Susassaqarfiit agguataarnerat pillugu kaajallaasitaq (Suliassaqarfiit agguataarnerat)
Inatsisartut Naalakkersuisullu pillugit Inatsisartut inatsisaanni nr. 26, 18. november 2010-meersumi § 23, imm. 1, naapertorlugu aalajangersarneqarput:
Kapitali 1
Susassaqarfiit agguataarnerat
Aalajangersakkat nalinginnaasut
§ 1. Naalakkersuisut Siulittaasuata Naalakkersuisunut ilaasortat akornanni suliassaqarfiit, kaajallaasitami matumani aalajangersarneqartutut, agguataarpai.
Imm. 2. Naalakkersuisunit Naalakkersuisumut piginnaatitsineq kaajallaasitap matuma atulersinnissaa sioqqullugu Naalakkersuisunit aalajangiiffigineqartoq tamatuminnga sunnerneqanngilaq. Piginnaatitsissutit Naalakkersuisut allamik aalajangiinissaasa tungaannut atuutissapput.
Naalakkersuisut
§ 2. Naalakkersuisut Siulittaasuat: Jens-Frederik Nielsen, Demokraatit.
1) Naalakkersuisut Siulittaasuata Naalakkersuisoqarfia (NSN).
Imm. 2. Aningaasaqarnermut Akileraartarnermullu Naalakkersuisoq: Múte Bourup Egede, Inuit Ataqatigiit.
1) Naalakkersuisut Siulittaasuata tullia.
2) Aningaasaqarnermut Akileraartarnermullu Naalakkersuisoqarfik (AAN).
Imm. 3. Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq: Naaja H. Nathanielsen, Inuit Ataqatigiit.
1) Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik (IANIANN).
Imm. 4. Nunanut Allanut Ilisimatusarnermullu Naalakkersuisoq : Vivian Motzfeldt, Siumut.
1) Nunanut Allanut Ilisimatusarnermullu Naalakkersuisoqarfik (NAIN).
Imm. 5. Ilinniartitaanermut, Kultureqarnermut, Timersornermut Ilageeqarnermullu Naalakkersuisoq: Nivi Olsen, Demokraatit.
1) Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik (IKTIN).
Imm. 6. Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq: Peter Borg, Demokraatit.
1) Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik (APNIPN).
2) Avatangiisinut Pinngortitamullu Naalakkersuisoqarfik (PAN).
Imm. 7. Meeqqanut, Inuusuttunut, Ilaqutariinnut Nunamullu Namminermut Naalakkersuisoq: Mads Pedersen, Inuit Ataqatigiit.
1) Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfik (MIINNN).
Imm. 8. Isumaginninnermut, Suliffeqarnermut, Ineqarnermut, Attaveqaasersuutinut, Isorliunerusunullu Naalakkersuisoq: Aqqaluaq B. Egede, Inuit Ataqatigiit.
1) Isumaginninnermut Suliffeqarnermullu Naalakkersuisoqarfik (ISN).
2) Ineqarnermut, Attaveqaasersuutinut, Isorliunerusunullu Naalakkersuisoqarfik (IAIN).
Imm. 9. Peqqissutsimut inunnullu Innarluutilinnut Naalakkersuisoq: Anna Wangenheim, Demokraatit.
1) Peqqissutsimut inunnullu Innarluutilinnut Naalakkersuisoqarfik (PIIN).
Naalakkersuinikkut agguataarineq
§ 3. Susassaqarfinnik naalakkersuinikkut agguataarineq kapitali 2-miit 11-mut takuneqarsinnaavoq. Susassaqarfiit allaffissornikkut agguarneqarneranni ilanngussaq 1 malinneqarpoq.
Kapitali 2
Naalakkersuisut Siulittaasuat
Naalakkersuisut Siulittaasuata Naalakkersuisoqarfia
§ 4. Naalakkersuisut Siulittaasuata Naalakkersuisoqarfiata suliassaqarfiit makkua isumagisarai:
1) Naalakkersuisut allattoqarfimmi sullinneqarnerat.
2) Naalakkersuinermik ataqatigiissaarineq.
3) Ingerlatseqatigiiffinnut Allattoqarfik.
4) Inatsisit pitsaassusaannik misissuisarneq, aalajangersaasarneq atuutilersunillu nalunaarutiginnittarneq.
5) Inatsimmut tunngaviusumut susassaqarfiit
6) Suliassaqarfiit akimorlugit Aqutsinermut, Ineriartortitsinermut Qitiusumilu sulisoqarnermut politikkimut allaffeqarfik.
Immikkoortortat ataaniittut
§ 5. Naalakkersuisut Siulittaasuata Naalakkersuisoqarfiata ataaniipput, inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Danmark-imi Namminersorlutik Oqartussat sinniisoqarfia.
2) Digitalinngortitsinermut Aqutsisoqarfik.
Immikkoortortat nammineertitat
§ 6. Naalakkersuisut Siulittaasuata ataaniippoq immikkoortortaq nammineertitaq, tassani oqartussaanerusumut naammagittaalliortoqarsinnaanani:
1) Inussuk IT.
Kapitali 3
Aningaasaqarnermut Akileraartarnermullu Naalakkersuisoq
Aningaasaqarnermut Akileraartarnermullu Naalakkersuisoqarfik
§ 7. Aningaasaqarnermut Akileraartarnermullu Naalakkersuisoqarfiup suliassaqarfiit makkua isumagisarai:
1) Aningaasarsiornikkut naalakkersuineq aningaasaqarnermullu naalakkersuineq.
2) Akileraartarnermut akitsuusiisarnermullu naalakkersuineq.
3) KNI A/S-imut kiffartuunneqarnissamut isumaqatigiissutit.
4) Nunaqarfinni isorliunerusunilu aningaaseriveqarnermik pilersuineq.
5) Nuna tamakkerlugu pilersaarusiorneq.
Immikkoortortat ataaniittut
§ 8. Aningaasaqarnermut Akileraartarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Akileraartarnermut Aqutsisoqarfik (AKA).
2) Aningaasaqarnermut Sulisoqarnermullu Aqutsisoqarfik (ASA).
3) Kalaallit Nunaanni Naatsorsueqqissaartarfik.
Kapitali 4
Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq
Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik
§ 9. Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup suliassaqarfiit makkua isumagisarai:
1) Ataatsimut isigalugu inuussutissarsiutinik siuarsaanerup, inuussutissarsiornerup aaqqissuussaanera, takornariaqarnerup, sermip erngullu iluanni inuussutissarsiornermik naalakkersuineq.
2) Nunami namminermi nunanilu tamalaani niuernermut politikki, ilanngullugit niuernermut isumaqatigiissutit.
3) Suliniutinut annertuunut sinaakkutissatut atugassarititaasut.
4) Annertuunik ingerlataqarnermut tunngatillugu inuiaqatigiinni piujuaannartitsisumik ingerlatsineq.
5) Unammilleqatigiinnermut atuisoqarnermullu politikki.
6) Avammut nioqquteqarnissamut akuersissutit (aatsitassanut ikummatissanullu inatsit naapertorlugu avammut annissinissamut akuersissutit ilanngunnagit).
7) Aatsitassat pillugit naalakkersuineq, ilanngullugit nunani tamalaani nittarsaassisarnerit aamma inuiaqatigiinni piujuaannartitsisumik ingerlatsineq.
8) Aatsitassanut ikummatissiassanullu suliassaqarfimmi nunap sannai pillugit qarasaasiatigut paasissutissaasiviit.
9) Ujarassiorit.
10) Inatsisinik atuutsitsinermut suliassaqarfik.
11) Naligiissitaanermut suliassaqarfik.
12) Nukimmik, imermik kiassarnermillu pilersuineq, ilanngullugit nukissiornermut suliassaqarfimmut pilersaarutit ataavartumillu nukissiuutit.
Immikkoortortat ataaniittut
§ 10. Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Atuisoqarnermut Unammilleqatigiinnermullu Aqutsisoqarfik (AUA).
Immikkoortortaq nammineertitat
§ 11. Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Nukissiorfiit.
Kapitali 5
Nunanut Allanut Ilisimatusarnermullu Naalakkersuisoq
Nunanut Allanut Ilisimatusarnermullu Naalakkersuisoqarfik
§ 12. Nunanut Allanut Ilisimatusarnermullu Naalakkersuisoqarfiup suliassaqarfiit makkua isumagisarai:
1) Pisortatigoortumik tikeraarnerit
2) Kalaallit Nunaata nunani allani sinniisoqarfii.
3) Kalaallit Nunaata nunanut allanut sillimaniarnermullu politikkia.
4) Issittumi suleqatigiinnermik ataatsimut isigalugu ataqatigiissaarineq.
5) Ilisimatusarneq.
Kapitali 6
Ilinniartitaanermut, Kultureqarnermut, Timersornermut Iageeqarnermullu Naalakkersuisoq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
§ 13. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup suliassaqarfiit makkua isumagisarai:
1) Meeqqat atuarfiat.
2) Atuarfiit namminersortut.
3) Efterskolit.
4) Atuarfiit immikkut ittut.
5) Folkehøjskolit.
6) Ilinniarnertuunngorniarfiit.
7) Ingerlaqqiffiusumik ilinniarfiit ilisimatusartutullu ilinniarfiit.
8) Inuussutissarsiutinut ilinniarfiit.
9) Nuna Tamakkerlugu qitiusumik Ilitsersuisarfik (AQQUT).
10) Danmarkimi Kalaallit Illui.
11) Ilinniartitaaneq pillugu EU-lu peqatigiinnissamik isumaqatigiissut.
12) Kulturimut tunngasut, ilanngullugit eqqumiitsuliortutut ingerlatsisut.
13) Sunngiffimmi sammisassaqartitsineq.
14) Nunatta Atuagaateqarfia.
15) Timersorneq.
16) Oqaatsit pillugit naalakkersuinikkut ingerlatsineq.
17) Radio aamma TV.
18) Katersugaasiveqarneq Toqqorsiveqarnerlu.
19) Kulturikkut kingorngussat illersornissaat aamma UNESCO.
20) Ilagiit, ilanngullugit iliveqarfiit ilisisarnerillu.
21) Inuit aqqi.
Immikkoortortat ataaniittut
§ 14. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Ilinniartitaanermut Aqutsisoqarfik.
Kapitali 7
Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
§ 15. Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik makkuninnga immikkoortortaqarlunilu suliassaqarfeqarpoq:
1) Aalisarnermut politikki, ilanngullugit aalisakkanit isumalluutit, qaleruallit ilanngullugit, illersorneqarnissaannut atorneqartarnerinullu naalakkersuinikkut ingerlatsineq.
2) TAC pisassiissutillu.
3) Piniarnermut aallaaniarnermullu politikki, ilanngullugit imaani uumasut miluumasut illersorneqarnerannut atorluarneqarnerannullu politikki.
4) Akiliisitsilluni piniartitsisarneq aamma akiliisitsilluni aalisartitsisarneq.
5) Aalisarneq, piniarneq aallaaniarnerlu pillugit nunarsuup immikkoortuini, illugiillunilu nunat akornanni aammalu nunat tamalaat akornanni isumaqatigiissutit, ilanngullugit imaani uumasut miluumasut.
6) Uumasunut nakorsaqarnermut inuussutissalerinermullu suliassaqarfik, ilanngullugitKalaallit Nunaanni Uumasunut Nakorsaqarnermut Inuussutissalerinermilu Oqartussaqarfik (UNIO) Aamma Danmarkimi uumasunut nakorsaqarnermut inuussutissalerinermilu oqartussaqarfiup suleqatigineqarnera (neqinik aalisakkanillu tunisassianik avammut nioqqutigineqartartunik misissuisarneq).
7) Nunalerinermi naalakkersuinikkut ingerlatsineq, ilanngullugit savaateqarneq, nersutaateqarneq tuttuuteqarnerlu.
8) Nunalerinermut sammisunik inuussutissarsiutinik siuarsaaneq.
9) Pilersuineq, ilanngullugu inuussutissanik imminut pilersorneq.
10) Aalisakkanik piniakkanillu tunisassianut tunitsiveqarneq pillugu ingerlatseqatigiiffinnut assigiinngitsunut kiffartuussinissamik isumaqatigiissutit.
Immikkoortortat ataaniittut
§ 16. Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Kalaallit Nunaanni Aalisarnermut Piniarnermullu Nakkutilliisoqarfik (KANUAPNA).
Avatangiisinut Pinngortitamullu Naalakkersuisoqarfik
§ 17. Avatangiisinut Pinngortitamullu Naalakkersuisoqarfiup suliassaqarfiit makkua isumagisarai:
1) Pinngortitamik allanngutsaaliuineq.
2) Avatangiisit.
3) Silap pissusaanut naleqqussarneq aamma nunami namminermi silap pissusaatigut anguniakkat.
4) Upalungaarsimaneq
Immikkoortortat ataaniittut
§ 18. Avatangiisinut Pinngortitamullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Aatsitassanik Suliassaqarfinnut Avatangiisinut Aqutsisoqarfik.
2) Asiaq, Kalaallit Nunaanni Misissueqqaarnerit.
Immikkoortortaq nammineertitat
§ 19. Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Pinngortitaleriffik.
Kapitali 8
Meeqqanut, Inuusuttunut Ilaqutariinnut Nunamullu Namminermut Naalakkersuisoq
Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfik
§ 20. Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfiup suliassaqarfiit makkua isumagisarai:
1) Atualertussat.
2) Meeqqat inuusuttullu ajornartorsiutillit.
3) Ilaqutariit meerartallit.
4) Ilaqutariinnermut suliassaqarfimmi pitsaaliuineq.
5) Meeqqanut inuusuttunullu isumaginninnermut suliassaqarfik.
6) Meeqqat illersuisuat meeqqallu pillugit siunnersuisoqatigiit.
7) Ilaqutariinnermut inatsisit.
Immikkoortortat ataaniittut
§ 21. Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Isumaginninnermut Aqutsisoqarfik.
Immikkoortortaq nammineertitat
§ 22. Meeqqanut, Inuusuttunut, Ilaqutariinnut Nunamullu Namminermut Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Kalaallit Nunaanni Meeqqat pisinnaatitaaffiinut sullissivik MIO aamma meeqqanik illersuisoq.
2) Isumaginninnermi nakkutilliisut arlaannaannulluunniit attuumassuteqanngitsut.
3) Kommuninut nakkutilliisoqarfik.
Kapitali 9
Isumaginninnermut, Suliffeqarnermut,
Ineqarnermut Attaveqaasersuutinut Isorliunerusunullu Naalakkersuisoq
Isumaginninnermut Suliffeqarnermullu Naalakkersuisoqarfik
§ 23. Isumaginninnermut Suliffeqarnermullu Naalakkersuisoqarfiup suliassaqarfiit makkua isumagisarai:
1) Inersimasut isumaginninnikkut ajornartorsiutillit.
2) Utoqqaat.
3) Inuit pisinnaatitaaffii.
4) Suliffeqarnermik naalakkersuinikkut ingerlatsineq pilersaarusiornerlu.
5) Nunatsinni Suliffeqarnermut Siunnersuisoqatigiinnik allatseqarfittut sullissineq.
6) Nunani allamiunut tunngasut, ilanngullugit najugaqarnissamut sulisinnaanissamullu akuersissutit.
7) Nunamut Namminermut suliassaqarfik.
8) Kommuninik nakkutilliineq.
9) Nordisk Pension.
Ineqarnermut, Attaveqaasersuutinut Isorliunerusunullu Naalakkersuisoqarfik
§ 24. Ineqarnermut, Attaveqaasersuutinut Isorliunerusunullu Naalakkersuisoqarfiup suliassaqarfiit makkua isumagisarai:
1) Ineqarneq Illuuteqarnerlu.
2) Sanaartorneq.
3) Sanaartornermut oqartussaaneq.
4) Attaveqaasersuutit.
5) Angallanneq.
6) Nunaqarfinnut isorliunerusunullu suliassaqarfimmut pilersaarutit.
Immikkoortortat ataaniittut
§ 25. Ineqarnermut, Attaveqaasersuutinut Isorliunerusunullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Iluarsartuussinermut Aqutsisoqarfik.
2) Nalunaarasuartaateqarnermi Aqutsisut aamma Radio-nik Nakkutilliivik.
Immikkoortortaq nammineertitat
§ 26. Isumaginninnermut, Suliffeqarnermut Ineqarnermut, Attaveqaasersuutinut Isorliunerusunullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Utoqqaat pillugit oqaaseqartartoq.
Kapitali 10
Peqqissutsimut inunnullu Innarluutilinnut Naalakkersuisoq
Peqqissutsimut inunnullu Innarluutilinnut Naalakkersuisoqarfik
§ 27. Peqqissutsimut inunnullu Innarluutilinnut Naalakkersuisoqarfiup suliassaqarfiit makkua isumagisarai:
1) Peqqissutsimut politikki, ilanngullugit peqqinnissaqarfiup aqunneqarnera aaqqissugaaneralu.
2) Peqqinnissakkut sullissineq, ilanngullugu kigutilerineq.
3) Atornerluinermik akiuiniarneq, ilanngullugit imigassat aalakoornartullit, tupa pujortartarnerlu kiisalu pinngitsuuisinnaajunnaarsimasunik katsorsaasarneq.
4) Innarluutillit, ilanngullugu innarluutillit illersuisuat.
Immikkoortortat ataaniittut
§ 28. Peqqissutsimut inunnullu Innarluutilinnut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Peqqinnissamut Aqutsisoqarfik.
2) Allorfik – Pinngitsuuisinnaajunnaarsimasunik katsorsaasarneq.
Immikkoortortaq nammineertitat
§ 29. Peqqissutsimut inunnullu Innarluutilinnut Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Nunatta Nakorsaaneqarfia (NUN).
2) Tilioq – Inuit Innarluutillit illersuisuat.
Kapitali 11
Atuutilernera
§ 30. Kaajallaasitaq manna ulloq 21. november 2025 atuutilerpoq.
Imm. 2. Peqatigisaanik suliassaqarfiit agguataarnerat (Suliassaqarfiit agguataarnerat) pillugu kaajallaasitaq nr. 73, 14. november 2025-meersoq atorunnaarsinneqarpoq.
Naalakkersuisut Siulittaasuata Naalakkersuisoqarfia, ulloq 21. november 2025
Jens-Frederik Nielsen (atsior.)
Naalakkersuisut Siulittaasuat
/ Hans-Peder Barlach Christensen (atsior.)