Piginneqatigiiffiiit pillugit inatsimmi Kunngip peqqussutaatigut nr. 486 af 14. maj 2018-imeersoq aqqutigalugu, Kalaallit Nunaannut atuuttussanngortitaasumi § 8 a, imm. 1 aamma 2, § 8 b, § 12, imm. 1-3, § 13, imm. 1 og 2, § 350, stk. 2, 2. pkt. aamma § 367, imm. 4-mi allassimasut naapertorlugit kingorna Kunngip peqqussuteqarneratigut nr. 2624, 28. december 2021 § 2, imm. 4, § 5 a, imm. 1 aamma 2, § 5 b, § 12, imm. 2, 2. imm. § 13, § 14, imm. 1 aamma 2, aamma § 23, imm. 2, suliffeqarfiit inuussutissarsiornermik ingerlatsiviusut ilaannut inatsimmi, Kunngip peqqussutaa nr. 622 23. juni 2008-immersoq, kingorna, s nr. 2625, 28. december 2021, § 8, imm. 1 aamma 2, § 9, imm. 1 aamma 2, § 11, imm. 3, aamma § 19, imm. 2-4 nr. 485, 14. maj 2018-imeersoq      atorlugu allanngortinneqartumi, kingusinnerusukkullu Kunngip aningaaserinermik ingerlatsinermut atatillugu peqqussutaa 485, 14. maj 2018, § 23, imm. 1 aamma § 336, imm. 2, aqqutigalugu nr. 838 14. august 2012-imeersukkut, § 156, imm. 1-itut Kalaallit Nunaanni atuuttussanngortitaasoq aammalu Kunngip peqqussutaa nr. 625 23. juni 2008-imeersoq Kalaallit Nunaanni ukiumut naatsorsuusiornissamut inatsimmi, aaliangerneqarpoq: 

 

Kapitali 1

Atuutsitsiffissat

 

§ 1. Nalunaarutip kapitalii tunngavigalugit suliffeqarfinnut imaattunut piginneqatigiiffinnut inatsit naapeertorlugu Erhvervsstyrelsip qarasaasiatigut ingerlatsiviini nalunaarsorneqartussaatitaasunut atuutissapput: 

1) Kapitalselskabit:

a) Aktieselskabit.

b) Anpartsselskabit.

c) Partnerselskabit.

2) Suliffeqarfiit Finanstilsynip ataaniittut imal. suliffeqarfiit aatsaat Finanstilsynimit akuerineqarnikkut aktieselskabiunatik (piginneqatigiiffiunatik) ingerlanneqarsinnaatitaasuni, piginneqatigiiffittulli ingerla-sunut malittarisassiissutaasutulli nalunaarsorneqassapput:

1. Tværgående pensionskassit.
2. Sillimmasiisarfiit, taamaallat ilanngunnagit ingerlatsiviit aningaaserinermik suliffeqarfinnut inatsisip §§ 301 aamma 302-mi Kalaallit Nunaannut Kunngip peqqussuteqarneratigut atuuttup ataani inissisimasut.
3. Sparekarsit.

3) Suliffeqarfiit inuussutissarsiornermik ingerlatsiviusut ilaannut inatsimmut attuumassuteqartut, Kunngip peqqussuteqarneratigut Kalaallit Nunaannut atuuttussanngortitaasup ataani inissisimasut.

4) Aningaasaateqarfiit niuernermik ingerlatsisuusut.

 

Kapitali 2

Aaliangersakkat tamanut atuuttut

 

Erhvervsstyrelsip immineq sullississutaanik atuineq

 

§ 2. Pilersitsinerit imal. ingerlatsivinnut inatsitimmi malittarisassat naapertorlugit paasissutis-siissutaareersut iluini allannguinerit Erhvervsstyrelsip imminnut sullissivia www.virk.dk atorlugu nalunaarutigineqassapput.

Imm. 2. Kapitalselskabit assigisaallu, ingerlatsivittut aningaasatut tunuliaqutigisaminnik nalunaarsuisussaatitaasunut atatillugu, Erhvervsstyrelsi immineq sullinnissamut periarfissiissusiaq atorlugu anigaasaliissutinut akilerneqarsimasunut atatillugu uppernarsaatissanik piniarsinnaavoq.

Imm. 3. Nalunaarutiginninneq digitaliusumik erngertumik Erhvervsstyrelsimit aaliangiiffigineqar-sinnaavoq, aammali tamanna allaffissornikkut isumagisassanngortinneqarsinnaalluni. Qanoq ingerlanneqassasoq Erhvervsstyrelsimit aaliangerneqassaaq. Nalunaarutiginnittorlu suliaq naammassineqarpat nalunaarutiginnissummik ingerlatitsivigineqassaaq.

 

§ 3. Nalunaarutiginninneq digitaliusumik ingerlanneqarsinnaanngippat, taava tamanna pissaaq immersugassiaq www.virk.dk-miittoq atorlugu.

Imm. 2. Immersugassiarlu immersorneqareerpat digitaliusumik Erhvervsstyrelsimut ingerlatinneqassaaq.

Imm. 3. Immersugaq pisunik assigiinngitsunik nalunaarutiginninnernik imaqarpat, taava taakku ataasiakkaarlugit ataatsimoortillugilluunniit nassiunneqarsinnaapput.

 

§ 4. Nalunaarutiginninnernik nassuiaatinik il.il. avammut saqqummiussinerit Erhvervsstyrelsip IT-kkut ingerlatsivissiaani periarfissaasut killigalugit, tassa immineq sullississutaanut atatillugu. Periarfissaasut  www.erst.dk atorlugu avammut saqqummiunneqassapput.

Imm. 2. Ingerlatsivik pillugu qallunaat oqaasii atornagit allalli oqaasii atorlugit paasissutissiissutit avammut nalunaarutiginiakkat, tak. Ingerlatsivinnut inatsimmi § 13 imm. 2, Kunngip peqqussutaatigut Kalaallit Nunaannut atuuttussanngortitaasumi, www.virk.dk-kkut ingerlatinneqassapput.

 

§ 5. Nalunaarutiginninnermi imal. avammut saqqummiussinermi, tak.  §§ 2-4, malinneqassapput piuma-saqaataasut, www.virk.dk-mi takuneqarsinnaasut.

Imm. 2. Immineq sullississummut iserniarnermi atorneqassaaq nalunaarutiginnittup digitaliusumik ilisarnaataa atorlugu imal. atorneqassalluni NemID, allatut Erhvervsstyrelsi aaliangiisimanngippat.

Imm. 3. Erhvervsstyrelsimit tunngavissaqartumik pasitsaanneqarpat, immineq sullississut atornerlunneqarsimasoq imal. atornerlunniarneqartoq, taava tassannga erngerluinnartumik atuisup isissutaa matusinnaavaa taamallu erngertumik immineq sullississut atorlugu nalunaarsuisinnaanermik mattussilluni.

 

§ 6. Suliffeqarfik nalunaarutiginnittuuppat, tak. § 1, imal.  nalunaarutiginnittoq inuuppat, suliffeqar-fimmit nalunaarutiginninnissamut akuerisaasimasoq, taava suliffeqarfik inulluunniit taamatut iliornissamut akuerineqarsimasoq isersinnaavoq taamallu nalunaarsugassaasunik nalunaarutiginnissin-naalluni, ilisimatitsissuteqassalluni imal. suliffeqarfimmi uppernarsaatitut pappialanik allatullu nalunaarutissanik il.il saqqummiussissalluni, tak. §§ 2-4, suliffeqarfik inulluunniit:

1)  Pineqartoq Erhvervsstyrelsimit atuisutut akuerineqarsimappat,

2) Taanna Erhvervsstyrelsilu isumaqatigiissuteqarsimappata, taannami immineq sullississutissap atornissaanik aqutsisuummat, imal.

3) Digitaliusumik ilisarnaateqarpat Nem ID-milluunniit Erhvervsstyrelsimit akunerineqarluni atuippat.

Imm. 2. Nalunaarutiginnittoq suliffeqarfiuppat, nalunaarutiginninnermi suliffeqarfiup CVR normua ilanngunneqarluni nalunaarutigineqassaaq.

Imm. 3. Inuussutissarsiortuunermut atatillugu suliffeqarfimmik pilersitsosoqarsimaneq peqqutigalugu nalunaarutiginnittoqarpat, nalunaarutiginnittup uppernarsassavaa eqqartuussisuserisuunini imal. kukkunersiusutut akuerisaasutut inissisimasuunini. 

 

Digitaliusumik attaveqartariaqarunnaarsinneqarsinnaaneq

 

§ 7. Suliffeqarfik, tak. § 1, imal. inuk, suliffeqarfinnut taaneqartutut atuuttutulli § 1 naapertorlugu nalunaarsugaatigineqartussaasoq, digitaliusumik attaveqarnissamut pisussaaffimmit avaqqutsisinnaatitaavoq, tak. §§ 2-6, suliffeqarfik, inulluunniit suliffeqarfimmit piginaatitsissummik tunineqarnikuusoq imal. inuk immineq uppernarsaasuuppat, pineqartoq tassaappat qallunaat inunnut normuanik pigisaqanngitsoq imal. pineqartoq tassaappat nunami allami suliffeqarfik, Qallunaat nunaanni suliffeqarfittut ilisarnaammik atorneqartussamik pisinnaanngitsoq. 

Imm. 2. Erhvervsstyrelsillu suliffeqarfik imal. inuk digitaliusumik attaveqarsinnaanermit peersinnaavaa, pingaaruteqartunik taamatut ingerlatsisinnaaneq ajornarpat imal. taamatut iliornissaq pisariusorujussuussalluni. Tamanna pillugu qinnuteqarnissaq Erhvervsstyrelsimut saaffiginnissutigineqassaaq. 

Imm. 3. Imm. 1 aamma 2 malillugit pinngitsoortitsineq ukiuni marlunni atuuttussanngortitaasarpoq. Tamatuma kingorna sivitsuiniarluni saaffiginnissuteqartoqarsinnaavoq. Taamatut iliorneq Erhvervsstyrelsimut ingerlatinneqassaaq kingusinnerpaamik ukiut marluk qaangiuppata qaammatip ataatsip iluani.

Imm. 4. Digitaliusumik attaveqarnissamik atuisussaajunnaartitsineq tunniunneqarpat attaveqarneq allakkatigut nalinginnaasumik ingerlanneqarsinnaalissaaq.

Imm. 5. Suliffeqarfik imal. inuk digitaliusumik attaveqarnissamut pisussaajunaartitaasup ingerlatsivinnut inatsimmi malittarisassat naapertorlugit pilersitsinernik nalunaarutiginninnermi imal. paasissu-tissiissutinik allannguinerni aammalu nalunaarutaasimasunik assigisaanillu nalunaarutiginninnermi Erhvervsstyrelsip ingerlatsivinnut immersugassiai atussavai. Immersugassat taava suliffeqarfimmut taamaattut atorlugit nalunaarutiginninnissamut akuerisaasumut inummulluunniit taakku taamak pisoqarnissamik saaffiginnissuteqarnerisigut nassitsivigineqassapput. Taava nalunaarutiginninnerit allakkatut pissapput pisussamut atatillugu ingerlatsivinnut inatsisit naapertorlugu piffissaliussaasut iluini.

Imm. 6. Erhvervsstyrelsip allattugaatigissavai digitaliusumik ingerlatsitsisariqannginnermik akuerisaasimasut, imm. 1 aamma 2 malillugit akuerineqarsimasut. 

 

Nalunaarutuginnittut akisussaaffii

 

§ 8. Suliffeqarfiup nalunaarutiginnittoq piginnaatippaa Erhvervsstyelsip tungaanut suliffeqarfik sinnerlugu fuldmægtigiunissaanut aammalu nalunaarutiginiakkanik ingerlatsivinnut inatsisit naapertorlugu nalunaarutiginnissummik nalunaarsugaasussamik atsiuisuunissamut.

 

§ 9. Nalunaarutiginnittup akisussaaffigissavaa nalunaarutiginninneq inatsisit malillugit uppernar-saaserluagaasumik pissammat aammalu uppernarsaasiussaasut akuerisaasumik tunngaveqassammata.

Imm. 2. Imm.1 aamma atuupput pineqarpata nalunaarutinik avammut saqqummiussinerit oqaatigine-qartut il.il ilanngulugit, tak. § 4.

 

Oqaatsinut atorneqartunut piumasarisat

 

§ 10. Paasissutiissutit Erhvervsstyrelsip qarasaasiaatigut nalunaarsorneqartut, qallunaatuujussapput.

Imm. 2. Ingerlatsivinnut inatsisit naapertorlugu uppernarsaasiussat nalunaarutiginnissummut Det Centrale Virksomhedsregister-ikkut avammut saqqummiunneqartussat, qallunaatut allassimassapput, takukkilli imm. 3-5.

Imm. 3. Ingerlatsiviit suliffeqarfiillu killilimmik akisussaasuusut pineqartillugit, nalunaarutiginninnermi uppernarsaatitut ilanngunneqartut imal. Det Centrale Virksomhedsregister-ikkut avammut saqqummiunneqartut tuluttut allanneqartuusinnaapput. Kisiannili malittarisassat pilersitsinermullu atatillugu pappialartaasut qallunaatut allassimasuussallutik.

Imm. 4. Nunani allani ingerlatsiviit kapitalselskabiusut immikkoortortaqarfii suliffeqarfiutaalu killiligaasumik akisussaaffillit pineqartillugit, taava nalunaarutiginninnermut ilanngussat uppernarsaasiussat qallunaatuujullutilluunniit tuluttuujusinnaapput. Ingerlatsiviup immikkoortortarisallu siunertaat aningaasanullu atatillugu atsiorsinnaasunut tunngasut nalunaarutiginninnermut uppernar-saatitut ilanngunneqartut qallunaatuujusinnallutillu tuluttuujusinnaapput. Taaneqartulli nalunaarsui-nermi atorneqartussat qallunaatuujussallutik. 

Imm. 5. Erhvervsstyrelsilu piumasaqarsinnaavoq nalunaarutiginninnermut atatillugu ilanngunneqartut tamarmiusut qallunaatuujunissaannik, tak. imm. 2-4.

Nalunaarsuinermut uppernarsaat nalunaarsuinermullu atatillugu akiliut

 

§ 11. Nalunaarutiginninneq pereerpat, nalunaarsuineq uppernarsaaserneqassaaq nalunaarutigineqartullu tiguneqartut uppernarsaaserneqassallutik taakkulu (nalunaarsuinermut uppernarsaatit) nalunaarutigin-nittumut allaganngorlugit nassiunneqarlutik.

Imm. 2. Suliffeqarfiit qanoq ittut nalunaarsuinermut atatillugu akiliuteqartussat suuneri, akiliute-qartitsinertalerlugit nalunaarsukkat tamakkiisut aammalu akiliutissat annertussusii www.erhvervsstyrelsen.dk.-kkut takuneqarsinnaapput.

Imm. 3. Nalunaarsuinernut akiliuserneqartunut atatillugu akiliummik akileeqqusissut nalunaaruteqar-tumut nassiunneqassaaq akiliutinut annertussusiussat malillugit, tak. imm. 2.

Imm. 4. Akiligassiissut Erhvervsstyrelsip qanoq akilernissaanut najoqqutassiaa malillugu akilerneqassaaq.

Imm. 5. Akiliinissamut piffissaliussaq qaangerneqarpat, taava tuavisaaruteqarnermi Erhvervsstyrelsip aningaasartuutai matussuserlugit akiligassaq ilassuserneqassaaq. Taannalu aamma akilerneqanngippat, taava akiliisitsiniutigisassanngorlugu suliaq inkassomut tunniunneqassaaq. Tuavisaarinermut akitsuutit qaqugukkulluunniit atuuttut www.erhvervsstyrelsen.dk.-kkut takuneqarsinnaapput.

Imm. 6. Erhvervsstyrelsi qaammatikkuutaartumik akitsuummik imm. 3 aamma 5-imi allassimasut malillugit akileeqqusisinnaavoq.

Imm. 7. Nalunaarutiginnissut nalunaarsorneqartunngortinneqanngippat, taava akiliisoqassanngilaq akiliisoqarsimappallu akiliut utertinneqassalluni.

 

Erhvervsstyrelsimit allakkanik il.il nassiussinerit

 

§ 12. Ingerlatsivinnut inatsisit imal. allallugu digitaliusumilluunniit imal. NemID isissutigalugu atsiornernik saqqummiussisinnaavoq Erhvervsstyrelsilu uppernarsaatinik takusssutissiisinnaavoq paatsuugassaanngitsumik ilisaritillugu inuk, aaliangiinermik uppernarsaammilluunniit saqqummiussa-qarsimasoq. 

Imm. 2. Ataani digitaliusumik allakkat taamaallaat Erhvervsstyrelsi nassiussisoralugu ingerlatinneqarlutik nassiunneqarsinnaapput:

1) Nalunaarutip tigusimaneranut uppernarsaat.

2) Nalunaarsuisimanermut atsiuilluni uppernarsaasiissutit.

3) Digitaliusumik Det Centrale Virksomhedsregisterimit atsiornerit.

4) Ingerlaqqissinnaajunnaarnermut uppernarsaasiussat.

5) Erhversstyrelsip nalunaarsugaanit interessentskabinik kommanditaselskabinillu piiaanerit pillugit allakkiat.

Imm. 3. Uppernarsaasiat digitaliungitsut, tigunerinut atsiornikkut uppernarsaasikkat, tuavisaarutaasut aallatulluunniit suleriaqqiilluni iliuuseqarfigineqartut, pingaaruteqartuunngitsut, taamaattunilli nassiunneqarsinnaapput taamaallaat Erhvervsstyrelsi nassiussisoralugu.

Imm. 4. Erhvervsstyrelsi allakkanik assigisaanillu suliffeqarfinnut inunnullu nassiussaqarsinnaavoq pillugit pisut ingerlatsivinnut inatsimmut attuumassuteqartumik tunngaveqartunut, imatut iliorluni:

1) Digitaliusumik allakkanik suliffeqarfiit inuinnaallu digital postkassii aqqutigalugu Offentlig Digital Post, suliffeqarfiup CVR normuanut atasunut, inuinnaappallu taassuma inuttut normuanut atasumut nassiussisinnaavoq, aatsaalli suliffeqarfik inuinnarlu pineqartoq Offentlig Digital Post-imiittuuppat.

2) Emailitut emailadressimut suliffeqarfimmit inuinnarmiilluunniit atsiukkatut nalunaarutigine-qarsimasumut.

3) Allakkatigut pappiaraasutut suliffeqarfiup pineqartulluunniit najugarisaabut.

 

Tamanut ammasumik iliorneq

 

§ 13. Det Centrale Virksomhedsregister-ikkut avammut saqqummiunneqartarput suliffeqarfiit pillugit nalunaarsorneqartussatut paasissutissiissutit aammalu suliffeqarfimmut tunngasut tigusimanerannik uppernarsaasiissutit, taakku ingerlatsivinnut inatsisit iluani malittarisassiaasut naapertorlugit, pineqartut ammasumik saqqummiunneqarsinnaasuutillugit, takuulli imm. 2.

Imm.. 2. Det Centrale Virksomhedsregister-illi inuup normui, allatut ilisarnaataasinnaasut aammalu suminngaanneersuunermut paasissutissat avammut tusarliunneq ajorpai.

Imm. 3. Ingerlatsivinnut inatsisit naapertorlugu Nalunaarsuinerit il.il. Det Centrale Virksomhedsregister aqqutigalugu avammut saqqummiunneqartut pingajuusunit ilisimaneqalersutut inissinneqartarput.

 

§ 14. Suliffeqarfiit pappialaatigisaat, Erhvervsstyrelsimit tiguneqartut tamanit takuneqarsinnaapput. Taamatulli inissisimanngillat pappialat pisortanit ammasumik ingerlatsisinnaanermut inatsisit, Kunngip peqqussutaatigut imal. aqutsinermut inatsisit malillugu Kalaallit Nunaannut atuutsinneqalersut naapertorlugu. Taamatullu inissisimapput makku:

1) Atsiukkat inummut tunngassuteqartut.

2) Naatsorsuutit, inatsisit tunngavigalugit avammut takutinneqartussaanngitsut.

3) Aningaasaateqarfiit inuussutissarsiornermik ingerlatsiviusut niuernerpalaartumik ingerlatsinerminnilu tunngavigisaat il.il. pillugit paasissutissat, Erhvervsstyrelsimit aningaasaateqarfinnut taaneqartutut ittunut atatillugu inatsimmi Kunngip peqqussuteqarneratigut Kalalalit Nunaannut atuutsinneqartumi § 17 imal. § 24 naapertorlugit pigineqartut, pineqartut aningaasaateqarfimmut pingaaruteqartuuppata, taamallu avataanit paasiniaaffigineqarsinnaanngitsutut inissisimappata, tak. inatsimmi pineqartumi § 20, aamma tak. avataanit takuneqarsinnaasunut inatsimmi, Kunngip peqqussutaatigut Kalaallit Nunaannut atuuttunngortitaasumi § 12.

Imm. 2. Aningaasaateqarfinnut inuussutissarsiornermik ingerlataqartuusunut atuuppoq aaliangersagaq 1 imm. 1-imiittoq taamaallaallu tamanna avaqqunneqarsinnaavoq Erhvervsstyrelsi imaattunik aaliangiippat:

 

1) Paasissutissat aqutsisoqarfimmit (styrelsimit) kukkunersiuisumut aningaasaateqarfik pillugu aningaasaateqarfinnut inuussutissarsiornermik ingerlatsisunut taamaattunut inatsimmi § 75 tunngavigalugu, suliareqqusai, Kunngip peqqussuteqarneratigut Kalaallit Nunaannut atuutsinneqalersoq naapertorlugu.

2) Nassuiaat, misissuitinneqartut aningaasaateqarfinnut inuussutissarsiornermik ingerlatsisuusunut inatsisip Kunngip peqqussutaatigut Kaalallit Nunaannut atuutilersup § 25, imm. 4-mi allassimasut tunngavigalugit, tak. aqutsinermut inatsimmi § 14, imm. 1, nr. 4-mi allassimasut, Kunngip peqqussuteqarneratigut Kalaallit Nunaannut atuutsinneqalersoq.

 

Suliffeqarfiit pappialaataannik il.il. inniminniilluni piniarnerni akiliutissaq

 

§ 15. Suliffeqarfiit pillugit paasissutissat fotokopiitut allatullu assilillugit imal. Assiliivik atorlugu assiliilluni millisitatut piniarneqartunut, tak. § 14, imm. 1, naapertorlugu avataanit takuneqarsinnaa-titaasut, piniarneqarsinnaapput.

Imm. 2. Paasissutissanik taaneqartutut ittunik piniarnerit akeqartinneqartarput, tak. Imm. 1. Akit qaqugukkulluunniit atuuttut takuneqarsinaapput aqqutigalugu www.erhvervsstyrelsen.dk. Pissarsinerit tiguneqarnerini akiligassaq nassiunneqartarpoq, takuulli imm. 3, 2. imm. § 11, imm. 4 aamma 5, aamma taamatut atorneqartartoq.

Imm. 3. Kinaluunniit Erhvervsstyrelsimik tassannga piumasarineqartut malillugit isumaqatigiissuteqar-nermi kingorna Det Centrale Virksomhedsregister aqqutigalugu paasissutissanik pappialanillu takunnissinnaatitaalersarpoq, tak. imm. 2. Erhvervsstyrelsip aaliangersinnaavaa Det Centrale Virksom-hedsregister aqqutigalugu atuisutut isersinnaaneq piumasaqaatigaluguli elektroniskiusumik akiliuteqar-nissaq.

 

Kapitali 3

Kapitalselskabinik suliffeqarfinnillu Finanstilsynimit nakkutigineqartunik nalunaarsuineq imal. suliffeqarfinnik taamaallaat ingerlanneqarsinnaasunik Finanstilsynip akuerinnereerneratigut.

 

§ 16. Kapitalselskabinut (ajutoornermi taamaallat aningaasaliissutit annaaneqarsinnaasunngorlugit ilusiligaasumut) atatillugu nalunaarutiginninnerni makku minnerpaamik paasissutissiisutitut ilaatinne-qassapput:

1) Aqqa taamaattoqarpallu saniatigut taaguutigineqartartut. 

2) Sumik ingerlataqartuunera taamaattoqarpallu tamatuma saniatigut suut ingerlanneqartut.

3) Najugarisaa kommunilu angerlarsimaffigisaa. 

4) ulloq pilersinneqarfia aammalu malittarisassiuunnerani ulloq, siunertaasut atsiorsinnaatitaasuusullu pillugit malittarisassat.

5) Ukiup qanoq innerani naatsorsuusiorneq pissasoq naatsorsuusiornissamullu piffissaliussaq siulleq. 

6) Ingerlatsiviup aningaasatigut tunuliaqutai qanorlu taakku akilerneqarsimaneri, aningaasaliis-sutigineqarsimasut annertussusiat, ingerlatsisup aningaasatut tunuliaqutaasa ilaannai akilerneqarsimatil-lugit, ingerlatsivinnut inatsimmi Kunngip peqqussutaa tunngavigalugu Kalaallit Nunaannut atuutilersumi, tak.   § 40, imm. 2, taamaattoqarpallu ilanngullugu naliliinermi qaffasinnerpaaffia. 

7) Pilersitsisut, piginnittuusut, aqutsisuni ilaasortaasut taamaattoqarpallu sinniisussaasut, tak. § 17.

8) Kukkunersiuisorisat, kukkunersiuiffigineqarnissamik ingerlanneqartoq ukiumut naatsorsuu-siornissamut inatsit naapertorlugu, pisussaaffigiligaappat. Taanna Kunngip peqqussutaa aqqutigalugu Kalaallit Nunaannut atuuttunngortitaavoq.

9) Partnerselskabit (suleqatigiittut piginneqatigiiffiliat) pineqartillugit allanneqassapput tamakkiisumik akisussaatitaasussatut peqataasut ataasiakkaallu angigaasaliissutigisimasaasa annertussusii, tak § 17. aningaasaliissutaasimasut.

Imm. 2. Finanstilsynimit nakkutigineqartumik suliffeqarfiit pilersinnerinut atatillugu, imaluunniit suliffeqarfik aatsaat pilersinneqarsinnaappat, Finanstilsynimit akuerineqartumik, aammattaaq imm. 1 pisariaqartumik nalimmasaatissat inissereerlugit, atuutissaaq.

 

§ 17. Inuit kinaassusiligaasut inatsisitigullu ikkunneqarlutik kapitalselskabimut attuumassuteqartuusut, pilersitsisutut, piginnittutut, aqutsinermi ilaasutut il.il nalunaaruutigissavaat tamakkiisumik atitik, ingerlatsivimmi qanoq inissisimanitik, inuttut normutik, sumiuunitik nuna inuinngorfitsik, najugaqarfigisartik nunalu najugaqarfitsik, atitik, CVR-normutik aammalu inatsisit tunngavigalugit angerlarsimaffigisatik. 

Imm. 2. Inuk kinaassusilerneqartoq inuttut normumik peqanngippat imal. inatsisileritooq inuttut normumik peqanngippat, taava ataani allanneqartut ilanngunneqarlutik paasissutiissutigineqassapput:

1) Nalunaarsuinermi inuit inuttut normumik peqanngitsut inuuii, sumi inuusimaneri, suiassusaat, pas-iisa normui sumilu pissarsiarisimaneri allallugit. Asserlu ilisarnartoq atuuttoq aamma nalunaarutiginninnermi ilanngunneqassaaq.

2) Inatsisilerituut inuttut normoqanngitsut ingerlatsivittut nalunaarsorneqassapput, nalunaarsuinermilu normuliussaq allanneqarluni, kiisalu paasissutissiissutigineqassaaq taamaattoqarpat pineqartup akile-raaruseriffimmit ilisarnaaserneqarnermi normua. Pisortatigoortumik kinaassutsimut uppernarsaatigisat ilumut pineqartup nunami pineqartumiinneranik uppernarsaasiissutaasoq, qaammatinik pingasunik nutaannginnerussanngilaq, taakkulu nalunaarutiginninnermi ilanngunneqassapput.

 

§ 18. Nalunaarutiginninnermilu uppernarsaatissatut makku ilanngunneqassapput:

1) Pilersitsinermut uppernarsaat, ilanngullugit ingerlatsiviup malittarisassai ullulikkat aammalu peqarpat uppernarsaataasinnaasut allat, pilersitsinermut atatillugu pappialaliunneqarsimasut.

2) Ingerlatsiviup pilersinneqarnerani aningaasaliissutaasimasunut uppernarsaatit, tak. imm. 2 aamma 3.

Imm. 2. Ataanilu allanneqartut aningaasanik tigussaasunik ingerlatsivimmik aallartitsiniarnermi akiliutaasimasunut uppernarsaasiissutitut atorneqarsinnaapput:

1) Aningaaaserivimmit pappialaliussat, aningaasat piginneqatigiiffittut ingerlatsivimmit pilersitsinneqartup kontoanut ikineqarsimasut pappialalerneri. Tassani netbankikkut kontomiittut pillugit anillatsissinnaasat naammattumik uppernarsaatitut atorsinnaanngillat. 

2) Eqqartuussisuserisup sullissamut atatillugu kontoanit anillatsitat, tassani takuneqarsinnaallutik aningaasaliissutaasut eqqartuussissuserisup naatsorsuusiaani ingerlatsivimmik pilersitsinermut atatillugu allanneqarsimasut.

3) Eqqartuussissuserisumit aningaasaliissutit kontoanut imal. piginneqatigiiffittup ingerlatsiviliornermut atatillugu sullinneqartup kontoanut ikineqarsimanerannut uppernarsaasiissut imal. konto iingerlatsiviliamut atasoq. 

4) Kukkunersiusumit akuerisaasumit uppernarsaasiussat takutitsisut piginneqatigiiffiup pilersinneqarnerani taassuma kontoanut ikineqarsimasunik imal. piginneqatigiiffiliaasup tigussaasumik aningaasatut tigummisai.

Imm. 3. Piginneqatigiiffiliaasup aningaasaliiffigineqarnerani tunuliaqutaasussanik ikisinerit aningaasanik tigussaasunik tunngaveqanngitsut ammaanermi nalingi naatsorsorneqassapput, tak. § 36 Piginneqatigiiffinnut inatsimmi Kunngip peqqussutaa atorlugu Kalaallit Nunaannut atuutsinneqalersumi tak. § 38, stk. 3, taannalu nalunaarutiginninnermi ilanngunneqassaaq.

Imm. 4. Imm. 1-3 aamma naleqqussaatit pisariaqartut isumagineqareernerisigut suliffeqarfimmik pilersitsinermut taakku uppernarsaatitut atorneqassapput, taanna Finanstilsynimit nakkutigineqartussatut inissisimasuuppat imal. aatsaat tassannga akuersissuteqarnikkut ingerlasinnaasuulersussaappat.

 

Kapitalselskabimut nunamit allameersumut immikkoortortaqarfimmik pilersitsineq

 

§ 19. Nunami allami kapitalselskabimut immikkoortortaqarfiliornermi ataani allanneqartut makku minnerpaamik nalunaarutigineqassapput:

1) Nunami allami ingerlatsiviusup aqqa, qanoq inatsisit naapertorlugit ilusiligaanera, najugaqarfia, pilersinneqarnerani malittarisassiuunneqarneranilu ulloq, siunertaasut, atsiuisinnaasut kikkuuneri, immaqalu aningaasaliissutaasut qanoq annertussuseqarneri, ukiup naatsorsuusiorfiliussap ullut tunngavissai, ingerlatsisutut nalunaarsorneqarneranut tunngasut nalunaarsuinermilu tassunga normuliussaasut.

2) Piginneqatigiiffiliaasoq sinnerlugu atsiorsinnaatitaasut aqqi.

3) Piginneqatigiiffiup sunik ingerlataqarnera saniatigullu ingerlaqartumit suut allat ingerlanneqarnersut.

4) Piginneqatigiiffiup aqqa, siunertai aammalu atsiuisinnanermut malittarisassai.

5) Piginneqatigiiffimmi aqutsisuusut tak. § 17.

Imm. 2. Nalunaarutiginninnermilu uppernarsaasiissutitut ilannguneqassapput makku: 

1) Pisortatigoortumik uppernarsaasiussaasoq qammatinit pingasunit nutaannginnerunngitsoq takutitsisoq piginneqatigiiffik inatsisit naapertorlugit ilumut angerlarsimaffimmini piusoq.

2) Nunami allami piginneqatigiiffiusup pilersinneqarneranut uppernarsaatit malittarisassiaasullu.

3) Piginneqatigiiffimmi pineqartumi aqutsisunut piginnaatitsissutit.

4) Kapitalselskasbinut EU-p EØS-illu avataani angerlarsimaffeqartunut atatillugu takussutissiarineqassapput pisortatigoortumik uppernarsaasiaasut takutitsisut pineqartup sumi angerlarsimaffeqarneranik taamallu uppernarsaaserugu kalaallit piginneqatigiiffiat pineqartup tunngaviinut assingusumik siunertaqartummat nunami pineqartumi immikkoortortaqarfiliornikkut suliffeqarfimmik ingerlatsisinnaasutut.

 

Nalunaarsugaasumik tunngavinnik allannguinerit

 

§ 20. Malittarisassanik allatigulluunniit nalunaarsugaasunik allannguinermi taamatut iliornerit inatsisinut naapertuuttumik pisimaneri uppernarsaaserneqassapput (protokoludskrift-ikkut/aalingiinerit imaqarniliaralugit allattuiffimmi). Allannguinerni tamani malittarisassat ulluligaasut oqaasertalerneri tamakkiisut allallugit nalunaarutiginninnermi ilanngunneqartassapput. Piginneqatigiiffiliornermi aningaasaliissutaasut annertussusaat uppernarsaaserlugit ilanngunneqassapput, tak. imm. 2 aamma 3.

Imm. 2. Piginneqatigigiiffiup aningaasanik tunuliaqutaanik aningaasat tigussaasut atorlugit qaffaanermi aamma tunngavigineqassaaq § 18, imm. 2.

Imm. 3. Nalillit allat atorlugit aningaasanik tunuliaqutaasunik qaffaanerni tunngavigineqassaaq § 18, imm. 3.

Imm. 4. Aningaasat piginneqatigiiffiup tunngavigisai appartinneqarpata, piginneqataasunut nalilinnik akiliuteqarnikkut tamatuminnga nalunaarutiginninneq aqutsisut uppernarsaasiinerannut ilanngunneqassaaq.

Imm. 5. Aningaasatut piginneqatigiiffiup tunuliaqutigisaanik immikkut ittumik sillimmatissaqarnissaq isumanaarumallugu appartinneqarpata, taava malittarisassani allassimassapput appaanerup kingorna piginneqatigiiffiup tunuliaqutitut pigisaasa annertussusaat.  Appaaniarnerli timitalerneqanngitsoorpat, tamanna aamma nalunaarsorneqassaaq, tak. piginneqatigiiffinnut inatsimmi § 193, stk. 2, Kunngip peqqussutaatigut Kalaallit Nunaannut atuuttussanngortitaasoq, malittarisassallu nalunaarsuinermut atatillugu ilanngunneqartumi, tak. imm. 1, piginneqatigiiffiup aningaasatitut tunuliaqutaasa annertussusiat allanneqassaaq.

Imm. 6. Kapitalselskabi, tamakkiisuunngitsumik aningaasaliiffigineqarsimasutut nalunaarsugaasoq, aningaasaliissutissanik tamakkiisumik tunuliaqutserneqarpat, tamanna Erhvervsstyrelsimut nalunaarutigineqassaaq.

Imm. 7. Piginnittut allanngorpata aammalu/imaluunniit aqutsisut kukkunersiusisullu imal. Partnerselskabini akisussaasutut peqataasut allanngorpata, taava tamanna ingerlanneqassaaq  § 17 tunngavigalugu.

Imm. 8. Inuit qallunaat inunnut normuinik peqartut Kalaallit Nunaanni Danmarkimiluunniit najugaqartutut allassimasut allamut nuuppata, taamaatut pinerit Erhvervsstyrelsimut nalunaarutigineqassanngillat.

Imm. 9. Suliffeqarfiit Finanstilsynimit nakkutigisisaasut imal. aatsaat atuutsilersussat tassannga akuerineqarnerup kingorna malittarisassaminnik allatulluunniit nalunaarsugaasunik allannguippata, taava tunngavigineqassapput imm. 1-4 aamma 6-7-imi allassimasut naleqqussaasigaasut.

 

Atorunnaasitsinerit il.il

 

§ 21. Piginneqatigiiffik aaliangerpat unilluni atorunaarsitsilluni matuniarluni, piginneqatigiiffinnut inatsisit Kunngip peqqussusiineratigut Kalaallit Nunaannut atuuttussanngortitaasumi § 220 tunngavigalugu, aaliangiinnerup inatsisit naapertorlugit ingerlanneqarsimaneranut uppernarsaasiissut nalunaarutiginninnermi ilanngunneqassaaq (protokoludskriftikkoortumik).

 

§ 22. Atorunnaarsitsinermik atuutsitsilerneq ingerlanneqartillugu makku uppernarsaasiussatut ilanngunneqassapput:

1) Aaliangiinerup inatsisit malillugit pisimaneranut uppernarsaasiineq (protokoludskrift-ikkut).

2) Matusinermi aningaasaatit naatsorsuusiarinerat taamaattoqarpallu ukiumut naatsorsuutit naammassisat.

 

§ 23. Immikkoortortaqarfimmik atorunnaarsitsiniarnermi ilanngunneqassapput taamatut iliorniarnerup inatsisit malillugit pisimaneranut uppernarsaatit (protokoludskrift-ikkut).

 

 

Aallartitseqqiinerit il.il..

 

§ 24. Kapitalselskabimik pinngitsaaliissutaasumik atorunnaarsitaasimasumik, takuuk ingerlatsivinnut/piginneqatigiiffinnut inatsimmi kunngip peqqussuteqarneraitugt Kalaallit Nunaannut atuuttumi § 232, aallartitseqqinniarnermik nalunaarutiginninnermi, makku minnerpaamik paasissutissiissusiornermi ilanngunneqassapput:

1) Aqutsisutut inissisimasut taamaattoqarpallu taakkununnga sinniisussatut inissisimasut, tak. § 17.

2) Kukkunersiuisoq, tak. § 17, pineqartoq kukkunersiuiffigisassatut pisussaaffiligaatillugu tunngavigalugu ukiumut naatsorsuusiornissamut inatsisit, Kunngip peqqussusiineratigut Kalaallit Nunaannut atuuttoq imal. inatsit alla atorlugu atuuttoq.

Imm. 2. Nalunaarutiginninnermi makku uppernarsaatitut ilanngunneqassapput:

1) Aaliangiinerup inatsisit malillugit ingerlanneqarsimanera (imaqarnialiaq atorlugu).

2) Malittarisassat nutaat ulluligaasut, aallarteqqinniarnermut atatillugu nutaanik malittarisassiortoqarsimatillugu.

3) Uppernarsaat naliliisiartumit suliarineqarsimasoq aningaasat tunuliaqutissat pilersitseqqiniarluni aaliangernerup pigineqarneranik takussutissiisoq aammalu takutitsisoq piginneqatigiiffimmi pilersitsisut piginneqatigiiffinnut inatsimmi Kunngip peqqussutaa tunngavigalugu Kalaallit Nunaannut atuuttumi § 210-mi allassimasut unioqqutillugit taarsigassarsisitsisoqarsimannginnermik.

4) Ukiumut naatsorsuutit, nalunaarutiginninnerup pinerani ilanngullugit nassiunneqarsimasussaagaluit.

5) Uppernarsaatit takutitsisut taamaattoqarsimappat atorunnaarsitsinermik suliarinnittup eqqartuussivimmit toqqagaasup aallartitseqqiniarnermik akuersaarinnissimaneranik.

 

§ 25. Nunami allami piginneqatigiffimmut immikkoortortaqarfittut nalunaarsorneqaqinnermut nalunaarutiginnissut, tamatuma tungaanut piginneqatigiiffinnut inatsimmi Kunngip peqqussuteqarneratigut Kalaallit Nunaannut atuuttumi § 350 naapertorlugu, § 18, imm. 1 malillugu paasissutissiissutit saniatigut uppernarsaasiissutitut ilanngunneqassapput, peersinermut tunngaviusut, peerneqarsimammata.

Imm. 2. Immikkoortortaqarfik piginneqatigiiffinnut inatsit Kalaallit Nunaanni Kunngip peqqussutaatigut atuuttumi § 350, imm. 1, nr. 3, aallarteqqinniarneqarpat, piffissami ikerani ukiumut nalunaarusiaasimasoq nalunaarutigineqassaaq.

 

Naalagaaffiup piginneqatigiiffiutai ingerlatsiviilu, aqunneqartumik niuerfiusumi atorneqartunik pappialanik nalilinnik peqartut

 

§ 26. Piginneqatigiiffiit Erhvervsstyrelsimut nalunaaruteqarnissamut pisussaaffeqarput, piginneqatigiiffiit naalagaaffimmit pigisaasutut ilaappata ilaajunnaarpataluunniit. 

Imm. 2. Piginneqatigiiffiit pisussaatitaapput Erhvervsstyrelsimut nalunaarutigissallugu, piginne-qataassutitut pigisatik, akiitsoqarsinnaatitaanitik pappialatullu nalilittut pigisatik Kalaallit Nunaanni, nunami EU-mut ilaasortaasumi aningaaserinermut isumaqartigiiissuteqarfigineqarsimasumi, niuerfimmi aqutaasumi niuerutigineqarsinnaasutut akuerisaappata imaluunniit atorneqarsinnaajunnaarsimappata.   

 

Nunap iluani ataatsimuulerluni kattunnerit

 

§ 27. Ataatsimuulerluni kattunnialernermik aaliangiinermik nalunaarutiginninnermi paasissutissiissutigineqassapput taamaattoqarpat piginneqatigiiffiittut ingerlatsiviit nutaat ataatsimuulernermi pilersinneqartut, pisariaqartumik nalimmassaataasut ilanngullugit, tak. § 17.

Imm. 2. Nalunaarutiginninnermilu makku pappialartaliussat ilanngunneqassapput:

1) Aaliangiussaq inatsisit naapertorlugit aaliangiunneqarsimasoq (protokoludskrift-ikkut).

2) Malittarisassiat ullulikkat oqaasertaliussaasut tamakkiisut ilanngullugit, tamannalu pissaaq ataatsimoortitsilernermi malittarisassat allannguuteqarsimappata.

3) Malittarisassat ulluligaasut taammaattoqarsimappat ataatsimuulernermi piginneqatigiiffilianut nutaanut atuuttussat.

Imm. 3. Makkulu aamma pappialaliussat ilanngunneqassapput, taamaattut suliarisassanut ilaariinngippata imal. tamakku ataatsimuulernermut atatillugu nassiunneqareersimappata imal. ataatsimuulernissaq atorunnaarsinneqarsimasoq aaliangiisoqarsimappat:

1) Ataatsimuulernermut nalunaarusiaq piginneqatigiiffinnut inatsisit Kunngip peqqusineratigut Kalaallit Nunaannut atuuttumi § 238 tunngavigalugu.

2) Ikerani nalimmassaanerup inernera, tunngavigalugu piginneqatigiiffinnut inatsisit Kunngip peqqusineratigut Kalaallit Nunaannut atuuttumi § 239.

3) Naliliinermi nalunaarut, tunngavigalugu piginneqatigiiffinnut inatsisit kunngip peqqusineratigut Kalaallit Nunaannut atuuttumi § 240.

4) Ataatsimuulernialersaarneq pillugu naliliisartup oqaaseqaataa, tunngavigalugu piginneqatigiiffinnut inatsisit Kunngip peqqusineratigut Kalaallit Nunaannut atuuttumi § 241.

5) Naliliisartup akiliiffigisassat inissisimanerat pillugu uppersaasiissutaa tunngavigalugu piginneqatigiiffinnut inatsisit Kunngip peqqusineratigut Kalaallit Nunaannut atuuttumi § 242.

 

Nunap iluani avitsinerit

 

§ 28. Piginneqatigiiffimmik agguiniarnermik aaliangiinermik nalunaarutiginninnermi paasissutissiissutigineqassaaq allatut ingerlatsiviliortoqarpat, tak. § 17 pisariaqartunik naleqqussaa-sigaasoq.

Imm. 2. Makkulu uppernarsaatitut ilanngunneqassapput:

1) Aaliangiinerup inatsisit malillugit pisimaneranut uppernarsaasiinerit.

2) Ulluligaasumik malittarisassiat oqaasertai nutaami allassimasut ilanngullugit, avitsinermut atatillugu piginneqatigigiiffiup malittarisassai allanngortinneqarsimappata.

3) Avitsinermi taamaattoqarpat piginneqatigiiffiliat nutaat malittarisassaat.

Imm. 3. Uppernarnarsaasiissutitut makku aamma ilanngunneqassapput, tamanna arlaatigut piumasarisaanngippat, imaluunniit pineqartut avitsinissamik pilersaaruteqarnermut atatillugu nassiunneqareersimappata imal. allatigut avitsiniarneq unitsinneqarsimappat: 

1) Avitsiniarneq pillugu nassuiaasiaq, tak. piginneqatigiiffinnut inatsimmi § 256 Kunngip peqqussutaatigut Kalaallit Nunaannut atuuttussanngortitaasumi allassimasut.

2) Qiteqqunnerani oqimaaqatigiissitsineq, tak. piginneqatigiiffinnut inatsimmi § 257-imi Kunngip peqqussutaatigut Kalaallit Nunaannut atuuttussanngortitaasumi.

3) Naliliissut, tak. piginneqatigiiffinnut inatsimmi § 258 Kunngip peqqussuteqarneratigut Kalaallit Nunaanni attuussussangortitaasumi.

4) Nalilersuisartup piginneqatigiiffimmi avitsiniarneq pillugu oqaaseqaatai, taamallu ittoqarpat § 259 avitsiniarnermut pilersaarusiaq, tak. piginneqatigiiffinnut inatsimmi § 259 Kunngip peqqussuteqarneratigut Kalaallit Nunaanni attuussussangortitaasumi.

5) Naliliisartup akiligassaqarfiusoq pillugu uppernarsaasiaa tak.   piginneqatigiiffinnut inatsimmi § 260-imi Kunngip peqqussuteqarneratigut Kalaallit Nunaanni attuussussangortitaasumi.

 

 

Kapitali 4

Suliffeqarfiit ilaannut inatsisit atuuttut tunngavigalugit piginneqatigiiffinnik pilersissimasanik nalunaarsuineq

 

§ 29. Pilersitsinermik nalunaarutiginninnermi suliffeqarfik killiligaasumik akisussaaffiligaasoq minnerpaamik makkuninnga nalunaaruteqassaaq:

1) Nunami allami suliffeqarfiup aqqa, inatsisitigut ilusiligaanera, angerlarsimaffia, ulloq pilersinneqarfia malittarisassiorfialu, siunertai, atsiorsinnaatitaasunut atasumik ilusiliinerit, ukioq naatsorsuusiorfiusoq, suliffeqarfittut nalunaarsorneqarnera aammalu suliffeqarfittut normuligaanera

2) Ateq taagutaasinnaasullu allat.

3) Ingerlataq taamaattoqarpallu saniatigut ingerlatat allat suuneri.

4) Pilersitsinerup malittarisassiuussinerullu ullua, siunertat aammalu atsiorsinnaatitaasunut tunngasut.

5) Ukioq naatsorsuusiorfiusoq aammalu naatsorsuusiorfik siulleq. 

6) Aqutsinermi peqataasut taammaattoqarpallu sinniissussaatitaasut, tak. § 17.

7) Inuit atsiorsinnaatitaasut, tak. § 17.

8) Kukkunersiuisoq, tak. § 17, suliffeqarfik kukkunersiusumit ukiumut naatsorsuusiornissamut inatsisit naapertorlugu Kunngip peqqussutaatigut Kalaallit Nunaannut atuuttussanngortinneqartoq allatulluunniit inatsit malillugu kukkunersiugassaatitaasuuppat.

Imm. 2. Nalunaarutiginninnermi makku uppernarsaasiunneqassapput:

1) Suliffeqarfimmut malittarisassiuussat ullulikkat.

2) Pilersitsinerup inatsisit malilllugit pilersinneqarsimaneranut uppernarsaatit (pilersitsinermut uppernarsaasiaq il.il).

3) Pilersitami minnerpaamik inuit marluunerannik uppernarsaasiissut.

 

§ 30. Suliffeqarfiit ilaannut atuuttussamik § 2, imm. 3, 2. imm. naapertorlugu Kunngip peqqussuteqarneratigut Kalaallit Nunaannut atuuttussangortitaasumik, Interessantskabimik kommandit-selskabimilluunniit pilersitsinermik nalunaarutiginninnermi § 29 imm. 1-imi nalunaarutigineqartussatut taaneqartut saniatigut aammau § 17 tunngavigalugu suliffeqarfimmi akisussaasutut peqataasut, nalunaarutigineqassapput

Imm. 2. nalunaarutiginninnermi uppernarsaatissat makku § 29, imm. 2, nr. 1 aamma 2-mi taaneqartut ilanngunneqassapput.

 

Nunani allani suliffeqarfiusup immikkoortortaqarfissaanik pilersitsineq

 

§ 31. Suliffeqarfiup nunami allamiittup killilimmik akisussaaffeqartumik immikoortortaqarfimmik pilersitsinerani makku minnerpaamik nalunaarutigineqassapput:

1) Nunami allami suliffeqarfiup aqqa, inatsisitigut ilusiligaanera, angerlarsimaffia, ulloq pilersinneqarfia malittarisassiorfialu, siunertai, atsiorsinnaatitaasunut atasumik ilusiliinerit, ukioq naatsorsuusiorfiusoq, suliffeqarfittut nalunaarsorneqarnera aammalu suliffeqarfittut normuligaanera. 

2) Suliffeqarfimmut nunami allamiittumi atsiorsinnaatitaasut aqqi.

3) Immikoortortap ingerlatai taammaattoqarpallu saniatigut allat ingerlatai.

4) Immikkoortortaqarfiup aqqa, sumiinnera, inissisimaffia aammalu atsiorsinnaatitaanermut malittarisassiaasut.

5) Immikkoortortami aqutsisuusut, tak. § 17.

Imm. 2. Nalunaarutiginninnermi uppernarsaatitut makku ilanngunneqassapput:

1) Pisortatigoortumik uppernarsaasiissut qaammatinik pingasunik nutaannginnerussanngitsoq takussutissiisoq suliffeqarfik akuerisaasumik angerlarsimaffigisamini ingerlatsillunilu inissisimasuusoq.

2) Nunami allami suliffeqarfiup pilersinneqarnerani uppernarsaasiussat malittarisassaalu.

3) Immikkortoqarfinni aqutsisunut piginnaatitsissutit.

4) Nunami allami suliffeqarfimmit uppernarsaasiissut, nunami pineqartumi suliffeqarfittut ingerlatamini malissagamigit tassani inatsisisigut tunngavigisat, qallunaat inatsisaasa ataani inissisimassalluni aammalu akueralugu malissallugu, taamatut pisoqassappat, qallunaat eqqartuussiveqarfiannit tamanna ingerlanneqassammat.

5) Suliffeqarfinnut EU-p EØS-illu avataani inissisimasunut taanna nunagisaanit uppernarsaa-serneqassaaq. Uppernarsaasorlugu kalaallit suliffeqarfiatut tunuliaqutaasutulli pineqartoq siunertaqartoq immikkoortortaqarneq aqqutigalugu nunami pineqartumi suliffeqarfittut ingerlasinnaalluni.

 

Pissutsit nalunaarsugaasut iluini allannguinerit

 

§ 32. Malittarisassanik allatigulluunniit allannguinermik nalunaaruteqarnermi tamatuma inatsisinut naapertuuttumik ingerlanneqarsimanera uppernarsaaserneqassaaq (protokoludskriftikkut). Allannguute-qarnerni tamani malittarisassat ulluligaasut oqaasertai tamaasa ilanngullugit nutaamik pilersitsinerup nalunaarutiginerini ilaatinneqassapput.

Imm. 2. Allannguinerit makku imminut sullissivissiaq aqqutigalugu ingerlanneqarsinnaanngillat taamaammalu Erhvervsstyrelsenimut toqqaannartumik nalunaarutigineqassallutik, tak. § 3:

1) Killiligaaasumik akisussaassuseqartutut suliffeqarfiunermiit suliffeqarfinnit niuernermik ingerlatsisuusut ilaannut inatsisit naapertorlugu allanngortitsineq ingerlanneqassaaq, Kunngip peqqussuteqarneratigut Kalaallit Nunaannut aamma atuuttussanngortitaasoq malillugu. 

2) Suliffeqarfiit inuussutissarsiornermik ingerlatsisuusut pillugit inatsisit naapertorlugu kommanditselskabimiit inatsimmut attuumassuteqanngitsutut Kunngip peqqussuteqarnerneratigut Kalaallit Nunaannut atuuttunngortitaasoq tunngavigalugu, inisssinnerit. 

3) Suliffeqarfiit inuussutissarsiornermik ingerlatsisuusut pillugit inatsisit Kunngip peqqussuteqarneratigut Kalaallit Nunaannut aamma atuuttussanngortitaasoq naapertorlugu interessantskabinngortitsineq, avaqqullugu suliffeqarfiit inussutissarsiornermik ingerlatsisunt ilaannut inatsisit, Kunngip peqqussuteqarneratigut Kalaallit Nunaannut atuuttussanngortitaasoq.   

4) Suliffeqarfiit inuussutissarsiornermik ingerlatsisuusut pillugit inatsisit Kunngip peqqussuteqarneratigut Kalaallit Nunaannut aamma atuuttussanngortitaasoq naapertorlugu suliffeqarfiit inussutissarsiornermik ingerlataqartut ilaannut Kunngip peqqussuteqarneratigut Kalaallit Nunaannut atuuttussanngortitaasumi inatsimmut ilaanngitsumiit ilaasumut ikaarsaartitsinerit. 

5) Suliffeqarfiit inuussutissarsiornermik ingerlatsisuusut pillugit inatsisit Kunngip peqqussuteqar-neratigut Kalaallit Nunaannut aamma atuuttussanngortitaasoq naapertorlugu suliffeqarfiit inussutis-sarsiornermik ingerlataqartut ilaannut Kunngip peqqutssuteqarneratigut Kalaallit Nunaannut atuuttussanngortitaasumi inatsimmut ilaanngitsumiit ilaasumut ikaarsaartitsinerit. 

6) Suliffeqarfiit inuussutissarsiornermik ingerlatsisuusut pillugit inatsisit Kunngip peqqussuteqarneratigut Kalaallit Nunaannut aamma atuuttussanngortitaasoq naapertorlugu suliffeqarfiit inussutissarsiornermik ingerlataqartut ilaannut Kunngip peqqussuteqarneratigut Kalaallit Nunaannut atuuttussanngortitaasumi inatsimmut ilaanngitsumiit ilaasumut, ikaarsaartitsinerit. 

7) Suliffeqarfiit inuussutissarsiornermik ingerlatsisuusut pillugit inatsisit Kunngip peqqussuteqarneratigut Kalaallit Nunaannut aamma atuuttussanngortitaasoq naapertorlugu suliffeqarfiit inussutissarsiornermik ingerlataqartut ilaannut Kunngip peqqussuteqarneratigut Kalaallit Nunaannut atuuttussanngortitaasumi inatsimmut ilaanngitsumiit ilaasumut ikaarsaartitsinerit. 

8) Suliffeqarfimmik killiligaasumik akisussaatitaasumit Kunngip peqqussuteqarneratigut Kalaallit Nunaannut atuuttussanngortitaasumi aktieselskabitut piginneqatigiffinngortitsinerit, tak. piginneqatigiiffinnut inatsimmi § 325.

9) Andelsselskabitut inuussutissarsiornermik ingerlatsisut ilaannut inatsit naapertorlugu ingerlanneqartumiit andelsselskabitut inuussutissarsiornermik ingerlatsinngitsumut, Kunngip peqqussuteqarneratigut Kalaallit Nunaannut aamma atuuttussanngortitaasumi, allannguinerit.

10) Andelsselskabitut inuussutissarsiornermik ingerlatsisut ilaannut inatsit naapertorlugu ingerlanneqartumiit andelsselskabitut inuussutissarsiornermik ingerlatsinngitsumiit, Kunngip peqqussuteqarneratigut Kalaallit Nunaannut aamma atuuttussanngortitaasumi, taamatut ingerlatsisunngortitsilluni allannguinerit.

Imm. 3. Nalunaarutigineqassanngillat inuit qallunaat inunnut normuannik peqartut Kalaallit Nunaanni najugaqartutut allassimasut akornanni, allannguutit.

Atorunnaarsitsinerit il.il.

 

§ 33. Suliffeqarfimmik killiligaasumik akisussaatitaasumik atorunnaarsitsinermik nalunaaruteqarnermi ilanngunneqassaaq aaliangiussinerup inatsisit malillugit ingerlanneqarsimanera (protokoludskriftikkut).

 

§ 34. Suliffeqarfimmik killiligaasumik akisussaaffeqartumik atorunnaarsitsinneqarnerup atuutilernera nalunaarutigineqartillugu makku uppernarsaasiissutitut ilannguneqassapput: 

1) Aaliangiinerup inatsisit naapertorlugit ingerlanneqarsimaneranut uppernarsaat (protokoludskriftikkut).

2) Naamassissutaasutut atorunnaarsitsinermut atatillugu naatsorsuusiat kiisalu pisariqarpat ukiumut naatsorsuusiornermi ukiumut nalunaarutit, atorunnaarsitsinikkut naammassineqartut.

 

§ 35. Interessantselskabnit kommanditselskabillu Erhvervsstyrelsip nalunaarsuiffianit peerneqarnissamik aaliangiinermik naslunaarutiginninnerit, uppernsarsaatitut ilanngunneqassapput takussutissiaralugu aaliangiineq inatsisit malillugit pisimammat (prokoludskriftikkut).

 

Aallartitseqqinnerit il.il.

 

§ 36. Suliffeqarfinnik killilimmik akisussaasunik aallartitseqqiinermik nalunaarutiginninnerni, makku minnerpaatut nalunaarutigineqassapput:

1) Aqutsisunut ilaasortaasut taamaattoqarpallu taakkununnga sinniissussaasutut inissisimasut, tak. § 17.

2) Kukkunersiuisoq, tak. § 17, suliffeqarfik kukkunersiusumit ukiumut naatsorsuusiornissamut inatsisit naapertorlugu Kunngip peqqussutaatigut Kalallit Nunaannut atuuttussanngortinneqartoq allatulluunniit inatsit malillugu kukkunersiugassaatitaasuuppat.

Imm. 2. nalunaarummi ilanngunneqassapput pappialat uani ilisimatitsissummi § 24, imm. 2, nr. 1, 2 aamma 5-imi allanneqarsimasut, kiisalu ukiumut nalunaarutit amigaataasut imal. ilanngussas-saannginnerinut uppernarsaasiussat, nalunaarutiginninnerup pinerani ilanngunneqartussaasimagaluartut.

Imm. 3. Suliffeqarfik ilanngunneqanngitsut pillugit uppernarsaasiilluni nalunaaruteqarpat, taava Erhvervsstyrelsi piumasaqarsinnaavoq, kukkunersisuisoq akuerisaasoq tamanna pillugu uppernarsaasiilluni nalunaaruteqassasoq, uppernarsarlugu suliffeqarfik akiliisinnaassuseqarmat.

 

§ 37. Interessentskabinik kommanditskabinillu suliffeqarfiit inuussutissarsiornermik ingerlataqartut ilaannut inatsimmi Kunngip peqqussuteqarneratigut Kalaallit Nunaannut atuuttumi § 2, imm. 3, 2. imm allassimasut naapertorlugit., nutaamik nalunaarsuisitseqqinnissamik saaffiginninnerit ingerlanneqassapput, taakku Erhvervsstyrelsip nalunaarsuiffianit peerneqarsimasuuppata ilanngullugit § 29, imm. 1-imi allassimasut malillugit paasissutissiissutit.

Imm. 2. Suliffeqarfik piffissap ilaani kapitalselskabiusunik akisussaasunik peqateqarsimappat, tamannalu siusinnerusukkut nalunaarutigineqarsimanngippat, taava tamanna pillugu paasissutissiisutit piffissami taaneqartumi ilanngunneqarsimanngitsut nalunaarutigineqassapput.

Imm. 3. Nalunaarutiginninneq § 24, imm. 2, nr. 1 aamma 2A-mi allanneqartut naapertorlugit uppernarsaasiussanut ilanngunneqassapput. Kiisalu ilanngullugu ukiumut nalunaarusiaq amigaati-gineqartoq imal. ilanngussisussannginnermut uppernarsaat, nalunaarutiginninnerup pinerani ilanngul-lugu nassiunneqartussaasimagaluartoq.

Suliffeqarfiit pappialanik nalilinnik niuerfimmi nalimmassagaasumi ilanngussaasimasunik peqartut

 

§ 38. Suliffeqarfik killilimmik akisussaasuutitaasoq, interessensskabit kommanditskabilu, suliffeqarfinnut inussutissarsiornermik suliaqartut ilaannut inatsisip Kunngip peqqussutaatigut Kalaallit Nunaannut atuuttup ataani ittut, Erhvervsstyrelsimut nalunaartussaatitaapput, suliffeqarfiup piginneqataassutai, akiitsunut iliuuseqarsinnaaneri imal. allatigut pappialanik nalilinnik Kalaallit Nunaanni nakkutigisaasumik niuerfiusumi atorsinnaanngortinneqarpata imal. atorsinnaajunaartitaappata, nunami EU-mut ilaasortaasumi imal. nunami EU-mit aningaaserinermut atatillugu isumaqatigiissuteqarfigineqarsimasumi.  

 

Kapitali 5

Aningaasaateqarfinnik inussutissarsiornermik ingerlatsisunik nalunaarsuineq

 

Pilersitsineq il.il

 

§ 39. Aningaasaateqarfiit inussutissarsiornermik ingerlatsisut nalunaarutigineranni makku minnerpaamik paasissutissatut ilanngunneqassapput:

1) Aqqa allatullu taaneqartarpat saniatigut taaguutai.

2) Ingerlatsinermini suut allaviginerai taamattoqarpallu sanniatigut ingerlatai.

3) Najugaa kommunilu angerlarsimaffigisaa.

4) Pilersitsinermi ulloq aammalu ulloq malittarisassiorfiusoq, siunertaasut aammalu atsiortitsinermut atatillugu malittarisassai.

5) Ukiup iluani naatsorsuusiorfiusoq aammalu naatsorsuusiorfiusoq siulleq.

6) Tunngavisumik aningaaliissutitut tunuliaqusitigisat taakkulu aningaasanngorlugit imal. nalillit allat atorlugit akilerneqarsimanersut.

7) Piginnittut, aqutsinermi peqataasut taakku taamaattoqarpat sinniisussarisaat, tak. § 17.

8) Kukkunersiuisoq, tak. § 17.

Imm. 2. Nalunaarutiginninnermi makku uppernarsaatissat tunniunneqassapput:

1) Aningaasaateqarfimmik pilersitsinermi tunngavigineqartut (testamentit, tunissutit allalluunniit)

2) Malittarisassat allallu pilersitsinermut atatillugu atorneqartut.

3) Aningaasaateqarfimmut aningaasaliissutissat ilumut akilerneqarsimanerannut uppernarsaasiissutit, tak.  § 18, imm. 2 aamma 3.

4) Aningaasaateqarfiup inuussutissarsiornermut tunngasunik suliaqarneranut uppernarsaatit.

5) Aningaasaateqarfik pisortanit aningaasaliiffigineqarsimanersoq pillugu paasissutissiisutit, ilanngullugu paasissutissaq aningaasaateqarfik pisortanit nakkutigineqartuunersoq.

6) Naatsorsuutit nutaanerpaat. Pineqarpat aningaasaateqarfik atuuttoq, aningaasaateqarfinnut inussutissarsiornermik ingerlataqartut pillugit inatsisip ataani ittuusoq, Kalaallit Nunaannut Kunngip peqqussuteqarneratigut atuuttuusoq.

 

Nalunaarsugaasut iluini allannguutit

 

§ 40. Malittarisassanik assigisaanillu allanik allanguinermik nalunaarutiginninnermi ilanngunne-qassapput allannguinerup inatsisit malillugit pisimaneranut uppernarsaatit. Allannguinerni tamani malittarisassat nutaat oqaasertaasut tamakkiisut takussutissiaralugit nalunaarutiginninnermut ilanngunneqassapput.

Imm. 2. Aningaasaateqarfiup inuussutissarsiornermik ingerlataqartuunermit taamatut ingerlataqartuujunnaarsinneqarnerani killormullu nalunaarutiginninnerit immineq sullississutaasoq atorlugu nalunaarutigineqarsinnaanngillat tamannali pissalluni Erhvervsstyrelsimut toqqaannartumik saaffiginninnikkut, tak. § 3.

Imm. 3. Piginnittut, aqutsisuniittut imal. kukkunersiusup allannguuteqarnerini aamma § 17 atorneqassaaq

Imm. 4. Inuit qallunaat inunnut normuinik peqartut Kalallit Nunaanni Danmarkimiluunniit najugaqartutut inuit allattugaaffiani allanneqarsimasut nuuppata tamanna nalunaarutigineqassanngilaq.

 

Kapitali 6

Maalaarfissat iliuuserisassallu

 

§ 41. Una ilisimatitsissut tunngavigalugu Erhvervsstyrelsimit aaliangiinerit Erhvervstyrelseip ataani maalaartarfimmut nalunaarutigineqarlutik tunniunneqarsinnaapput, pineqartumut aaliangiussinermik nalunaaruteqarnermit sapaatit akunneri 7-it qaangiutsinnagit.

 

§ 42. Ingerlatsivinnik nalunaarsuinernut, nalunaarutiginninnernut aammalu imminut sullississusiaasoq www.virk.dk aqqutigalugu avammut saqqummiussinernut atatillugu atornerluisut il.il aammalu digitaliusumik atsiussutissanik atornerluisut, tak.  §§ 2, 4, 5, 6, 8 aama 9, akiliisinneqarsinnaapput, allatut Kalaallit Nunaanni kriminallov tunngavigalugu pisoq tunngaveqanngippat. 

Imm. 2. Ingerlatsiviit il.il eqqartuussivikkoortumik pisuutinneqarsinnaapput (inuit inatsisilerinermik suliaqartut) Kalaallit Nunaanni kriminallovimi kapitalit 5-ianni allassimasut naapertorlugit akisussaasutut. 

 

Kapitali 7

Atuutilerfissaq il.il

 

§ 43. Nalunaarut pineqartoq atuutilissaaq 5. januar 2022 aallarnerfigalugu.

Imm. 2. Nalunaarutiginninneq, nalunaarsuineq, akeqartitsineq aammalu avammut saqqumiineq il.il. Erhvervsstyrelsimi Kalaallit Nunaannut atatillugu nalunaarut nr. 623 af 29. maj 2018 atorunnaarsinne-qarpoq.

 

Erhvervsstyrelsi, ulloq 28. december 2021

 

HENNING STEENSIG

 

/ Søren Corfixsen Whitt