Kommuneni suliffissaqartitsiniarnernut tapiissutit pillugit Namminersornerullutik Oqartussat nalunaarutaat nr. 20, 20. juni 1986-imeersoq.
Kalaallit Nunaanni suliffissarsiuussisarneq pillugu Inatsisartut peqqussutaanni nr. 4 29. oktober 1985-imeersumi § 8 imm. 3 naapertorlugu makku aalajangersarneqarput:
Kapitali 1.
Siunertaq aalajangersakkallu tamanut atuuttut.§ 1. Suliffissaaleqineq ikiorserneqarsinnaanngitsoq suliffissarsiuussinikkut akiorniarlugu Namminersornerullutik Oqartussat makkununnga tapiissuteqarsinnaapput:
a) Suliffinnik ataavartunik pilersitsineq atatitsinerlu,
b) Suliffissaaleqivallaarnerup nalaani piffissaq sivikitsoq atorlugu suliffinnik pilersitsineq.
Imm. 2. Namminersornerullutik Oqartussat tapiissutaat siunertanut makkununnga tapiissutaapput:
a) Kommuneni suliassanut kommunemit namminermit pilersinneqarnerini ingerlanneqarnerinilu aningaasalersugaasunut.
b) Suliassanut namminersortunit ingerlanneqartunut inuiaqatigiinnut pingaaruteqartunut, suliffeqarfiup suliassaq ingerlatsinikkut aningaasalersorsinnaanngippagu.§ 2. Siunertanut § 1, inm. 2 a-mi taaneqartunut, tunaojaviusarnik akissarsianut tapisiartaqanngitsunut atuuttunut akinut akitsuutit feriepengillu ilanngullugit Namminersornerullutik oqartussat 50%-imik tapiisarput, takuuk SIK-p suliamik ilinniagaqarsimanngitsunut akissarsiat pillugit isumaqatigiissutaa.
Imm. 2. Illuatungeriit pineqartut immikkut ittumik isumaqatigiinniuteqarfigereernerisigut Namminersornerullutik Oqartussat sulinermi akissarsianut sulinermi naammassisat annertussusaat naapertorlugu naatsorsorneqarsimasunut 50%-inik tapiissuteqassapput.
Imm. 3. Sulinermi akissarsiat sinneri koinmunemit pineqartumit akilerneqassapput.§ 3. Siunertanut § 1, imm. 2 b-mi taaneqartunut, tunngaviusumik akissarsianut tapisiartaqanngitsunut atuuttunut akinut akitsuutit feriepengillu ilanngullugit Namminersornerullutik Oqartussat 33 1/3%-imik tapiisarput, takuuk SIK-p suliamik ilinniagaqarsimanngitsunut akissarsiat pillugit isumaqatigiissutaa.
Imm. 2. Illuatungeriit pineqartut immikkut ittumik isumaqatigiinniuteqarfigereernerisigut, Namminersornerullutik Oqartussat sulinermi akissarsiat, sulinermi naammassisat annertussusaat naapertorlugit naatsorsorneqarsimasunut 33 1/3%-imik tapiissuteqassapput.
Imm. 3. Sulinermi akissarsiat 33 1/3%-ii konununep pineqartup akilissavai, suliffiullu namminersortuinik ingerlatap sinneruttut akilissallugit.
Kapitali 2.
Tapiissuteqarnissami piumasaqaatit.§ 4. Suliffissaqartitsiniarnernut tapiissutit pissarsiarinissaannut ukiup affakkaartumik suliap ingerlasimaneranik nal. akunnerinillu atuisimanernik Namminersornerullutik Oqartussanut nalunaaruteqartarnissaq piuinasaqaataavoq.
§ 5. Suliffissaqartitsiniarluni kommunemit suliassatut pilersaarut imminut aningaasalersorsinnaalersissinnaappat, Namminersornerullutik Oqartussat tapiissuteqartarnerat nalunaarummut matumunnga attuumassutilik atorunnaassaaq.
§ 6. Tapiiffigineqarnissainut tapiissutit suliffinnut suliffissaaleqisunut suliffissamik allamik innersuunneqarsinnaanngitsunut suliffiusunut taamaallaat tapiissutaasinnaanerannut uppernarsaateqarnissaq piumasaqaataavoq.
§ 7. Suliffissaqartitsiniarluni tapiissutit nioqqutissiorfinnit pioreersunit nioqqutissiat piumaneqarnerannit suliffiilluunniit pioreersut kiffartuussinnerannut nakkarsaataasumik kinguneqassanngillat.
§ 8. Tapiiffigineqarnissamut pisariaqartinneqarnerup nalilerneqarnissaa siunertaralugu Namminersornerullutik Oqartussat tapiissutinik qinnuteqaatit oqartussanut allanut oqaaseqarfigisassanngorlugit saqqummiussinnaavai.
§ 9. Piffissaq ungasinnerusoq qaninnerusorlu siunnerfigalugit kommunalbestyrelse suliffissanik pilersitsinissamut pilersaarusiornissamut pisussaavoq.
Imm. 2. Kommuneni suliffissaqartitsiniarnermut ataatsimiititaliaqartuni tamanna ataatsimiititaliamit isumagineqassaaq.§ 10. Kommunalbestyrelsep suliffissaqartitsiniarneq pillugu siulersuinerup pitsaasup nakkutigineqarnissaa pilersinneqarnissaalu akisussaaffigai.
Imm. 2. Kommuneni suliffissaqartitsiniarnermut ataatsimiititaliaqartuni tamanna ataatsimiititaliamit isumagineqassaaq.§ 11. Suliffissaqartitsiniarnernut Namminersornerullutik Oqartussat tapiissutaat kommunemit pineqartumit qaammatit naaneri tamaasa akiliiffigeqatigiissutigineqarsinnaapput.
Imm. 2. Namminersornerullutik Oqartussat akiliiffigeqatigiinnermut atugassat immersugassat immikkut ittut nassiuttassavaat.
Kapitali 3.
Tapiissuteqarnissamut suliassat suliarineqarnissaannut periaaseq.§ 12. Tapiissutit pillugit qinnuteqaat konununemi suliffissaqartitsiniarnerup ingerlanneqarnissaanut kissaatigisaqartumi kommunalbestyrelsemit Namminersornerullutik Oqartussanut nassiunneqassaaq. Tamanna aamma atuutissaaq suliffissaqartitsiniarneq suliffeqarfimmit namminersortumit ingerlanneqassappat.
Imm. 2. Qinnuteqaat suliffissaqartitsiniarnerup ingerlanneqarfissaa ukiumik ataatsimik sioqqullugu kingusinnerpaamik 1. maj Namminersornerullutik Oqartussat tigoreersimassavaat.
Imm. 3. Namminersornerullutik Oqartussat pisariaqartitsineq naapertorlugu suliffissaqarfissanut piffissaq sivikitsoq atorlugu pilersinniarneqartunut tapiissutit pilluqit qinnuteqaatit suliarisinnaavaat.§ 13. Kommuneni suliffissaqartitsiniarnermut ataatsimiititaliaqartuni ataatsimiititaliap qinnuteqaat kommunalbestyrelsemut akuerisassanngorlugu suliarissavaa.
Imm. 2. Suliffissaqartitsiniarnermut ataatsimiititaliap tamanna pillugu koćimunemi immikkoortoqarfiit allat suleqatiginissaat isumagissavaa.§ 14. Kommunalbestyrelsep qinnuteqaataa atortussanik makkuninnga imaqassaaq:
1) Suliffissaqartitsiniarnerup suunerata allaaserinera.
2) Nalunaaquttap akunneri imaluunniit suliat tunngavigalugit akissarsiassat qanoq amerlatigisut atorneqarnissaasa naatsorsornerat.
3) Suliffissaqartitsiniarnerup aningaasalersorneqarnissaa pillugu nakkutilliinermut, pilersaarusiornermut atortussanullu aningaasartuutit ilanngullugit paasissutissat.
4) Suliffiup namminersortup ingerlatsinikkut suliffissaaleqisut suliffiisa nammineq aningaasalersorsinnaannginnerinut uppernarsaat.
5) Suliffissaqartitsiniarnermut ataatsimiititaliami suliassap suliarineqarneranit paasissutissat.
6) Oqartussaasunit akuersissuteqarpat taakku pillugit paasissutissat.
7) Suliariniakkamut kommunep qanoq iliorluni siulersorlugu nakkutiginninneranit paasissutissat.
8) Piffissamik pilersaarut.§ 15. Paasissutissat § 14-imi taaneqartut saniatigut atortussat allat suut nassianneqassanersut Namminersornerullutik Oqartussat nalunaarutigisinnaavaat.
§ 16. Akuersissuteqarpat suliffissaqartitsiniarnermut ukiumi ingerlatsiviusussami 1. januar tikitsinnagu Namminersornerullutik Oqartussat qinnuteqartoq tapiissutit pillugit neriorsuummik nalunaarfigisinnaavaat.
Kapitali 4.
Atuutilerfissaq.§ 17. Nalunaarut ingerlaannaq atortuulerpoq.
Imm. 2. Tamatumunnga peqatigitillugu inuutissarsiutitigut naalakkersuisoqarfiup kaajallaasitaa nr. 01, 5. december 1979-imeersoq atorunnaarpoq.
Namminersornerullutik Oqartussat, ulloq 20. juni 1986
Hendrik Nielsen/
Wilhelm Olsen