Naalakkersuisut suleriaasiat pillugu Namminersorlutik Oqartussat nalunaarutaanni nr. 28, 13. juli 2022-meersumi § 1, imm. 4 naapertorlugu aalajangersarneqarpoq:

Naalakkersuisut atuunneranni suliat akimorlugit aaqqissuussineq

  § 1.  Naalakkersuisunut suliat akimorlugit suleqatigiiffimmik pilersitsisoqassaaq, siunertarineqarluni eqaatsumik matoqqasumillu oqallissinnaanissaq, aaqqissuussisinnaanissaq kiisalu Naalakkersuisunut pingaaruteqarluinnartut politikikkut apeqqutit pillugit aalajangiinerit ingerlanneqartarnissaat.

  Imm. 2. Suliat akimorlugit suleqatigiiffik Naalakkersuisut siulittaasuannit imaluunniit Naalakkersuisunit suliassanngortinneqarsimasut pillugit aalajangiisinnaassuseqarput.

  Imm. 3. Suliat akimorlugit suleqatigiiffimmi eqaatsumik ilisimasanik avitseqatigiittarneq, politikikkut taasisarnerit aamma suliat akimorlugit malittarisassanik naleqqersuisarnermi tapersersoqatigiittoqassaaq.

  § 2.  Suliat akimorlugit suleqatigiiffimmi ilaasortat aalajangersimasut tassaapput:

1)  Naalakkersuisut Siulittaasuat

2)  Naalakkersuisut siulittaasuata tullia

3)  Aningaasaqarnermut Naalakkersuisoq

  Imm. 2.  Naalakkersuisuni ilaasortat allat, imaluunniit Naalakkersuisoqarfinni pisortat imaluunniit taakkua sinniisussaat sammisassanut attuumassuteqartunut oqallinnermi taasisinnaanatik peqataasinnaapput.

  Imm. 3. Naalakkersuisuni siulittaasup tullia Aningaasaqarnermut Naalakkersuisuutillugu siulittaasoq allamik toqqaasinnaavoq.

  § 3.  Naalakkersuisut Siulittaasuat suleqatigiiffimmi siulittaasuuvoq.

  Imm. 2.  Siulittaasoq ataani allassimasut pillugit aalajangiisinnaavoq:

1)  Ataatsimiititsinerit.

2)  Ataatsimiinnermi peqataasussat.

3)  Immikkoortut oqaluuserineqartussat aamma suliat killissaat.

Ataatsimiittarnerit

  § 4.  Ataatsimiinnissamut siulittaasoq pisariaqartitsineq naapertorlugu aamma pisariaqartitsinermi piffissaq sivikitsoq atorlugu aggersaasassaaq.

  Imm. 2.  Aalajangiinerit sapinngisamik isumaqatigiinnikkut pisassapput.  Aalajangiiffissatut siunnersuut amerlanerussuteqartunik akuerineqartinnani atorunnaassaaq.

  § 5.  Ataatsimiinnerit oqaluuserisassartaqarani ingerlanneqarsinnaapput.

  Imm. 2.  Ataatsimiinnerit  suliat sakkortussusaannut naapertuuttumik kiisalu siulittaasup aalajangiinera tunngavigalugu eqaatsumik aaqqissuunneqassapput.

  § 6.  Naalakkersuisut siulittaasoqarfianit allatseqarneq ingerlanneqassaaq, tamatumunnga ilanngullugit:

1)   Ataatsimiigiaqqussutit nassiussuunneri,

      2)  Ataatsimiinnerit timitalerneqarnerisa ingerlanneqarneri aamma

      3)   Aalajangiussatut imaqarniliamut missingiummik suliaqarneq, takuuk § 7, imm. 1.

  § 7.  Ataatsimiinnerit ingerlaneri imaqarniliamut missingiusiorneqassapput.

  Imm. 2.  Inaarutaasumik politikikkut isumaqatigiissutit imaqarniliami takuneqarsinnaassapput.

Atuutilersitsineq

  § 8.  Kaajallaasitaq manna ulloq 15. august 2026 atuutilerpoq

  Imm. 2.  Peqatigisaanik ataqatigiissaarinermut ataatsimiititaliaq aamma ataqatigiissaarinermut immikkoortortat pillugit kaajallaasitaq nr. 35, 15. april 2025-meersoq-meersoq atorunnaarsinneqarpoq.

Naalakkersuisut Siulittaasuata Naalakkersuisoqarfia, ulloq 15. august 2026

Jens-Frederik Nielsen (atsior.)

Naalakkersuisut Siulittaasuat

                                                              / Hans-Peder Barlach Christensen (atsior.)