Ilanngussaq 2.

 

Tapiissutit, immikkut tapiissutit ilinniarnermilu taarsigassarsiat amerlassusiat.

 

Tapiissutit amerlassusiat, tak. nal. § 29.

Ilinniagaqarnersiutit pillugit Inatsisartut peqqussutaanni nr. 3-mi, 2. maj 1996-imeersumi § 7, imm. 2 naapertorlugu qaammatikkaartumik tapiissutit ima aalajangersarneqarput:

-angerlarsimaffiup avataani najugalinnut 4.000 kr. angerlarsimaffiup avataani najugalinnut ilinniarnermut atasumik akeqanngitsumik nerisaqartunut ineqartunullu 1.650 kr.

-GU-mi ilinniartunut aammalu FSA/FSUA-mi ilinniartunut angerlarsimaffimminni najugalinnut 2.000 kr.

- angerlarsimaffimminni najugaqartunut allanut, tassunga ilanngullugit STI-mi ilinniartunut 2.300 kr.

- angerlarsimaffiup avataani najugaqartunut Kalaallit Nunaata Danmarkillu avataani ilinniartuusunut 4.500 kr.

 

Akeqanngitsumik nerisaqarnermut ineqarnermullu akigitinneqartut:

Nerisaqarneq 1.500 kr.
Ineqarneq 850 kr.

 

Kultureqarnermut, Ilinniartitaanermut Ilageeqarnermullu Pisortaqarfiup ilinniagaqartunut Namminersornerullutik Oqartussat aqqutigalugit Kalaallit Nunaata Danmarkillu avataanni ilinniartitaanermut tiguneqarsimasunut qaammatikkaartumik tapiissutit amerlisissinnaavaat amerliliineq makku pissutigalugit pisariaqartinneqarpat

1) najukkani oqartussaasut nunamit allaminngaanneersunut piumasaqaataat,
2) ilinniarfimmit attuumassuteqartumit piumasaqaatit,
3) illoqarfimmi ilinniarfigisami inuuniarnermi aningaasartuutit qaffasinnerujussuat imaluunniit
4) ilinniagaqartup pikkorinnerpaanut ilaalluni timersortartuuneranut atasumik immikkut aningaasartuutit.

Tamatuma saniatigut Kultureqarnermut, Ilinniartitaanermut Ilageeqarnermullu Pisortaqarfiup ilinniartitaanernut immikkut ittumik aaqqissuunneqartunut atatillugu, tamannalu pissutigalugu ilinniagaqarnersiuteqarnissamut immikkut ittumik pisariaqartitsilernermi, tassunga ilanngullugit Kalaallit Nunaata Danmarkillu avataani ilinniartitaanernut atatillugu atugassarititaasut allat malillugit ilinniagaqarnersiuteqartitsisoqarnissaa aalaj angersarsinnaavaa.

 

Meqqanut tapisiat amerlassusii, tak. nal. § 31, imm. 1

Meeqqanut tapiissutit amerlassusiat:

- Meeraq Kalaallit Nunaanniippat qaammammut ataatsimut meeqqamut ataatsimut 758 kr.

- Meeraq Danmarkimiippat qaammammut ataatsimut meeqqamut ataatsimut 723 kr.

- Meeraq Kalaallit Nunaanniinnaniluunniit Danmarkimiinngippat qaammammut ataatsimut meeqqamut ataatsimut 758 kr.

 

Bussinut qimuttuitsunullu kortinut tapiissutit, tak. § 57.

Tapiissutit amerlanerpaaffii tassaapput qaammammut ataatsimut 400 kr.

 

Taarsigassarsiat amerlassusiat, tak. nal. § 58, imm. 1

Ilinniagaqarnersiutit pillugit Inatsisartut peqqussutaanni nr. 3-mi, 2. maj 1996-imeersumi § 3, imm. 2 naapertorlugu 1. januar 1997-imit ilinniarnermi taarsigassarsiat amerlanerpaaffissaat ima aalajangersarneqarput:

- Ukiumoortumik taarsigassarsiarisinnaasat 6.000 kr.- iupput.

- Ataasiaannartumik taarsigassarsiarisinnaasat amerlanerpaamik 10.000 kr.-iupput.