Ukiumoortumik naatsorsuutit pillugit inatsimmi, kunngip peqqussutaa nr. 625, 23. juni 2008-meersukkut Kalaallit Nunaannut atuutsinneqalersumi, kunngip peqqussutaa nr. 487, 14. maj 2018-imeersukkut allanngortinneqartumi § 51, imm. 3, aamma § 164, imm. 4 naapertorlugit aalajangersarneqarpoq: 

§ 1. Nalunaarut suliffeqarfinnut ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut ilaasunut, aamma ukiumoortumik imaluunniit piginneqatigiiffissuarmut naatsorsuutiminnik kingullerpaanik saqqummiussinerminni ukiumoortumik naatsorsuutit pillugit inatsit pinnagu naatsorsuutit pillugit maleruagassanik allanik atuisimasunut atorneqassaaq. 

Imm. 2. Nalunaarut aammattaaq suliffeqarfinnut ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut ilaasunut, aamma ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 137 malillugu ukiumoortumik imaaluunniit piginneqatigiiffissuarmut naatsorsuutiminnik kingullerpaanik saqqummiussinerminni naatsorsuutit nunani tamalaani pitsaassusissaat pillugit EU Kommissionip akuersissutigisimasaat IFRS malillugit suliarinnissimasunut atorneqassaaq. 

§ 2. Ukiumoortumik naatsorsuutit pillugit inatsit malillugu naatsorsuutinik saqqummiussinermut piffissami ikaarsaariarfiusumi oqimaaqatigiissitsinermi ilanngullugu naatsorsuinermi, naliliinermi saqqummiussinermilu nalunaarutip maleruagassartai atorneqarsinnaapput, taamaattoq tak. §§ 4 aamma 5. Ukiumoortumik naatsorsuutit pillugit inatsit malillugu naatsorsuutinik saqqummiussinissamut ikaarsaariarnermut piffissaliussaq tassaavoq piffissap ingerlanera siulleq. Suliffeqarfiup ukiumoortumik naatsorsuutit pillugit inatsit, kunngip peqqussutaatigut Kalaallit Nunaannut atuutsinneqalersoq malillugu kisitsisinik imminnut assersuutaasunik saqqummiussiffiata aallartiffia. 

§ 3. Suliffeqarfiup naatsorsuutinik saqqummiussinermini ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut ikaarsaariarsimasup, ukiumoortumik naatsorsuutit pillugit inatsimmi maleruagassat malillugit piffissamut naatsorsuutinik saqqummiussiffiusumut siullermut tunngasumut §§ 4-9-mi aalajangersakkat ilaannik ataatsimik arlalinnilluunniit atuinissaq toqqarsinnaavaa. 

Imm. 2. §§ 5-9-mi aalajangersakkamik ataatsimik arlalinnilluunniit atuinermi nuussuinerit assigiiaartut assigiiaartumik ilanngullugit naatsorsorneqassapput nalilerneqarlutillu. 

Imm. 3. §§ 4-9-mi aalajangersakkamik atatsimik arlalinnilluunniit atuigaanni, naatsorsuusereriaatsimik sorlermik atuineq pillugu nassuiaammi, pinngitsuuisinnaanerit sorliit atorneqarsimanersut paasissutissiissutigineqassaaq, kiisalu aalajangersakkanik taakkuninnga atuineq suliffeqarfiup aningaasaqarnikkut inissisimaneranut, isersitaanut aningaasanillu ingerlaartitsineranut qanoq sunniuteqarsimanersoq pingaarnerusutigut eqqartorneqassalluni. 

§ 4. Piffissanut ukiumoortumik naatsorsuutit pillugit inatsit malillugu naatsorsuutinik saqqummiussinissamut ikaarsaariarneq sioqqullugu pisunut, suliffeqarfiup ukiunut tallimanut takussutissiami kisitsisit pingaarnerit aalajangiisullu naleqqussarnissaat pinngitsoorsinnaavaa, tak. ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 101, imm. 1.

§ 5. Suliffeqarfiit ukiumoortumik imaluunniit piginneqatigiiffissuarmut naatsorsuutiminnik kingullerpaanik ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi, § 1, imm 3, nr. 1 malillugu saqqummiussisimasut inatsimmi matumani aalajangersakkanut ilaatinneqanngissimasut, ingerlatamut unitsinneqartumut angusatik angusat allattorsimaffianni aningaasatut ataasiakalaatut saqqummiussinnaavaat. Ingerlataq unitsinneqartoq pillugu naliliutit pisussaaffiillu oqimaaqatigiissitsinermi aningaasatut ataatsimut katitatut saqqummiunneqarsinnaapput.

Imm. 2. Ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi § 101 malillugu takussutissiami imm. 1 assigisaanik atorneqassaaq.

Imm. 3. Imm. 1 atorneqarpat, ingerlataq unitsinneqartoq pillugu angusat, naliliutit pisussaaffiillu oqaaseqaatini pingaarnertut allattukkani erseqqissaatigineqassapput. Erseqqissaatini ukiumoortumik naatsorsuutit pillugit inatsit, kunngip peqqussutaatigut Kalaallit Nunaannut atuutsinneqalersoq malillugu naatsorsuutinik saqqummiussinissamut ikaarsaariarneq sioqqullugu piffissanut tamanut tunngasut ilaassapput.

§ 6. Suliffeqarfiup ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutsinneqalersumi, suliffeqarfiit kattunneri pillugit aalajangersakkat suliffeqarfiit kattunnerinut, inatsit taanna malillugu naatsorsutinik saqqummiussinermut ikaarsaariarneq sioqqullugu pisunut atunngissinnaavaa.

Imm. 2. Imm. 1 atorneqarpat, naliliutit pisussaaffiillu, suliffeqarfiit kattunnerinut attuumassuteqartut, ukiumoortumilli naatsorsuutit pillugit inatsimmi, kunngip peqqqussutaatigut Kalaallit Nunaannut atuutsinneqalersumi aalajangersakkat malillugit piffissami inatsit manna malillugu piffissami naatsorsuutinik saqqummiussinermi suliffeqarfiit kattunnerinut tutsuvigineqarluarnermut ilaasutut naatsorsuunneqarsinnaanngitsut, oqimaaqatigiissitsinermut ilanngullugit naatsorsuunneqarsinnanngillat.

§ 7. Ukiumoortumik naatsorsuutit pillugit inatsit, kunngip peqqussutaatigut atuutsinneqalersoq malillugu naatsorsuutinik saqqummiussinissamut ikaarsaariarneq sioqqullugu nunat allamiut aningaasaataasa nalingisa ukiumoortumik suliffeqarfiup aningaasaqarnikkut naatsosuutaannik suliaqarnermi ikaarsaariarnerup nalaani nunat allamiut aningaasaata nalinga atorneqassaaq ukiumoortumik naatsorsuutit pillugit inatsisip Kalaallit Nunaannut atuutsinneqalernissaanut peqqussut pillugu nalunaarut malillugu.

Imm. 2. Imm. 1 taamaallaat oqimaaqatigiissitsinermi allattattukkanut, ullormi oqimaaqatigiissitsiffiusumi aningaasat nalinginut siusinnerusukkut naatsorsorneqarsimasunut, ukiumoortumilli naatsorsuutit pillugu aalajangersakkat malillugit ullormi aningaasanik nuussiffiusumi aningaasat nalinginut naatsorsorneqartussaasunut atorneqassaaq.

§ 8. Piffissami ukiumoortumik naatsorsuutit pillugit inatsit, kunngip peqqussutaatigut Kalaallit Nunaannut atuutsinneqalersoq malillugu naatsorsuutinik saqqummiussisalernissamut ikaarsaariarfiusumi, suliffeqarfiup sanaartornikkut naliliutini tigussaasut tigussaanngitsullu naliliutit suliffeqarfiup maannamut naatsorsuusereriaasia malillugu akiviinut aamma naliliutit nalimmassarnerinut katitanut aalajangersassallugit toqqarsinnaavaa, ilanngullugu naleqarnerulersitsisinnaalluni, naleerutsitsisinnaalluni nalikinnerulersitsisinnaallunilu. Ilanngullugu piffissanut ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut ikaarsaariarnermut sioqqutsisunut, inatsimmi matumani § 43-mik sanaartornermik naliliutinut atuinnginnissaq suliffeqarfiup toqqarsinnaavaa, ukiumoortumik imaluunniit piginneqatigiiffissuarmut naatsorsuutini kingullerpaani taakku sanaartornermi naliliutitut tigussaanngitsutut atuuffissaanik aalajangeruminaatsutut nalilerneqarsimappata, assersuutigalugu tutsuvigineqarluarnermut goodwillimut tunngallutik.

§ 9. Suliffeqarfiup piffissami ukiumoortumik naatsorsuutit pillugit inatsimmut, kunngip peqqussutaatigut Kalaallit Nunaannut atuutsinneqalersumut naatsorsuutinik saqqummiussinissamut ikaarsaariarfigisaani, sanaartukkanut naliliutini tigussaasut tigussaanngitsullu, suliffeqarfiup naatsorsuuserinermini maannamut suleriaaserisimasaa malillugu ullormi nalinga malillugu naatsorsorsimasai, suliffeqarfiup naatsorsuuserinermini maannamut suleriaaserisimasani malillugu ullormi nalinginut naatsorsorsinnaavai.

Imm. 2. Imm. 1 apeqqutaatinnagu, naatsorsuuserinermut siusinnerusukkut periusaasimasoq malillugu akiviata naatsorsornera, pissamaatit pituttornerisa naatsornerinut tamanna tunngaviussaaq, tak. ukiumoortumik naatsorsuutit pillugit inatsimmi, kunngip peqqussutaatigut Kalaallit Nunaannut atuutinnqalersumi § 41, imm. 3.

§ 10. Nalunaarummik matuminnga unioqqutitsinermi akiliisitsineq eqqartuussutigineqassaaq, Kalaallit Nunaanni pinerluttulerinermi inatsit malillugu pisuutinneqarluni allamik pineqaatissinneqarsimanngikkaanni. Piginneqatigiiffiit il.il. (inatsisitigut pisinnaatitaasut pisussaatitaasullu) Kalaallit Nunaanni pinerluttulerinermik inatsimmi kapitali 5-imi maleruagassat malillugit pinerluttulerinermi inatsisinik unioqqutitsisimasutut akisussaatinneqarsinnaapput.

§ 11. Nalunaarut 1. juli 2018-imi atuutilerpoq.

Imm. 2. Nalunaarut ukiumoortunik nalunaarusianut 1. juli 2018-imi kingusinnerusukkulluunniit saqqummiunneqartunut atuutissaaq.

Erhvervsstyrelsi, ulloq 29. maj 2018

HENNING STEENSIG

/ Henrik Davidsen