Ukiumoortumik naatsorsuutit pillugit inatsimmi § 69, imm. 4, naapertorlugu, kunngip peqqussutaatigut nr. 625, 23. juni 2008-meersukkut Kalaallit Nunaanni atuutilersinneqartumi, kunngip peqqussutaatigut nr. 487, 14. maj 2018 allanngortinneqartumi, aalajangersarnerpoq: 

Aqutsisumut aningaasarsiarititassat il.il. pillugit paasissutissat

§ 1. Aningaasaateqarfimmut inuussutissarsiummik ingerlataqartumut ukiumoortumik nalunaarusiami taaneqassaaq ukiumi naatsorsuusiorfiusumi aqutsisumut aningaasarsiarititassat il.il. tamarmiusut, aningaasaateqarfinnut inuussutissarsiummik ingerlataqartut pillugit inatsimmi § 43-imi ilanngunneqartunut, kunngip peqqussutaatigut Kalaallit Nunaanni atuutilersinneqartumi. Aqutsisuusoq pensionisiassanut akiliunneqartarnissamik piumasaqaateqarpat ukiumoortumik nalunaarusiami aammattaaq pensionisiaqalernissamut pisussaaffiit tamarmiusut taaneqassapput. Aqutsisoq immikkut ittunik bonusisiassaanik aaqqissuussisoqarsimappat, aaqqissuussinerit sorliit bonusisiassami pineqarnersut suunersullu taaneqassapput aamma bonusisiassatigut aaqqissuussinerit nalingisa nalilersorsinnaanissaannut pisariaqartinneqartut taaneqassapput. 

Imm. 2. Imm. 1 malillugu paasissutissat ukiup naatsorsuusiorfiusup siuliani aammattaaq taaneqassapput. 

§ 2. Aningaasaateqarfik suliffissuup iluani pingaarnersaalluni aningaasaateqarfiuppat, aningaasarsiat il.il. tamarmiusut aqutsisup suliffeqarfissuup iluani suliffeqarfinnit allanit tigusimasai ukiumoortumik naatsorsuutini taaneqassapput. 

Atuutilerfia

§ 3. Nalunaarut atuutilersinneqarpoq ulloq 1. juli 2018. 

Imm. 2. Nalunaarut atorneqassaaq ukiumi naatsorsuusiorfiusumi ulloq 1. juli 2018-imi kingusinnerusukkulluunniit aallartittumi. 

Erhvervsstyrelsen, ulloq 29.maj 2018 

HENNING STEENSIG 

/ Henrik Davidsen