UAGUT MARGRETHE AAPPAAT, Guutip Saammaassineratigut Danmarkip Dronningia, nalunaarpugut:

§ 7 inatsimmi nr. 439, 8.maj 2018-imeersumi Inuinnaat aamma suliffeqarfinni assigisaannilu sulisunut pisortatigoortumik digitalimik atsiornertalimmik NemID-mik pilersitsisarneq pillugu aalajangiunneqarpoq, inatsit imatut oqaasertaqartillugu Kalaallit Nunaannut atuutilersinneqassasoq:

§ 1. Pisortat nutaaliornerannut ministerip suliffeqarfik namminersortoq toqqassavaa, suliffeqarfillu toqqarneqartoq inuinnaat aamma suliffeqarfiit assigisaasalu pisortatigoortumik digitalimik atsiornertalimmik NemID-mik pilersitsisarnermik aqutsisuusussaq aalajangiisartuullunilu. 

Imm. 2. Pisortat nutaaliornerannut ministeri malittarisassanik aalajangersaasassaaq NemID-p aqutsiviginissaa pillugu, matumani ilanngullugit NemID-mik pilersitsisarneq aamma matusisarneq kiisalu suliarinnittarneq pillugu malittarisassat.

§ 2. Pisortat nutaaliornerannut ministerip toqqarsinnaavai suliffeqarfiit inatsisilerinermik suliaqartut nalunaarsuisarfiusussat aammalu inuinnaat pisortatigoortumik digitalimik atsiornertalimmik NemID-mik pilersitsivigineqarnissaminnik qinnuteqartut aalajangiiffigisarnissaannut suliassanik isumaginnittartussat.

§ 3. Pisortat ingerlatsinerat pillugu inatsit malineqartassaaq aalajangigassani suliffeqarfinnit namminersortunit § 1. imm. 1 naapertorlugu toqqarneqarsimasut aalajangiiffigisassaani. Pisortat ingerlatsineranni suliassat suliarineqartarnerat pillugu Inatsiartut inatsisaat malinneqartassaaq aalajangigassani Kalaallit Nunaanni nalunaarsuisarfiit aalajangiiffigisassaanni. tak. § 2.

§ 4. Inuinnaat 15-inik ukioqalereersimasut inuttullu normoqalersimasut § 1, imm. 2 naapertorlugu malittarisassat malillugit pisortatigoortumik digitalimik atsiornertalimmik NemIDmik pilersitsivigineqarnissaminnik qinnuteqarsinnaapput.

Imm. 2. Suliffeqarfiit assigisaallu CVR-normullit § 1, imm. 2 naapertorlugu malittarisassat malillugit suliffeqarfinni taamaattuni sulisunut pisortatigoortumik digitalimik atsiornertalimmik NemID-mik pilersitsivigineqarnissaannik qinnuteqarsinnaapput.

§ 5. Suliffeqarfiup namminersortup § 1, imm. 2 naapertorlugu toqqarneqarsimasup imaluunniit tak. § 2, nalunaarsuisarfiup § 1, imm. 2 naapertorlugu malittarisassat malillugit aalajangiiffigisimasaat pillugu naammagittaalliuutit Danmarkimi Digitaliseringsstyrelsimut suliassanngortinneqarsinnaapput.

Imm. 2. Danmarkimi Digitaliseringsstyrelsip suliffeqarfik namminersortoq § 1. imm. 1 naapertorlugu nalunaarsuisarfittut toqqarneqarsimasoq aamma tak. § 2, paasissutissanik sunilluunniit piumasaqarfigisinnaavaa, naammagittaalliornermut atatillugu suliarinninnissaamut pingaaruteqartunik.

Imm. 3. Imm. 1 malillugu Digitaliseringsstyrelsip aalajangigai susassaqarfimmut allamut maalaarutigineqarsinnaanngillat.

§ 6. Peqqussut atuutilersinneqassaaq 1. januar 2019.

Amalienborg-imi tunniunneqarpoq ulloq 11. december 2018

Kunngisut atsiorpugut naqissusiillutalu

MARGRETGHE R.

/ Sophie Løhde