Quppernerup imai iserfigikkit
Oqaatsit toqqakkit
Ujaasinermut uterit
Inatsisit
Nr. 49
20. novembari 2026
Akuerineqarpoq

Peqqinnissaqarfiup sullissineri il.il. pillugit Inatsisartut peqqussutaata allanngortinnissaa pillugu Inatsisartut inatsisaat (Akiliuteqartitsinerusalernissaq kiisalu taaguutinik atorneqartunik naleqqussaalluni nutarterinissaq pillugit malittarisassanik aalajangersaanissamut piginnaatitsissut)

 

§ 1

 

Peqqinnissaqarfiup sullissineri il. il. pillugit Inatsisartut peqqussutaat, tak. Peqqinnissaqarfiup sullissineri il. il. pillugit Inatsisartut peqqussutaannik Namminersorlutik Oqartussat nalunaarutaat, allannguutissat makkuupput:

 

1. § 2, imm. 2 aamma 3-mi, § 6, imm. 1, 2 aamma 3-mi, § 8-mi, § 10, imm. 3-mi, § 13-imi, § 14, nr. 6, 7 aamma 10-mi, § 15, imm. 2-mi, § 18, imm. 2, § 20-mi, § 22, imm. 1, 3 aamma 4-mi, § 23, imm. 1 aamma 2-mi, § 24, § 25, imm. 1 aamma 2-mi, imm. siulleq aamma  imm. tullia aamma § 26, imm. 1 aamma 2-mi ima allaqqasut ” Namminersorlutik Oqartussat” allanngortinneqassapput imaalillugit “Naalakkersuisut”.

 

2.  § 24-mi imm. 2-tut ilanngunneqassaaq:

”  Imm. 2.  Malittarisassat imm. 1 naapertorlugu atuutilersitat Peqqinnissaqarfiup sullissinermut ataatsimut toqqaannartumik aningaasartuutaaninngarnit amerlanerusunik akiliuteqartitsinermut akigititassanik aalajangersimasunik aalajangersaanissamut tunngavigineqarsinnaapput. Akiliisitsiniartoqartillugu peqqinnissaqarfiup sullissinermut aningaasartuutigisaaninngarnit qaffasinnerusumik kommunit akiliisinneqaqqusaanngillat.”

 

3. § 29 ima oqaasertalerneqassaaq:

”  § 29.  Naammagittaalliuutit peqqinnissaqarfimmi sulisut suliaannut § 28-mi taaneqartuusunut attuumassuteqanngitsut, Naalakkersuisunut nassiunneqassapput.

  Imm. 2.  Aalajangiisoqarnerata nalunaarutigineqarneraniit naammagittaalliornissamut killiliussaq sapaatit akunnerinik sisamanik sivisussuseqarpoq. Naammagittaalliuut allaganngorlugu nassiunneqassaaq.

  Imm. 3.  Aalajangiineq oqartussaasunut allanut suliareqqitassanngortinneqarsinnaanngilaq.”

 

§ 2

 

Inatsisartut inatsisaat 1. januaari 2027-mi atuutilissaaq.

 

 

Namminersorlutik Oqartussat, ulloq 20. novemberi 2026

 

 

 

Jens-Frederik Nielsen (atsior)

Naalakkersuisut Siulittaasuat