(Ammaannartumik ikuallaasarnissamut immikkut akuersissuteqarsinnaanerup 31. decembari 2025-p tungaanut annertusineqarnera)

§ 1.

Eqqakkat pillugit Namminersorlutik Oqartussat nalunaarutaanni nr. 3, 7. januaari 2021-meersumi, Namminersorlutik Oqartussat nalunaarutaatigut nr. 45-kkut, 11. novembari 2024-meersukkut allannguuteqartinneqartumi makkuninnga allannguuteqartitsisoqassaaq:

1. § 37, imm. 3, imatut oqaasertalerneqassaaq:

"  Imm. 3.  Kommunalbestyrelsimit qinnuteqartoqarneratigut, ulloq 31. decembari 2025-p kingorna sivisunerpaamik qaammatini pingasuni, ammaannartumik ikuallaasarallarnissamut imaluunniit eqqakkanik ikuallanneqarsinnaasunik toqqorsigallarnissamut, aammalu atugassarititaasut piumasaqaatillu uku naammassineqarsimanissaat apeqqutaatillugit Naalakkersuisut immikkut ittumik akuersissuteqarsinnaapput:

1)  Najukkami, nunap immikkoortuani nunaluunniit tamakkerlugu eqqakkanik ikuallaavimmik avatangiisinut akuerisamik peqartinnagu, ikuallaavik akuerineqartoq ingerlatinnagu imaluunniit allanik peqquteqartumik ikuallaavik atorneqarsinnaatinnagu.

2)  Piffissami atuisinnaanngiffiusumi kommunalbestyrelsi eqqagassalerinermi aaqqiissutissanik tamakkiisunik sulissuteqassapput.

3)  Kommuuni eqqagassalerinermut pilersaarummik akuerisamik peqassaaq.”

§ 2.

Nalunaarut ulloq 09. 07. 2025 atuutilissaaq.

Namminersorlutik Oqartussat, ulloq 08. 07. 2025

Bentiaraq Ottosen (atsio.)

Isumaginninnermut, Suliffeqarnermut, Nunamullu Namminermut Avatangiisinullu Naalakkersuisoq

/ Natuk Lund Meire (atsio.)