septembarip aallaqqaataa sioqqullugu 19-inik ukioqalersimappat,
4) ilinniartitsineq amerlanertigut ulluunerani ingerlanneqartassappat.
Imm. 2. Ilinniartitsissutini ataasiakkaani ilinniartsinermut, tapiissuteqartoqarsinnaanngilaq ilinniagaqarniartoq ilinniartitsissutini tamakkunani misilitsinnermini soraarummeernerminiluunniit 6-imik tassanngaluunniit annerusumik karaktereqareersimappat, karakteri qaffasinneq ilinniartitaanermi kissaatigineqartumi tiguneqarnissamut piumasaqaataanngikkaangat. Karakteritigulli piumasaqaat atortuussanngilaq misilitsinnernut ukiut arfineqpingasut sinnerlugit pisoqaassusilinnut.§ 8. Meeqqat atuarfianni inaarutaasumik misilitsinnissaq (FSA), meeqqallu atuarfianni inaarutaasumik annertusisamik misilitsinnissaq (FSUA), siunertaralugu fagini ataasiakkaani ilinniartitsinermut tapiissuteqartoqarsinnaavoq allaganngorlugu nalunaarutigineqarpat ilinniagaqartoq ilinniartitsinermik taamaattumik ingerlatsinissaminut ilitsersuunneqassasoq. Nalunaarut suliarineqarsimassaaq siunnersuisumit kommunilluunniit ilinniagaqarnermi siunnersuisoqarnermut immikkoortoqarfianit, ilinniartitaanermilu kissatigineqartumi ilitsersuisumit oqaaseqaat ilanngunneqassalluni. Kalaallit Nunaata avataani ilinniartitaanernut Kultureqarnermut, Ilinniartitaanermut Ilageeqarnermullu Pisortaqarfik ilinniartitaanermut kissaatigineqartumut ilitsersuisutut atuussaaq.
§ 9. Ingerlaqqiffiusumik ilinniartitaanermut tigutinnissamut fagit ataasiakkaat Ilinniarnertuunngorniarfimmit (GU), qaffasinnerusumik piareersaataasumik ilinniartitaanermit (HF) ilinniartitaanerulluunniit assinganit allamit qaffasinnerusumik tapertalernissaat pisariaqarpat § 1, imm. 1, nr. 2-mi nalunaaquttap akunnerinik 21-nik piumasaqaat Kultureqarnermut, Ilinniartitaanermut Ilageeqarnermullu Pisortaqarfiup avaqqussinnaavaa.
§ 10. Kultureqarnermut, Ilinniartitaanermut Ilageeqarnermullu Pisortaqarfik §§ 4 aamma § 7-8-p atortinneqannginnissaannik immikkut akuersissuteqarsinnaavoq inuttut atukkat immikkut ittut pissutaappata, tassunga ilanngullugit
1) ilinniagaqartup pikkorinnerpaanut ilaalluni timersortartutut Kalaallit Nunaanni Timersoqatigiiffiit Kattuffiannit, immikkut kattuffimmit Team Grønlandimillu akuerineqarsimappat,
2) ilinniagaqartup eqqumiitsuliortuunera, nipilersortartuunera kulturikkulluunniit allamik ingerlataqartuunera,
3) ilinniagaqartup peqqissussaatigut pissutsit imaluunniit
4) ilinniagaqartup aapparisaa Namminersornerullutik Oqartussat aqqutigalugit ilinniartitaanermut tiguneqarsimappat.
Kapitali 3.
Tapiiffigineqarnissamut piumasaqaatit.
Attuumassuteqarnermut aalajangersakkat.§ 11. Ilinniagaqarnersiuteqarnissamut danskisut innuttaasuseqarnissaq piumasaqaataavoq.
Imm. 2. Taamaattorli nunani allamiut ilinniagaqarnersiuteqarsinnaapput nunat tamat akornanni isumaqatigiissutit Namminersornerullutik Oqartussanut atuuttut naapertorlugit danskisut innuttaassuseqartut assigalugit ilinniagaqarnersiuteqarsinnaatitaagunik.§ 12. Kalaallit Nunaanni ilinniartitaanernut ilinniagaqarnersiuteqartitsisoqarsinnaavoq inunnut Kalaallit Nunaanni najugaqavissunut.
Kalaallit Nunaata avataani ilinniartitaanerit
§ 13. Kalaallit Nunaata avataani ilinniartitaanernut ilinniagaqarnersiuteqartitsisoqarsinnaavoq inunnut
1) qinnuteqarnermik nalaanni Kalaallit Nunaanni najugaqavissunut ilinniarnerullu aallartilivinnera sioqqullugu sivikinnerpaamik ukiuni tallimani najugaqavissimasunut, imaluunniit
2) sivikinnerpaamik ukiuni qulini Kalaallit Nunaanni najugaqavissimasunut Kalaallit Nunaatalu avataani sivisunerpaamik ukiuni pingasuni aalajangersimasumik najugaqarsimasunut.
Imm. 2. Imm. 1 naapertorlugu Kalaallit Nunaata avataani ilinniarnermut isumaginninnermulluunniit Kalaallit Nunaanni oqartussaasunit peqataaffigineqartunut atatillugu najugaqarnerit ilaatinneqanngillat.
Kalaallit Nunaata avataani ilinniartitaanerit
§ 14. Kalaallit Nunaata avataani ilinniagaqarnernut ilinniagaqarnersiuteqartitsisoqarsinnaavoq ilinniagaqarniartup taamatut ilinniagaqarnissani Kultureqarnermut, Ilinniartitaanermut Ilageeqarnermullu Pisortaqarfik aqqutigalugu qinnutigisimappagu tiguneqarnissamullu Namminersornerullutik Oqartussat piumasarisaat naammassisimappagit.
Imm. 2. Kultureqarnermut, Ilinniartitaanermut Ilageeqarnermullu Pisortaqarfik pissutsit immikkut ittut pisariaqartilerpassuk imm. 1-ip atortinnginneqarnissaanut immikkut akuersissuteqarsinnaavoq.
Ilinniartitaanerit amerlassusiat
§ 15. § 7-9 naapertorlugit faginut ataasiakkaanut piffissap ukiut arfineq-pingasut iluani ilinniagaqarnersiuteqartitsisoqarsinnaavoq, tak. imm. 2-4.
Imm. 2. Atuartitsinermi FSA-mut (meeqqat atuarfiata inaarutaamik misilitissutaa) FSUA-mulluunniit (meeqqat atuarfiata inaarutaasumik annertusisamik misilitissutaa) angusaqarfiusussami ilinniagaqartunut 9. klassimik naammassinnissimasunut allatulluunniit assigisaannik piginnaaneqalersimasunut ukiut marluk tikillugit ilinniagaqartitsisoqarsinnaavoq.
Imm. 3. Atuartitsinermi FSA-mut FSUA-mulluunniit angusaqarfiusussami ilinniagaqartunut 10. klassimik naammassinnissimasunut allatulluunniit assigisaannik piginnaaneqalersimasunut ukioq ataaseq tikillugu ilinniagaqartitsisoqarsinnaavoq.
Imm. 4. HF-imi faginut ataasiakkaanut ukiut marluk tikillugit ilassutitullu pikkorissartitsinermut tamatuma qaavatigut aamma ukioq ataaseq tikillugu ilinniagaqartitsisoqarsinnaavoq.§ 16. Suliamik ilinniarsimasutut qaffasissutsip ataani ilinniartitaanernut naammassineqarsimasunut marlunnit amerlanerusunut ilinniagaqarnersiuteqartitsisoqarsinnaanngilaq.
Imm. 2. Suliamik ilinniarsimasutut qaffasissutsimi taassuminngaluunniit qaffasinnermi ilinniartitaanermut naammassineqartumut ataatsimit amerlanerusunut ilinniagaqarnersiuteqartitsisoqarsinnaanngilaq. Taamaattorli suliamik ilinniarsimasutut qaffasissutsimut taassuminngaluunniit qaffasinnermut suli ataatsimut arlalinnulluunniit ilinniagaqarnersiuteqartitsisoqarsinnaavoq
1) ilinniartitaanermut tiguneqarnissamut piumasaqaatini suliamik ilinniarsimasuunissaq ilaappat,
2) ilinniartitaaneq siusinnerusukkut ilinniagarisap pissusissamisoortumik nanginnerippagu sulialluunniit taassuma iluani qaffasinnerusumik inissisimappat, imaluunniit
3) ilinniartitaaneq inuussutissarsiorsinnaannginneq pissutigalugu pisariaqartinneqartumik ilinniaqqinneruppat.
Imm. 3. Ilinniagaqartumut kandidatitut ilinniartitaanermik naammassisaqarsimasumut ilinniagaqarnersiuteqartitsisoqarsinnaanngilaq.§ 17. Kultureqarnermut, Ilinniartitaanermut Ilageeqarnermullu Pisortaqarfik pissutsit immikkut ittut pisariaqartilerpassuk §§ 15 aamma 16-p atortinneqannginnissaannik immikkut akuersissuteqarsinnaavoq. Aalajangiinermi immikkut pingaartinneqassapput
1) ilinniagaqartup suliffissaqarniarnermi suut periarfissarereernerai aamma
2) inuiaqatigiit ilinniartitaanermik qinnutigineqartumik pisariaqartitsinerat.
Kipititsinerit amerlassusiat
§ 18. Ilinniagaqarnersiaqartitsisoqarsinnaanngilaq ilinniagaqartumut ukiut kingulliit tallimat ingerlaneranni ilinniarnerminik ataasiaannarnani, ilinnialernissamulluunniit piareersaataasumik ilinniartitaanernik ataasiaannarnani kipititsisimasumut. Ilinnialernissamut piareersaataasumik ilinniartitaanernik kipititsinerit aatsaat ilanngullugit naatsorsuunneqartarput ilinnialernissamut piareersaataasumik ilinniartitaanernut tapiissuteqarsinnaatitaaneq nalilerneqarpat.
Imm. 2. Imm. 1 malillugu kipititsinernut naatsorsuunneqanngillat suliamik misiliivissaaleqineq, ilinnianngiffeqarneq, tassunga ilanngullugit erninermut atatillugu ilinnianngiffeqarneq uppernarsaateqarlunilu napparsimalluni peqannginneq pissutigalugit ilinniartitaanermik kipititsigallarnerit.
Imm. 3. Immikkut ittunik pissutissaqartillugu Kultureqarnermut, Ilinniartitaanermut Ilageeqarnermullu Pisortaqarfik imm. 1-ip atortinnginneqarnissaanik immikkut akuersissuteqarsinnaavoq.
Ilinniarnermi peqataaneq
§ 19. Ilinniagaqarnersiuteqartitsinissamut ilinniagaqartup ilinniarnermi peqataanissaa piumasaqaataavoq, tassa imaappoq
1) ilinniagaqartoq soraarummeerfissani soraarummeertarpat, soraarummeertarpallu ilinniarnerup ingerlanissaanik pilersaarut naapertorlugu, imaluunniit soraarummeernermi peqataannginneq takkutinngitsoornerluunniit siunnersuisumik allaganngorlugu isumaqatigiissuteqarneq malillugu pisarpata, aammalu tamakku Kultureqarnermut, Ilinniartitaanermut Ilageeqarnermullu Pisortaqarfimmut nalunaarutigineqarpata, aamma
2) pinngitsoorani orniguttarnissamik aalajangersakkat eqqortinneqarpata.
Imm. 2. Taamaattorli sivisuumik ingerlassamik ilinniagaqarnermi ilinniarfimmut pinngitsoorani orniguttariaqarfiunngitsumi iliniagaqartoq ilinniagaqarnersiuteqartinneqartussaavoq ilinniarnermut pilersaarut, tak. imm.l, taassumaluunniit annersaa ukiumit ataatsimit sivisunerusumik qaangerneqarsimanngippat.
Imm. 3. Kalaallit Nunaata avataani ilinniartitaanerni ilinniagaqartut soraarummeernerit tamaasa soraarummeernermi allattuiffiit assigisaasaluunniit nuutinnerannik Kultureqarnermut, Ilinniartitaanermut Ilageeqarnermullu Pisortaqarfimmut nassiussisassapput.
Imm. 4. Ilinniagaqartut ilinniagaqarnersiutinik tigusisarnermik nalaani qitornartaarsimappata ilinniagaqarnersiutisiaqarsinnaatitaaneranni piffissaq sivitsorneqassaaq, taamaattorli meeqqamut ataatsimut ukioq ataaseq tikillugu. Tamannali aatsaat atuutissaaq ilinniagaqartup qitornani tigummippagu kiisalu imm. 1-imi aalajangersakkanik eqquutsitsippat.
Imm. 5. Immikkut ittumik pissutissaqartillugu Kultureqarnermut, Ilinniartitaanermut Ilageeqarnermullu Pisortaqarfik imm. 1 aamma 4-p atortinneqannginnissaannik immikkut akuersissuteqarsinnaavoq, tassunga ilanngullugit § 10, stk. 1-imi, nr. 1-3-mi taaneqartut.
Akissarsiat, aningaasarsiat allatulluunniit tapiissutit
§ 20. Ilinniagaqartut inuuniarnermi aningaasartuutaasa tamakkiisumik akilerneqarnissaat siunertaralugu pisortanit ikiorsiissutinik allanik ataavartumik pisartagaqartinneqartut ilinniagaqarnersiaqanngitsoortitaasinnaapput.
Imm. 2. Ilinniagaqartut ilinniarnermik nalaani ilinniagaqarnersiutit siunertaasa assinginik matussusiinissaq siunertaralugu ilinniarnermut akissarsiaqartut allatulluunniit ilinniarnermut aningaasarsiaqartut ilinniagaqarnersiuteqarsinnaatitaanngillat.
Paasissutissiisussaatitaaneq
§ 21. Ilinniagaqartut pissutsit imminerminnut tunngasut tamaasa ilinniagaqarnersiaqartitsinissamut pingaaruteqartut pillugit paasissutissanik tamanik Kultureqarnermut, Ilinniartitaanermut Ilageeqarnermullu Pisortaqarfimmut nalunaaruteqassapput, kingusinnerusukkullu tamakkunani allannguutaasinnaasut Kultureqarnermut, Ilinniartitaanermut Ilageeqarnermullu Pisortaqarfimmut pilertortumik nalunaarutigisassallugit.
Kapitali 4.
Tapeeriaatsit tapiissutillu amerlassusiat.
Ataatsimut aalajangersakkat§ 22. Kapitalimi matumani maleruaqqusat malillugit ilinniagaqarnersiutit tapiissutitut, tak. §§ 29-30, immikkut tapiissutitut, tak. §§ 31-57, landskarsimillu aningaasalersorneqartunik taarsigassarsiatut, tak. §§ 58-61, tunniunneqartarput.
Imm. 2. Ilinniagaqartut fagini ataasiakkaani ilinniarnernut ilinniagaqarnersiutisiaqartut §§ 33-55 aamma §§ 58-61 malillugit tapisiaqarsinnaatitaanngillat.
Imm. 3. Kultureqarnermut, Ilinniartitaanermut Ilageeqarnermullu Pisortaqarfik pissutsini immikkut illuinnartuni imm. 2-p atortinneqannginnissaanik immikkut akuersissuteqarsinnaavoq, Kalaallit Nunaata avataani ilinniagaqarnissamut piareersaataasumik ilinniartitaanernut ilinniagaqarnersiuteqartitsisoqaraangat.§ 23. Ilinniagaqartut tapiissuteqarsinnaatitaanngillat, tak. §§ 29-30, piffissani sulisitsisumit suliamik misiliinermut akissarsiaqartillutik.
§ 24. Paasisassarsiorluni nunami allamiinnernut, nunani tamalaani ilinniartut paarlaaqatigiittarnerinut suliniaqatigiiffinnit, tassunga ilanngullugu AFS-imit aaqqissuunneqartunut, § 46-mi aalajangersakkat malillugit taamaallaat tapiissuteqartoqartarpoq, tak. § 37.
§ 25. Ilinniagaqartut ilinnianngiffeqartut, tassunga ilanngullugu erninermut atasumik ilinnianngiffeqartut ilinniagaqarnersiaqarsinnaatitaanngillat.
§ 26. Ilinniarnerup kipitinneqarneranut atatillugu ilitsersuisup Kultureqarnermut, Ilinniartitaanermut Ilageeqarnermullu Pisortaqarfimmut nalunaarutigissavaa kipitsitsineq ilitsersuisup allakkatigut isumaqatigiissuteqarfigineratigut pisimanersoq. Taamaattoqanngippat akiliunneqarluni angalanerit umiarsuakkullu nassiussat pillugit aalajangersakkat malillugit, tak. §§ 36-52, tapiissutit utertillugit akileqquneqarsinnaapput.
§ 27. Tapiissutit meeqqanullu tapiissutit ukioq ataaseq angullugu tunniunneqartarsinnaapput. Naatsorsuineq tunniussinerlu kingumut atuuttumik qaammatikkaartumik pisarput.
Imm. 2. Aallartitsinermi, naammassinermi, kipititsigallarnermilu kiisalu ilinniarfimmiinnerup suliamillu misiliinerup paarlakaajaanneranni tapiissutit ullormut ilinniarfiusumut ataatsimut naatsorsorneqartarput. Ullormik killiliinerup naatsorsorneqarnerani angalanermi akunninnermilu piffissaq atorneqartariaqartoq ilanngunneqarsinnaavoq.
Imm. 3. Aallartitsinermi, naammassinermi, kipititsigallarnermilu meeqqanut tapiissutit ullormut ilinniarfiusumut ataatsimut naatsorsorneqartarput.
Imm. 4. Kalaallit Nunaata Danmarkillu avataanni ilinniagaqartunut tunniussineq imm. 1-imi taaneqartumit aallaanerusumik pisarsinnaavoq.
Ernialersuineq ilinniagaqarnersiutinillu eqqunngitsumik tigusartagarisimasanik utertitsilluni akilersuineq
§ 28. Ilinniagaqarnersiutit eqqunngitsumik tigusartagarisimasat ilinniagaqarnersiutit pillugit Inatsisartut peqqussutaanni kapitali 6-imi maleruaqqusat malillugit ernialersorneqassapput utertillugillu akilerneqassallutik.
Tapiissutit
§ 29. Qaammatikkaartumik tapiissutit ilinniagaqartup inissisimaffinni ukunani sorlerni inissisimanera apeqqutaatillugu tunniunneqartarput:
1) Angerlarsimaffiup avataani ineqartuuneq.
2) Akeqanngitsumik nerisaqarluni ineqarlunilu angerlarsimaffiup avataani ineqartuuneq.
3) GU-mi, FSA-mi FSUA-milu ilinniartut angerlarsimaffimminni najugallit.
4) Angerlarsimaffimminni najugallit allat, tassunga ilanngullugit STI-mi ilinniartut.
5) Kalaallit Nunaata Danmarkillu avataani ilinniagaqartut.
Imm. 2. Tapiissutit amerlassusii aningaasanut inatsimmi aalajangersarneqassapput ilanngussarlu 2-mi takuneqarsinnaallutik.§ 30. Angerlarsimaffiup avataani najugaqartoq tassaavoq ilinniagaqartoq namminerisaminik akilersugassaminillu ineqalersimasoq. Ilinniagaqartup najugaqarnerminut allagartamigut, attartornermut isumaqatigiissutip piginnittutulluunniit uppernarsarsinnaasariaqarpaa angerlarsimaffimmi avataani najugaqartuunini.
Imm. 2. Ilinniagaqartut angerlarsimaffimminni najugaqartut angerlarsimaffiup avataani najugaqartutut naatsorsuunneqassapput
1) angerlarsimaffimminni najugaqaraangata qitornaminnillu tigumiaqaraangata, imaluunniit
2) aalajangersimasumik najugaqarfitsik qimallugu illoqarfimmi allami ilinniarfimmiikkaangata.
Imm. 3. Ilinniagaqartoq ilinniartitaanerup aallartiffissaa sioqqutitsiarlugu ukiuni kingullerni marlunni ukiuni pineqartuni tamani isertitaqartarsimaguni inoqutigiit tamarmiullutik isertitaasa minnerpaamik pingajorarterutaannik angerlarsimaffimmi avataani najugalittut taarsersugassaanngitsunik tapiissutisisinneqartarsinnaavoq. Inoqutigiinnik taaneqartut tassaapput inuit inigisami taaneqartumiittut inuit allattorsimaffiannut nalunaarutigineqarsimasut tamarmik.
Imm. 4. Angerlarsimaffiup avataani najugaqartutut tapiissutit piffissamit qinnuteqarfigisamit tunniunneqartarput. Taamaattorli ilinniagaqartut imm. 1, nr. 2-mi taaneqartut angerlarsimaffiup avataani najugaqartutut qinnuteqarnatik tapiissutisiaqartinneqartarput.
Meeqqanut tapiissutit
§ 31. Ilinniagaqartoq meeqqanut 18-it inorlugit ukiulinnut pilersuisussaatitaappat meeqqamut ataatsimut tapiissuteqartitsisoqassaaq (meeqqanut tapiissutit). Meeraq Kalaallit Nunaanniippat tapiissutit Kalaallit Nunaanni nalinginnaasumik tapiissutit amerlaqatigaat. Meeraq Danmarkimiippat tapiissutit Danmarkimi nalinginnaasumik tapiissutit amerlaqatigaat. Meeraq Kalaallit Nunaanni Danmarkimiluunniit najugaqanngippat tapiissutit Kalaallit Nunaanni nalinginnaasumik tapiissutit amerlaqatigaat. Amerlassutsit ilanngussaq 2-mi takuneqarsinnaapput.
Imm. 2. Meeqqanut tapiissutit rneeraq ilinniagaqartumi najugaqanngippat pilersuisuimmut tunniunneqassapput.
Imm. 3. Ilinniagaqartoq meeqqanut tapiissutisiaqartinneqassanngilaq ilinniagaqartup qitornai pisortanit tamakkiisumik pilersorneqarpata.§ 32. Meeqqanut tapiissutit aatsaat tunniunneqartarput ullormit tamanna pillugu qinnuteqaatip tiguneqarneranit.
Imm. 2. Taamaattorli meeraq piffissami tapiissuteqarfiusumi inunngorpat meeqqanut tapiissutit piffissamit inunngorfimmit tunniunneqassapput, ilinniagaqartoq piffissap erniffiusup kingorna qaammatit marluk qaangiutsinnagit ingerlaannartumik meeqqanut tapiissutinik qinnuteqaat tunniuppagu.
Nerisaqarneq ineqarnerlu
§ 33. Ilinniagaqartut ilinniarnerminnut atatillugu inigisaminnut akiliuteqartussaanngitsut ineqarfimmi Kultureqarnermut, Ilinniartitaanermut Ilageeqarnermullu Pisortaqarfimmit toqqarneqartumi ineqarnerminnut aningaasartuutitik utertissinnaavaat ilinniagaqarfissaminni piffissani sivikitsuni akiliinatik ineqarsinnaanngikkallarsimagaangamik.
§ 34. Ilinniagaqartut ilinniarnerminnut atatillugu nerisaminnut ineqarnerminnullu akiliuteqartussaanngitsut piffissani sivikitsuni nerisaminnut namminneq akiliisariaqarsimagaangamik ilanngussaq 2 naapertorlugu nerisaqarnermut ullormut ataatsimut aningaasanik tunineqartassapput. Nerisaqarnermut aningaasat siumoortumik tunniunneqarsinnaapput.
§ 35. Ilinniagaqartut ilinniarfimmiittut ineqarnermut tamakkiisumik matussutissanik tapiiffigineqarsinnaapput
1) ilinniarfimmiinneq qaammatinit arfinilinnit sivikinneruppat,
2) kollegiami ineqarfimmiluunniit Kultureqarnermut, Ilinniartitaanermut Ilageeqarnermullu Pisortaqarfimmit innersuunneqartumi inissinneqarpata,
3) § 30, imm. 1 naapertorlugu namminerisaminnik najugaqartuuppata, ilinniartitaanerullu sinnerani tassani najugaqaannarpata.
Akiliunneqarluni angalanerit
§ 36. Ukununnga atatillugu § 37 naapertorlugu angalanernut akiliussisoqarsinnaavoq
1) §§ 38-41 naapertorlugit ilinniartitaanerup aallartinnerani, kipitinneqarnerani, kipitikkallarnerani, naammassineraniluunniit,
2) §§ 42-43 naapertorlugit aasaanerani ilinnianngiffeqarnermi,
3) § 44 naapertorlugit juullimut feriarnermi,
4) § 45 naapertorlugu ilinniarnermut atasumik angalanermut,
5) § 46 naapertorlugu nunani tamalaani ilinniartut paarlaaqatigiinnerinut, aamma
6) § 47 naapertorlugu napparsimasoqarnermi toqusoqarnermiluunniit.
Imm. 2. Angalanermut akiliussisoqassanngilaq ilinniagaqartoq suliffimmini suliunnaarluni imaluunniit suliffissamini sulilissalluni angalassappat sulisitsisup akiligassarisaanik.§ 37. Akiliunneqarluni angalanernut ilaapput bilitsimut angalatillunilu uninngasariaqarnernut aningaasartuutinut tamakkiisumik matussutissat.
Imm. 2. Pisortatigut angallassinermut periarfissat sapinngisamik akikinnerpaat atorneqartassapput§ 38. Najugarisap illoqarfiullu ilinniagaqarfigisassap akornanni angalanermut akiliussisoqartassaaq ilinniarneq aallartittussanngoraangat, naammassigaangat imaluunniit kipitinneqaraangat. Kipitsitsinermi, kipititsigallarnermi naammassinninnermiluunniit ilinniarnerup aallartinnginnerani aalajangersimasumik najugaqarfigisamut angalanermut akiliussisoqassaaq.
Imm. 2. Ilinniagaqarfiit assigiinngitsut nikittaallugit, ilinniarfimmiinnerit suliamillu misiliinerit akornini ammalu suliamik misiliiviit assigiinngitsut nikeraaffiginerini angalanernut akiliussisoqartassaaq ilinniagaqarnerup aaqqissugaanerata taamaaliortarnissaq pisariaqartippagu, nikittaannerlu ilitsersuisumit allakkatigut akuerineqarsimappat.
Imm. 3. Kultureqarnermut, Ilinniartitaanermut Ilageeqarnermullu Pisortaqarfik pissutsit immikkut ittut pisariaqartilerpassuk § 1-p atortinneqannginnissaanik immikkut akuersissuteqarsinnaavoq.§ 39. Ilinniagaqartumut angalanermut akiliussisoqaraangat, meeqqanut 18-it inorlugit ukiulinnut angalanermut akiliussisoqarsinnaavoq
1) ilinniagaqartoq pilersuisussaatitaappat,
2) ilinniagaqartup meeraq najugaqatigippagu,
3) ilinniarneq ilinniarfimmiinnerluunniit qaammatinit qulinit sivisuneruppat, aamma
4) uppernarsarneqarsinnaappat ilaqutariinnut naammaginartumik inissaqartitsisoqartoq meerarlu illoqarfimmi ilinniarfigisami paarsisussaqartinneqartoq.
Imm. 2. Ilinniarneq ilinniarfimmiinnerluunniit qaammatinik qulinik sivikinneruppat, imm. 1-imi, nr. 1-2 aamma 4 naapertorlugit angalanermut akiliussisoqarsinnaavoq ilinniagaqartut qitornaannut 0-init 6-inut ukiulinnut. Ilinniartitaaneq ilinniarfimmiinnerluunniit qaammatinik qulinik sivikinneruppat, meeqqanut 6-init 18-inut ukiulinnut angalanermut akiliussinissamut ilinniartitaanermi tigusisumi ilitsersuisumit akuersissut piumasaqaataavortaaq.
Imm. 3. Ilinniagaqartup aapparisaa angalanermut akiliunneqassaaq ilinniagaqartup meeraata akiliunneqarluni angalanissaa imm. 1 naapertorlugu akuerineqarsimappat.§ 40. Ilinniarnermit ilinnianngiffeqarnermi, tassunga ilanngullugu erninerup kingorna ilinnianngiffeqarnermi § 38 aamma 39 naapertorlugit angalanissamut akiliussisoqartassaaq ilinnianngiffeqarnissaq siunnersuisumit allakkatigut akuerineqarsimappat qaammatinillu pingasunit sivisunerussappat.
§ 41. Illoqarfimmit ilinniarfigisamit ilinniarnerup aallartinnginnerani illoqarfimmut najugarisamut §§ 38-40 naapertorlugit angalanermut akiliussisoqartassaaq ilinniarnerup kipitinneqarnerata imaluunniit naammassineqarnerata kingornagut qaammatip ataatsip ingerlanerani.
Imm. 2. Imm. 1 naapertorlugu piffissamut killiliunneqartoq qaangiutsinnagu angerlamut aallarnissap ukioq ataaseq angullugu kinguartinnissaa qinnutigineqarsinnaavoq.
Imm. 3. Immikkut ittunik pissutissaqartillugu Kultureqarnermut, Ilinniartitaanermut Ilageeqarnermullu Pisortaqarfik imm. 1 aamma 2-p atortinneqannginnissaannik immikkut akuersissuteqarsinnaavoq.§ 42. Aasakkut ilinnianngiffeqarnermut atatillugu siumut utimullu angalanermut akiliussisoqartarpoq. Tamannali atuutinngilaq ilinniarneq qaammatisiutit malillugit ukiumi tassani decembarip aallaqqaataa nallertinnagu naammassineqassappat feeriarnissarluunniit sapaatit akunnerinit marlunnit sivikinerussappat.
Imm. 2. Angalanermut akiliussisoqartassaaq illoqarfiup ilinniarfiusup ukulu akornanni
1) angajoqqaat aalajangersimasumik najugaqarfiat,
2) aappaasup aalajangersimasumik najugaqarfia,
3) nammineq qitornarisat aalajangersimasumik najugaqarfiat imaluunniit
4) ilinniagaqartup aalajangersimasumik najugaqarfia kingulleq.
Imm. 3. Kalaallit nunaanni ornitassamut allamut angalanermut akiliussisoqarsinnaavoq aningaasartuutissat imm. 2, nr. 4 naapertorlugu orninniakkamut aningaasartuutissat qaangersimassanngippatigik.
Imm. 4. Ilinniagaqartut imm. 2. naapertorlugu ornitassamut Kalaallit Nunaata avataaniittumut akiliunneqarlutik angalasinnaatitaasut Kalaallit Nunaata iluaniinnaq angalanissamut bilitsimut aningaasartuutinik matusiffigineqarsinnaapput.
Imm. 5. Imm. 1-4 malillugit siumut utimullu angalatitsisoqartassaaq meeqqanut 18-it inorlugit ukiulinnut ilinniagaqartumi najugalinnut ilinniagaqartullu pilersuisussaaffigisaanut.
Imm. 6. Imm. 1 naapertorlugu angalanermut taarsiullugu aapparisap, tasssumalu qitornai 18-it inorlugit ukiullit kiisalu ilinniagaqartullup pilersuisussaatitaalluni qitornai illoqarfimmut ilinniarfigisamut siumut utimullu angalanerat akilerneqarsinnaavoq, aningaasartuut imm. 2, nr. 2 imaluunniit 3 naapertorlugit angalanermut aningaasartuummit akisunerussanngippat.§43. § 42 naapertorlugu siumut utimullu angalanissaq juullimut tulliuttumut kinguartinneqarsinnaavoq tamanna ilitsersuisumit allakkatigut akuerineqarpat. Kinguartitsinerli aasaanerani feeriarnermut atatillugu angalanerup tunniunneqarsinnaasimasup akitsorneranik kinguneqassanngilaq.
Imm. 2. Kultureqarnermut, Ilinniartitaanermut Ilageeqarnermullu Pisortaqarfik § 42-mi, imm. 1 naapertorlugu sapaatip akunnerinik marlunnik piumasaqaatip atortinneqannginnissaanut immikkut akuersissuteqarsinnaavoq.§ 44. Juullimut atasumik siumut utimullu angalanissamut akiliussisoqartassaaq ilinniagaqartoq meeqqanut angajoqqaatut oqartussaassuseqarpat meeqqallu illoqarfimmut ilinniarfimmut ilagineqarsimanngippata. Illoqarfiup ilinniarfigisap meeqqallu ilaata najugaata akornanni siumut utimullu angalanermut akiliussisoqassaaq. Tamannali atuussanngilaq qaammatisiutit malillugit ukiumi tulliuttumi 1. marts nallertinnagu ilinniagaqartup ilinniarnini naammassippagu.
Imm. 2. Meeqqat, aappaasoq inooqataasorlu pinnatik, illoqarfimmut ilinniarfigisamut ilagineqarsimappata ilinniagaqartoq meeqqallu siumut utimullu angalanissamut akiliunneqassapput aappaasoq inooqataasorluunniit aamma meeqqat ilaannut angajoqqaatut oqartussaassuseqarpat. Illoqarfiup ilinniarfigisap aammalu aappaasup inooqataasulluunniit aalajangersimasumik najugaata akornanni siumut utimullu angalanermut akiliussisoqassaaq.
Imm. 3. Imm. 2 malillugu angalanermut taarsiullugu aappaasoq meeqqallu ilinniagaqartup angajoqqaatut oqartussaaffigisai illoqarfimmut ilinniarfigisamut siumut utimullu angalanissamut akiliunneqarsinnaapput. Taamaattorli imm. 2 malillugu angalanermut sanilliullugu angalaneq akisunerussanngilaq.
Imm. 4. Illoqarfimmi ilinniarfimmiinneq qaammatinit qulinit sivikinneruppat imm. 1-3 malillugit angalanermut akiliussisoqarsinnaanngilaq.§ 45. Siunnersuisumit inassuteqartoqarnerata aammalu Kultureqarnermut, Ilinniartitaanermut Ilageeqarnermullu Pisortaqarfiup akuersinerata kingorna ilinniagaqartup Kalaallit Nunaata iluani avataanilu pisariaqartumik angalanermut aningaasartuutigisai tamakkerlugit ilaannakortumilluunniit matussuserneqartarsinnaapput makkununnga atatillugu
1) pinngitsoorani naammassisassanik specialinik ingerlaqqiffiusumillu ilinnianerni pingaarnerusunik naammassisassanik suliarinninnermi,
2) ilinniagassanut tunngasunik suliaqarluni qaammammit ataatsimit sivisunerusumik suliamik misiliivimmiinnerni aamma
3) ilinniagassanut tunngasunik suliaqarluni ilinniarfimmi allamiinnermi.
Imm. 2. Taama angalanissaq ajornanngippat aasakkut feeriarnermut juullimiluunniit feeriarnermut atatillugu akiliunneqarluni angalanissap nalaaniitinniartariaqarpoq.§ 46. Qaammatit arfinillit sinnerlugit sivisussuseqartumik Kalaallit Nunaata Danmarkillu avataani paasisassarsiornerit ilinniartitaanermut attuumassuteqanngitsut nunallu tamalaat ilinniartunik paarlaaqatigiissitsisarnernut suliniaqatigiiffiinit, AFS-imit allanillu, aaqqissuunneqartunut atatillugu Kalaallit Nunaanni aalajangersimasumik najugarisap nunamilu allami ornitap akornanni siumut utimullu angalanermut akiliussisoqartassaaq.
Imm. 2. Københavnimit nunamut allamut angalanermut aningaasartuutit akilerneqarsimasut uppernarsaammik takutitsinikkut utertinneqassapput.
Imm. 3. Ilinniagaqartup ilaqutaani qaniginerusaani napparsimaruluttoqartillugu toqusoqartilluguluunniit angalaneq allanit matussuserneqanngippat § 47-mi maleruaqqusat aalajangersarneqartut naapertorlugit siumut utimullu angalanermut akiliussisoqartassaaq, taamaattorli taamaallaat Københavnimit ineqartup ilaqutaasa qaninnerit najugaqarfiannut.§ 47. Ilinniagaqartup ilaqutaani qaniginerusaani napparsimaruluttoqartillugu toqusoqartilluguluunniit illoqarfiup ilinniarfiusup qaniginerpaanerusallu najugaata akornanni ilinniagaqartup taassumalu meeraanut, ilinniagaqartumi najugaqarpata, angalanissamut akiliussisoqartassaaq. Angalanermut akiliussineq illoqarfiup ilinniarfiusup pineqartullu ilaqutaasa qininnerit najugaata akornanni siumututimullu angalanertut tunniunneqassaaq.
Imm. 2. Ilaquttat qaniginerusat tassaapput ilinniagaqartup angajoqqaavi, angajoqqaavisa angajoqqaavi, qatanngutai, qitornai aapparisaalu.
Imm. 3. Aallarnissaq sioqqullugu nakorsap nalunaarutaatigut uppernarsarneqassaaq nappaat ima peruluutaatigisoq ilaqutaasut pisarnertut aggersarneqarlutik. Toqusoorneq toqunermut uppernarsaatitut allagartap assigisaataluunniit nuutinneranik uppernarsarneqassaaq.
Imm. 4. Kultureqarnermut, Ilinniartitaanermut Ilageeqarnermullu Pisortaqarfik immikkut ittumik pissutissaqartillugu imm. 2-p atortinneqannginnissaanik immikkut akuersissuteqarsinnaavoq.
Pisattanik assartuineq
§ 48. § 38 naapertorlugu angalanermut akiliussisoqarnissaa akuersissutigineqarsimagaangat pisattanik assartuinermut akiliussisoqarsinnaavoq, tak. imm. 2-mit 5-imut.
Imm. 2. Ilinniartunut qaammatinit arfinilinnit sivisunerusumik ilinniarfimmiittussanut suliamilluunniit misiliivimmiittussanut pisattanik assartuinermut akiliussisoqarsinnaavoq meeqqat akiliunneqarlutik angalanissaannut akuersissuteqartoqarsimappat.
Imm. 3. Aappariinnut inooqatigiinnulluunniit ilinniartunut angalaqatigiittunut pisattanik assartuinermut akiliussisoqarsinnaavoq ilinniagaqartut ilaata ataatsip piffissaq ilinniarfigisassaa qaammatinit 24-nit sivisuneruppat.
Imm. 4. Ilinniagaqartunut qaammatinit 24-nit sivisunerusumik ilinniareernerup kingorna angerlamut angalanermut atatillugu pisattanik assartuinermut akiliussisoqarsinnaavoq.
Imm. 5. Imm. 1 aamma 2 naapertorlugit pisattanik assartuinissamut akiliussisoqarsimagaangat angerlamut angalanermut atatillugu pisattanik assartuinermut akiliussisoqartuaannarpoq.
Imm. 6. Kultureqarnermut, Ilinniartitaanermut Ilageeqarnermullu Pisortaqarfik pissutsit immikkut ittut pisariaqartilerpassuk imm. 1 aamma 2-p atortinneqannginnissaannik immikkut akuersissuteqarsinnaavoq.§ 49. Pisattanik assartuinermut akiliutit containerip 7,32 m3-it 6 m3-illu angullugit imaluunniit nassiussat 6 m3-it angullugit annertutigisut tunniunneqartarput sillimmasiissutit ilanngullugit, nuunnermut ataatsimut 100.000,- kr.-it tikillugit sillimmasiissutilinnut.
Imm. 2. Ilinniagaqartunut Kalaallit Nunaannukartunut Kalaallit Nunaanneersunulluunniit pisattanik assartuinermut akiliussisoqarnermi aningaasaliissutinut ilaapputtaaq ammarterineq poortuinerlu.
Imm. 3. Aappariit inooqatigiilluunniit ilinniagaqartut ornitamut assinganik isorartoqatigiissumukartussat annerpaamik containerimik ataatsimik atugaqarnissaminnut imaluunniit 6 m2-it tikillugit pisattanut nassiussanut akuerineqarsinnaapput.§ 50. Pisattanik assartuinermut akiliussisoqaraangat umiarsuakkulli nassitsinissamut periarfissaqarnani ilinniarnerup aallartinneranut, kipitinneranut naammassineqarneranullu atatillugu akiliunneqarluni angalanermut akuerineqartumut ataatsimut timmisartukkut nassiussat 10 kg. tikillugu oqimaannerussutaannut aningaasartuutit pisariaqartinneqartunik uppernarsaasiinikkut utertinneqartarput. Pisattanik assartuisinnaatitaaneq ilinniartitaanerup naammassinnginnerani qaammatit arfinillit tikillugit attanneqarsinnaavoq.
§ 51. Pisattanik assartuinermut akiliussisoqassanngilaq ilinniagaqartoq suliffimmini suliunnaarluni imaluunniit suliffissamini sulilissalluni pigisanik angallassissappat sulisitsisup akiligassarisaanik.
§ 52. Pisattanik assartuinermut akiliussisoqanngikkaangat akiliunneqarluni angalanermut akuerineqartumut ataatsimut timmisartukkut nassiussat 10 kg. tikillugu oqimaannerussutaannut aningaasartuutit pisariaqartinneqartunik uppernarsaasiinikkut utertinneqartarput.
Ilinniartitsinermut akiliut, qularnaveeqqutit inmikkullu ilinniartitaaneq
§ 53. Kalaallit Nunaata avataani ilinniartitaanernut tamakkiisumik matussusiisoqartassaaq ilinniartitsinermut akiliutinut ilinniartitsinermullu qularnaveeqqutinut ilinniartitaaneq assigisaa aningaasartuutit taakku akilersimatinnagit malinnaaffigineqarsinnaanngippat aningaasartuutillu pisortanit oqartussaasunit allanit akilerneqarsinnaanngippata.
§ 54. Kalaallit Nunaata avataani ilinniartitaanernut tamakkiisumik matussusiisoqartassaaq kalaallit oqaasiinik ilinniartitsinermi immikkullu ilinniartitsinermi pisariaqartumi peqataanermut aningaasartuutinut. Immikkut ilinniartitaanissamik pisariaqartitsineq siunnersuisup inassuteqaataanik uppernarsaaserneqartassaaq.
Atuakkanut aningaasartuutit
§ 55. Kalaallit Nunaata avataani ilinniagaqartunut Ilisimatusarfimmilu ilinniagaqartunut atuakkanut, atortussanut katersanut, ilinniartitsissutissianut naalisakkanut assigisaannullu pisariaqartinneqartunut tapiissuteqartoqassaaq. Tapiissuteqartoqartassaaq aningaasartuutit 60%-iinik.
Katsorsartinnermi aningaasartuutit
§ 56. Kalaallit Nunaata avataani ilinniagaqartut nakorsaatinut immikkut ittumik aningaasartuutaat matussuserneqartarput, taakku anigorsinnaanngisaminnik nakorsamit uppernarsaaserneqartumik nappaateqaraangata.
Imm. 2. Kalaallit Nunaata avataani ilinniagaqartut nakorsamit innersuunneqartumik katsorsarneqarnermut aningaasartuutaat matussuserneqartarput.
Imm. 3. Pisariaqartumik kigutinik suliarititsisariaqaleriataarnermi aningaasartuutinut tamakkiisumik matussusiisoqartassaaq taamatut suliaritinneq Kultureqarnermut, Ilinniartitaanermut Ilageeqarnermullu Pisortaqarfimmit akuerineqarpat.
Imm. 4. Imm. 1-3 malillugu aningaasartuutip ilaanut pisortat oqartussaasuinit allanit akilerneqanngitsumut taamaallaat tapiissuteqartoqarsinnaavoq.
Bussinut qimuttuitsunullu kortit
§ 57. Kalaallit Nunaata avataani ilinniagaqartut bussinut qimuttuitsunullu kortinut tapiiffigineqarsinnaapput najugaanniit ilinniarfiannut aqqutaa 5 km-inik taakkuluunniit sinnerlugit isorartussuseqarpat. Tapiissutit allagartap Københavnimi eqqaanilu zoninut pingasunut atortup akianit annertunerussapput. Tapiissutit amerlanerpaaffissaat ilanngussaq 2-mi takuneqarsinnaavoq.
Ilinniarnermi taarsigassarsiat Landskarsimit aningaasalersorneqartut
§ 58. Ilinniarnermi taamaallaat taarsigassarsisitsoqarsinnaavoq ilinniagaqartunut kapitali 2-mi 3-milu piumasaqaatinik naammassinnissimasunut 18-inillu ukioqalereersimasunut. Ilinniarnermi taarsigassarsiat ilinniartitaanerup nalaani ataasiaannartumik ukiumoortumillu taarsigassarsiatut tunniunneqartarput, taamaattorli tak. § 59-60, ataasiaannartumik taarsigassarsiat annertussusissaat ukiumoortumillu taarsigassarsiat amerlanerpaaffissaat ilanngussaq 2-mi takuneqarsinnaapput.
Imm. 2. Ukiumoortumik taarsigassarsinissamut periarfissaq atorneqanngitsoq ileqqaarneqarsinnaanngilaq nuunneqarsinnaananiluunniit ukiumit ilinniagaqarnersiuteqarfissamit ukiumut ilinniagaqarnersiuteqarfissamut allamut.
Imm. 3. Pissutsit immikkut illuinnartut pisariaqartilerpassuk ilinniarnermut allamut nuunnermi ilinniarnermilluunniit nutaamik aallartitsinermi ataasiaannartumik taarsigassarsisitsisoqaqqissinnaavoq. Taamatut naliliinermi pissutsit makku ilaatinneqartarput:
1) nuunnermi aningaasartuutit,
2) inissiamut nutaamut tapiissutit aamma
3) aningaasartuutit attuumassuteqartut allat uppernarsaaserneqarsimasut.
Imm. 4. Ilinniarnermi taarsigassarsiat pilersinneqassapput taarsigassarsiaqalernermut allagartakkut allaffissiakkut Kultureqarnermut, Ilinniartitaanermut Ilageeqarnermullu Pisortaqarfimmit akuerineqartukkut.§ 59. Piffissami qaammatit pingasut arfineq-pingasullu akornanni tapiissuteqartitsisoqassappat ukiumoortumik taarsigassarsiat affaannanngortinneqassapput. Qaammatit pingasut angunagit tapiissuteqartitsineq taarsigassarsisinnaatitaanermik kinguneqarneq ajorput.
§ 60. Ilinniagaqartunut ilinniaqqinnissamut piareersartunut tunngaviusumilluunniit ilinniagaqartunut ilanngussaq 1 naapertorlugu ilinniarnermi taarsigassarsisitsisoqarsinnaanngilaq, taamaattorli tak. § 22, imm. 3.
Imm. 2. Ilinniarnermi taarsigassarsisitsisoqarsinnaanngilaq ilinniagaqartunut, ima annertutigisumik ilinniarnerminni akiligassalinnut ilinniarnerup naammassereernerani utertitsillutik akilersuisinnaanngitsutut nalilerneqartunut. Naatsorsuussinermi ilaatigut makku eqqarsaatigineqassapput
1) ilinniarnerup naammassereernerata kingorna isertitassarisatut naatsorsuutigineqartunut sanilliullugu akiitsut annertussusiat,
2) ilinniagaqartup ilinniarnermi taarsigassarsiaminik qanoq sivisutigisumik akilersuinissaa naatsorsuutigineqassanersoq, aamma
3) ilinniagaqartoq siornatigut ilinniarnermi taarsigassarsianut atatillugu akilersuinermi aaqqissuussinermik annertuumik sumiginnaasimanersoq.§ 61. Ilinniarnermi taarsigassarsiat ernialersorneqassapput utertillugillu akilersorneqassallutik ilinniagaqarnersiutit pillugit Inatsisartut peqqussutaanni kapitali 4-mi 5-imilu maleruaqqusat malillugit.
Kapitali 5.
Ingerlatsineq naammagittaalliornerlu.§ 62. Ilinniagaqarnersiuteqartitsinissaq pillugu aalajangiinerit Ilinniagaqarnersiuteqartitsinermi Naammagittaalliuuteqartarfimmut allakkatigut suliassanngortinneqarsinnaapput aalajangiinerup tiguneranit sapaatip akunneri sisamat qaangiutsinnagit. Naammagittaalliuuteqartarfiup aalajangigaa allaffissornikkut oqartussaasunut allanut ingerlateqqinneqarsinnaanngilaq Immikkut akuersissuteqartarnerit pillugit aalajangiinerit Naammagittaalliuuteqartarfimmut suliassiissutigineqarsinnaanngillat.
§ 63. Kultureqarnermut, Ilinniartitaanermut Ilageeqarnermullu Pisortaqarfiup ilinniagaqarnersiutit pillugit Inatsisartut peqqussutaanni kapitali 7-mi maleruaqqusat malillugit ilinniagaqarnersiutit uninngatissinnaavai ilanngaavigisinnaallugillu.
Kapitali 6.
Atortuulersitsinermi atuukkallartitsinermilu aalajangersakkat.§ 64. Nalunaarut 1. januar 1997-imi atuutilissaaq.
Imm. 2. Tamatumunnga peqatigitillugu ilinniagaqarnersiutit pillugit Namminersornerullutik Oqartussat nalunaarutaat nr. 17, 3. juli 1995-imeersoq atorunnaarsinneqarpoq.§ 65. Aalajangersakkat maannamut atuuttut malillugit qularnaveeqqusiissuteqarnermi pisussaaffiit atuuffissamik naanissaata tungaanut atuutiinnassapput piumasarisaasut allanngortinnagit.
Imm. 2. Qularnaveeqqusiissuteqarnermi pisussaaffiit 1. januar 1997 sioqqullugu akilerneqartut, aalajangersakkat maannamut atuuttut malillugit ernialersorneqassapput.
Imm. 3. Qularnaveeqqusiissuteqarnermi pisussaaffiit 1. januar 1997-ip kingorna akilerneqartut akiliinerup kingorna ullormit aallartittumik ernialersorneqalissapput. Sukkulluunniit akiitsuusut ukiumoortumik ernialersorneqassapput pisortat sukkulluunniit diskontuat 5%-imik ilasap amerlaqataannik. Ernialiineq ukiut tamaasa 21. decemberimi piffissamiluunniit ilinniagaqartup akiitsunik akiliinerani pisassaaq.
Namminersornerullutik Oqartussat, 17. december 1996.
Konrad Steenholdt/
Karl Kristian Olsen