Utoqqalinersiutit utoqqarnillu paaqqinnittarfiit pillugit Inatsisartut peqqussutaata nr. 7-p 28. oktober 1982-imeersup allannguutaa pillugu Utoqqalinersiutit utoqqarnillu paaqqinnittarfiit pillugit Inatsisartut peqqussutaat nr. 1 11. januar 1988-imeersoq.
§ 1.
Suliassaqartitsinermik inunnillu isumaginninnermik Kalaallit Nunaanni inatsit nr. 580 28. oktober 1978-imeersoq, takuuk nalunaarut nr. 417 27. september 1979-imeersoq, tunngavigalugit makku aalajangersarneqarput:
Utoqqalinersiutit utoqqarnillu paaqqinnittarfiit pillugit inatsisartut peqqussutaanni nr. 7-imi 28. oktober 1982-imeersumi makku allannguutaassapput:
a) § 1, imm. 4 imatut oqaasertaqassaaq:
Naalakkersuisut siusinaartumik utoqqalinersiuteqalernissamut patsisissaatitaasut pillugit tunaartarisassanik aalajangersaassapput, tamatumani Isumaginninnermi Pisortaqarfimmut nalunaaruteqartussaaneq ilaatinneqarluni.b) § 2, imm. 1 imatut oqaasertaqassaaq:
Utoqqalinersiutit ukiumoortumik imatut aningaasartaqartillugit tunniunneqartassapput, takuulli § 16 akitigut aaqqiissuteqartarnermut tunngasoq:
Aappariinnut aappaannaata utoqqalinersiuteqarnissamut patsisissaatitaasut naammassisimappagu, kiisalu kisimiittunut:52.320 kr.
Aappariinnut tamarmik utoqqalinersiuteqarnissamut patsisissaatitaasunik naammassinnissimasunut:
78.480 kr.
§ 2, imm. 2 imatut oqaasertaqassaaq:
Inunnut 1986-imi 50.000 kr.-it tikillugit akileraarusigassanik isertitaqarsimasunut, kiisalu 1987 ukiullu tulliuttut eqqarsaatigalugit 86.000 kr.-it tikillugit akileraarusigassanik isertitaqartunut tunngaviatigut aningaasartat ilivitsut tunniunneqassapput.1986-imi 50.000 kr.-it 69.999 kr.-illu akornanni, kiisalu 1987 ukiullu tulliuttut eqqarsaatigalugit 86.000 kr.-it 105.999 kr.-illu akornanni akileraarusigassanik isertitaqartunut tunngaviatigut aningaasartat 3/4-ii tunniunneqassapput.
1986-imi 70.000 kr.-inik taakkuluunniit sinnerlugit, kiisalu 1987 ukiullu tulliuttut eqqarsaatigalugit 106.000 kr.-inik taakkuluunniit sinnerlugit akileraarusigassanik isertitaqartunut tunngaviatigut aningaasartat affaat tunniunneqassapput. Tunngaviatigut aningaasartanik appaasarneq 1. april atuutilertassaaq, ukiorlu ataaseq atuuttassalluni.
Isertitatigut killiliussat § 16 malillugu aaqqiivigineqartassapput.
§ 2, imm. 4 imatut oqaasertaqassaaq:
Isertitatigut annertuumik allannguuteqartoqartillugu isumaginninnermi ataatsimiititaq siunissami isertitaalerumaartussat tunngavigalugit naatsorsuisassaaq. Naalakkersuisut tamakkununnga erseqqinnerusumik malittarisassanik aalajangersaassapput.c) § 4, imm. 2 imatut oqaasertaqassaaq:
Naalakkersuisut malittarisassanik erseqqinnerusunik aalajangersaassapput qaqugukkut inummut tapit tunniunneqarsinnaanissaannut.d) § 10, imm. 2 imatut oqaasertaqassaaq:
Inuit utoqqalinersiuteqarsinnaannermut patsisissaasunik naammassinnissimasut utoqqaat illuannut pigaangata imm. 1-ilu malillugu utoqqalinersiuteqarunnaaraangata siumoortumik tunniunneqartartunik qaammammut kaasarfimmiussinneqartalissapput. Pisartagaq ukiumut annertussuseqarpoq 13.200 kr., takuulli § 16 akitigut aaqqiissuteqartarnermut tunngassuteqartoq.e) Kapitel 8 a nutaaq ilanngunneqassaaq:
Arsaarinnissinnaaneq
§ 12 a) imatut oqaasertaqassaaq:
Utoqqalinersiutinit piumasaqaatit arsaarinnissutitut akiliutigineqarsinnaanrtgillat imaluunniit eqqartuussisutigut malersorniarneqarsinnaanatik. Piumasaqaatinut isumaqatigiissutit taamaattut assigisaalluunniit atortussaassuseqanngillat.f) § 13 imatut oqaasertaqassaaq.
Utoqqalinersiuteqalerniarluni qinnuteqaat kommunimi najugarivitami isumaginninnermi ataatsimiititamut tunniunneqartassaaq, inuilli kommunit agguataarsimanerisa avataanni najugaqartut Isumaginninnermi Pisortaqarfimmut. Utoqqalinersiutit siusinnerpaamik qaammatip qinnuteqarfiusup tulliata aalaqqaataani aatsaat tunniunneqarsirtnaanngussapput.g) § 15 imatut oqaasertaqassaaq:
Isumaginninnermi ataatsimiititap Isumaginninnermilu Pisortaqarfiup aalajangigaat isumaginninnermi siulersuineq aaqqissuussinerlu pillugit inatsisartut peqqussutaanni malittarisassat malillugit naammagittaalliuutigineqarsinnaapput.h) § 16 imatut oqaasertaqassaaq:
§ 2-mi aammalu § 10, imm. 2-mi pisartakkat taaneqartut akissarsiat ineriartornerat peqatigalugu procentinngorlugu aaqqiiffigineqartassapput; aaqqiissuteqarnermi SIK-p Pisortallu Isumaqatigiinniartartoqatigiivisa ilinniagaqarsimanngitsut pillugit isumaqatigiissutaat atuuttut malillugit akissarsiallit akissarsiaasa ineriartornerat malissavaat. Aaqqiissuteqarneq ukiup aaqqiiffiusup tulliani 1. april aallarnerfigalugu sunniuteqalertassaaq.i) § 17, imm. 1 atorunnaarpoq.
§ 17, imm. 2 § 17-ngorpoq imatullu oqaasertaqassalluni:
Utoqqalinersiutillit 65-inik ukioqalernissaminnut utoqqalinersiaqalernissaminnut utaqqisimanertik pillugu peqqussutip matuma atuutilernerani tapisitinneqartartut tapisiatik taakku pigiinnassavaat. Tapisiat taakku utoqqalinersiutit tunngaviatigut aningaasartaannut ilanngullugit tunniunneqartartut ukiumut ima annertutigipput:
Kisimiittunut, aappariinnullu aappaannaa utoqqalinersiuteqarnissamut patsisissaatitaasunik naammassinnissimappat:8.760 kr.
Aapaariinnut tamarmik utoqqalinersiuteqalernissamut patsisissanik naammassinnissimasunut:
13.128 kr.
§ 2.
Inatsisartut peqqussutaat manna atuutilerpoq 1. april 1988.
Namminersornerullutik oqartussat, ulloq 11. januar 1988
Jonathan Motzfeldt/
Aqqaluk Lynge