(Toqqaannanngitsumik ussassaarutit, influencer-it 15-it inorlugit ukiulinnut inerteqqutit, ukiukinnerusunut tuniniaanissamik nittarsaassinerit, taarsigassarsisitsinernit tuniniaanissamik nittarsaassinerit, atuisartoqarnermut tunngasumik oqartussat oqartussaassuseqarfiat, kinaassutsimik isertuussilluni saaffiginnissutit, akiliisitsinissamut suliat il. il.)

§ 1

Tuniniaanissamik nittarsaassisarneq aamma nalunaaqutsersuisarneq pillugu Inatsisartut Inatsisaat nr. 39, 9. decembari 2015-imeersumi (tuniniaanissamik nittarsaassisarnermut inatsit), takuuk Namminersorlutik Oqartussat nalunaarutaat nr. 1, 26. marsi 2021-meersoq, ima allannguuteqartitsisoqassaaq:

1. § 4 ima oqaasertalerneqassaaq:

” § 4. Ussassaarutip ilusaa apeqqutaatinnagu aammalu attaveqaqatigiittarfinni sorlerni saqqummersinneqarnersoq apeqqutaatinnagu, inuussutissarsiornermik ingerlatallip

aningaasarsiornissamik siunertaq erseqqissumik ilisimatitsiissutigissavaa.“

2. § 9, imm. 3 ima oqaasertalerneqassaaq:

” Imm. 3. Tuniniaanissamik nittarsaassineq meeqqanut inuusuttunullu sammitinneqartoq ukunannga imaqartinneqassanngilaq:

1)  aanngajaarniutinik, ilanngullugu imigassanik aalakoornartortalinnik, imaluunniit nioqqutinik meeqqanut inuusuttunullu 18-it inorlugit ukiulinnut naleqqutinngitsunik eqqartuinerit,

2)  aanngajaarniutit, ilanngullugu imigassat aalakoornartortallit, imaluunniit nioqqutit meeqqanut inuusuttunullu 18-it inorlugit ukiulinnut naleqqutinngitsut assiinik, imaluunniit

3)  aanngajaarniutinut, ilanngullugu imigassanut aalakoornartortalinnut, imaluunniit nioqqutinut meeqqanut inuusuttunullu 18-it inorlugit ukiulinnut naleqqutinngitsunut innersuussutit.“

3. § 9-mi imm. 4-6-itut ilanngunneqassapput:

” Imm. 4. Inuit attaveqaqatigiittarfiini profil-ini meeqqaniit inuusuttuniillu 15-it inorlugit ukiulinniit pigineqartuni pigineqartutulluunniit isikkoqartuni, imaluunniit profil-it aqqutigalugit tuniniaanissamik nittarsaassisoqaqqusaanngilaq..

Imm. 5. Inuit attaveqaqatigiittarfiini tuniniaanissamik nittarsaassinerni meeqqanut inuusuttunullu saaffiginnittuni, meeqqat 15-it inorlugit ukiullit imaluunniit taakkua assiliartalersorneri atorneqaqqusaassanngillat, taamaattorli nioqqutimik takutitsinermi pissusissamisoortumik atassuteqarpata aatsaat pisinnaalluni.

Imm. 6. Nioqqutit sorliit meeqqanut inuusuttunullu 18-it inorlugit ukiulinnut naleqqutinngitsutut isigineqassanersut pillugit Naalakkersuisut malittarisassanik aalajangersaasinnaapput, tak. imm. 3, nr.1-3.“

4. § 9 kingorna nutaamik qulequtaliisoqassaaq:

”Akiligassiissutinik isumaqatigiissutit aamma atuisartunut taarsigassiisartut ilaannik tuniniaanissamik nittarsaassisarnissamut inerteqqut”

5. Qulequtap nutaanngornerata kingorna ikkunneqartussat:

” § 9 a. Aningaaseriviit aamma taarsigassiisartut allat atuisartunut akiligassiissutinik isumaqatigiissutinik ukiumut 25 procentimik annerusumilluunniit aningaasartuutitalinnik tuniniaasarpat, atuisartunut akiligassiissutinik isumaqatigiissutinik tuniniaanissamik nittarsaaqqusaanngillat, taamaattorli tak. imm. 2 aamma 3.

Imm. 2. Ineqarneq pillugu akiligassarsisitsinissamut isumaqatigiissutinik tuniniaanissamik nittarsaassinermi imm. 1 atuutissanngilaq.

Imm. 3. Akiligassarsisitsinissamut isumaqatigiissut ukunani tuniniaanissamik nittarsaanneqarpat, Imm. 1-imi aalajangersagaq atuutissanngilaq:

1)  taarsigassiisartup niuertarfiata sumiiffiani,

2)  taarsigassiisartup nittartagaani,

3)  qarasaasiaqarnikkut atortorissaarutitigut ungasianiit tuniniaanermi, taarsigassiisartumiit ingerlanneqartumi, imaluunniit

4)  nioqqutimik kiffartuussissummilluunniit aalajangersimasumik pisinissamik siunertaqarnermi, matumanilu:

a)  pisiniartup tuniniaasumut pisiap nalinga imaluunniit pisiap nalingata ilaata akilinngikkallarnissaa pillugu isumaqatigiissuteqareernerata kingorna, imaluunniit tuniniaasup suliami peqataasup avataaneersup akornanni isumaqatigiissuteqarnerat toqqammavigalugu, pisisup pisiaata nalinga imaluunniit pisiaata nalingata ilaannaa taarsigassarsiamik matussuserneqarsimappat,

b)  tuniniaasup niuertarfiata sumiiffiani, nittartagaani, imaluunniit qarasaasiaqarnikkut atortorissaarutitigut ungasianiit tuniniaaffiini inuussutissarsiornermik ingerlatallip

ingerlataani, akiligassarsisitsinissamut isumaqatigiissut tuniniaanissamik nittarsaanneqarpat, aamma

c)  nioqqutip imaluunniit kiffartuussutsip akia pillugu paasissutissiinermut atatillugu tuniniaanissamik nittarsaassineq pippat.

§ 9 b. Aningaaseriviit aamma taarsigassiisartut allat akiligassiissutinik isumaqatigiissutinik atuisartunut tuniniaasartut, pinnguaatinik imaluunniit pinnguaatinik tuniniaasunik tuniniaanermik nittarsaassinernut atatillugu tuniniaanermik nittarsaaqqusaanngillat, taamaattorli tak. imm. 2-4.

Imm. 2. Imm. 1-imi aalajangersagaq atuutissanngilaq, ineqarneq pillugu akiligassarsisitsinissamut isumaqatigiissutinik tuniniaanissamik nittarsaassinermi.

Imm. 3. Imm. 1-imi aalajangersagaq atuutissanngilaq, akiligassarsinissamik isumaqatigiissut nioqqummik imaluunniit kiffartuussissummik pisinissamik siunertalimmik tuniniarneqarpat, tamatumunngalu pisiniartup tuniniaasumut pisiap nalinga imaluunniit pisiap nalingata ilaata akilinngikkallarnissaa pillugu isumaqatigiissuteqareernerata kingorna, imaluunniit tuniniaasup suliami peqataasup avataaneersup akornanni isumaqatigiissuteqarnerat toqqammavigalugu, pisisup pisiaata nalinga imaluunniit pisiaata nalingata ilaannaa taarsigassarsiamik matussuserneqarsimappat.

Imm. 4. Tuniniaanissamik nittarsaassineq taarsigassiisartut timersornermut aamma peqatigiiffinnut aningaasaateqarfinnullu tamat iluaqutissaanut aningaasatigut tapersiineratigut pippat, aamma taarsigassiisartoq ukiumut 25 procentimik qaffasinnerusumilluunniit aningaasartuutilinnik taarsigassarsisitsinissaminut tuniniaanngippat, pinnguaatinik pinnguaatinilluunniit tuniniaasunik tuniniaanissamik nittarsaassinermut atatillugu aningaaserivinnik allanillu taarsigassiisartunik akiligassarsisitsinissamut isumaqatigiissutinik atuisunut tuniniaanissamik nittarsaassinermi, aalajangersakkami imm. 1 atuutinngilaq.

Atuutitsinnginneq taamaallaat allakkatigut aningaasatigut tapersiinermik isumaqatigiissuteqarfiusuni atuuppoq.”

6. § 24 kingorna ikkunneqassaaq:

” § 24 a. Inatsisartut inatsisaanik tamatuminnga unioqqutinneqarsimasinnaasut pillugit kinaassutsimik isertuinikkut saaffiginnittoqarsinnaanissaanut Atuisartoqarnermut Unammilleqatigiinnermullu Aqutsisoqarfik portal-imik sanasinnaavoq.

Imm. 2.  Atuisartoqarnermut Unammilleqatigiinnermullu Aqutsisoqarfik imm. 1 malillugu saaffiginnissummik tigusaqarsimanini pillugu Aqutsisoqarfiup suliffeqarfik naammagittaalliuutigineqartoq imaluunniit allat ilisimateqqusaanngilai.

Imm. 3. Atuisartoqarnermut Unammilleqatigiinnermullu Aqutsisoqarfik saaffiginnissummik tigusaqarsimanera pillugu suliffeqarfik naammagittaalliuutigineqartup imaluunniit allap ilisimatinneqarnissaanut, kinaassutsimik isertuilluni Aqutsisoqarfimmut saaffiginnissimasoq Aqutsisoqarfimmut akuersissuteqarsinnaavoq. Pineqartup akuersissutigisinnaavaa,

saaffiginnittup aqqa suliffeqarfimmut naammagittaalliuutigineqartumut imaluunniit allanut Aqutsisoqarfiup ilisimatitsissutigisinnaaneranut. Aqutsisoqarfiup suliffeqarfimmut naammagittaalliuutigineqartumut imaluunniit allanut saaffiginnittup aqqa ilisimatitsissutigisinnaanissaanut pineqartoq akuersissuteqarsinnaavoq. Suliffeqarfimmut naammagittaalliuutigineqartumut imaluunniit allanut saaffiginnissutip imarisaata ingerlateqqinneqarnissaanut, pineqartoq tamakkiisumik imaluunniit ilaannakortumik akuersissuteqarsinnaavoq.“

7. Kapitali 8 ima oqaasertalerneqassaaq:

”Kapitali 8

Inuussutissarsiornermik ingerlataqartut atuisunit naammagittaalliuutigineqarnerannik suliaqartarneq

§ 27. Inuussutissarsiornermik ingerlatallit nioqqutaanut, sullissinerinut kiffartuussinerinullu tunngatillugu atuisartuniit maalaarutit, Atuisartoqarnermut Unammilleqatigiinnermut Aqutsisoqarfimmut tunniunneqarsinnaapput.

§ 28. Atuisartoqarnermut Unammilleqatigiinnermullu Aqutsisoqarfimmi naammagittaalliuutip suliassanngortinneqarsinnaannginnera pillugu illuatungaannarsiortumik imaluunniit isumaqatigiissuteqarnikkut aalajangerneqarsinnaanngilaq, takuuk § 27.

§ 29. Atuisartoqarnermut Unammilleqatigiinnermullu Aqutsisoqarfiup naammagittaalliuutit inatsisini allani immikkut naammagittaalliuuteqartarnermut maleruagassanik imaluunniit naammagittaalliortarfimmik aalajangersaaffiusimasut suliarisinnaanngilai.

§ 30. Atuisartoqarnermut Unammilleqatigiinnermullu Aqutsisoqarfik naammagittaalliuutaasoq, suliarineqarnissamut naleqqutinngitsutut nalilerneqartoq, suliarissallugu itigartitsissutigisinnaavaa.

Imm. 2. Naammagittaalliornermi atuisoq taperserneqarsinnaanngitsoq ersarilluinnarpat, Atuisartoqarnermut Unammilleqatigiinnermullu Aqutsisoqarfiup naammagittaalliuutaasoq suliarissallugu itigartitsissutigisinnaavaa.

§ 31. Naammagittaalliuutaasoq eqqartuussivinni imaluunniit isumaqatigiissitsiniarnikkut aalajangiisartunit aalajangiissutigineqarsimasoq, Atuisartoqarnermut Unammilleqatigiinnermullu Aqutsisoqarfimmut suliassanngortinneqarsinnaanngilaq.

§ 32. Inuussutissarsiornermik ingerlataqartup Atuisartoqarnermut Unammilleqatigiinnermullu Aqutsisoqarfimmit § 27 malillugu aalajangiissutigineqartumut pituttorsimanissani kissaatiginngikkuniuk, inuussutissarsiornermik ingerlataqartup tamanna

allakkatigut Atuisartoqarnermut Unammilleqatigiinnermullu Aqutsisoqarfimmut aalajangiissutip nalunaarutigineqarneranit ullut 30-t qaangiutsinnagit nalunaarutigissavaa.

§ 33. Naammagittaalliuummik suliap suliarineranik ingerlatitseqqinnissaq pillugu inuussutissarsiornermik ingerlataqartumit piumasaqaatigineqarpat, § 32-mi piffissaliussaq nallertinnagu allaganngorlugu Atuisartoqarnermut Unammilleqatigiinnermullu Aqutsisoqarfimmut tunniunneqarsimasoq, atuukkunnaarallartitsissaaq. Tamatuma kingorna § 32-mi piffissaliussaq Atuisartoqarnermut Unammilleqatigiinnermut Aqutsisoqarfik suliap suliarineranik ingerlatitseqqinnerata kingorna aalajangiissutip ullulerneqarneraniit naatsorsorneqassaaq.

§ 34. Inuussutissarsiornermik ingerlatalimmut tunngatillugu Atuisartoqarnermut Unammilleqatigiinnermullu Aqutsisoqarfiup naammagittaalliornermut suliani aalajangiissutai, §§ 32-mi aamma 33-mi piffissaliussat qaangiutereerneranni, pinngitsaaliissummik naammassineqarsinnaapput.

Imm. 2. Pinngitsaaliissummik naammassinninnissaq pillugu eqqartuussivinnut piumasaqaateqarnermi, Atuisartoqarnermut Unammilleqatigiinnermullu Aqutsisoqarfiup aalajangiissutaa pinngitsaaliissummik naammassinninnissamik piumasaqarnermut tunngavissaliisoq, aammalu inuussutissarsiornermik ingerlataqartup aalajangiissummut pituttorsimanissamik kissaateqannginnera pillugu pineqartup §§ 32-mi aamma 33-mi piffissaliussat sioqqullugit nalunaaruteqarsimannginneranut uppernarsaat Atuisartoqarnermut Unammilleqatigiinnermullu Aqutsisoqarfimmeersoq ilanngunneqassapput.

§ 35. Naammagittaalliuuteqarnermut suliami aalajangiisoqareerpat suliami peqataasut tamarmik immikkut suliaq eqqartuussivinnut suliassanngortissinnaavaat. Aalajangiissut malinneqanngippat Atuisartoqarnermut Unammilleqatigiinnermullu Aqutsisoqarfik atuisup piumasaqarneratigut, atuisoq sinnerlugu suliaq eqqartuussivinnut suliassanngortissinnaavaa. Stk. 2. Atuisartoqarnermut Unammilleqatigiinnermullu Aqutsisoqarfiup aalajangiissutai allaffissornikkut oqartussaasumut allamut suliassanngortinneqarsinnaanngillat.”

8. § 36 ima oqaasertalerneqassaaq:

” § 36. Atuisartoqarnermut Unammilleqatigiinnermullu Aqutsisoqarfimmit aalajangiissut tamanit soqutiginaateqartoq tamanut ammasumik saqqummiunneqarsinnaavoq.

Stk. 2. Tamanut ammasumik saqqummiussineq kinaassutsimik isertuinikkut pissaaq, taamaattorli imm. 3 aamma § 37 takukkit.

Stk. 3. Inuussutissarsiornermik ingerlatalik akiliisinneqartillugu imaluunniit inaarutaasumik pineqaatissinneqarnermini akiligassinneqarsimatillugu, suliaq tamanit soqutiginaateqarpat imaluunniit Inatsisartut inatsisaanut tassannga aalajangersakkanut imaluunniit tassannga Inatsisartut inatsisaat naapertorlugu najoqqutassiat atuutsinneqalersimasut paasinissaanut