Nalunaaquttap aalajangersarneqarnera pillugu Inatsisartut inatsisaanni nr. 31, 25. november 2022-meersumi § 1, imm. 3 naapertorlugu aalajangersarneqarput:

  § 1.  Aasaanerani nalunaaqutaq martsip qaammataani sapaat kingulleq UTC +0 nalunaaqutaa malillugu nal. 01.00 aallartissaaq, tassani Kalaallit Nunaanni nalunaaqutaq nalinginnaasoq malillugu, UTC -2-miilluni, arfininngornerulluni nal. 23.00.

  § 2.  Aasaanerani nalunaaquttap aallartinnerani nalunaaqutaq nalunaaquttap akunnerani 1-imik siuartinneqassaaq, tassani Kalaallit Nunaannut nalunaaquttap ingiaqatigiiffia UTC -2-miit UTC -1-imut allanngortinneqassalluni, aammalu nalunaaqutaq arfininngorneq nal. 23.00-imiit, sapaammut nal. 00.00-imut allanngortinneqassalluni.

  § 3.  Aasaanerani nalunaaqutaq oktobarip qaammataani sapaat kingulleq UTC +0 nalunaaqutaa malillugu nal. 01.00, atuukkunnaassaaq, tassani Kalaallit Nunaanni nalunaaqutaq piffissap taamaalinerani tassaalluni UTC -1 nalunaaqutaa malillugu sapaat nal. 00.00.

  § 4.  Aasaanerani nalunaaquttap atuukkunnaarnerani Kalaallit Nunaanni nalunaaquttap ingiaqatigiiffiat UTC -1-imiit UTC -2-mut allanngortinneqassaaq, aammalu nalunaaqutaq sapaammi nal. 00.00-imiit, arfininngornermi nal. 23.00-imut allanngortinneqassalluni.

  § 5.  Naalakkersuisut Siulittaasuata Naalakkersuisoqarfiata siunissami ukiuni 5-ini aasaanerani nalunaaquttap allartittarnissaa aammalu atuukkunnaartarnissaa pillugu Naalakkersuisut nittartagaanni ingerlaavartumik paasissutissiinerit nutartertassavai.

§ 6.  Nalunaarut manna atuutilernerata saqqummiunneqarnerata aqaguani atuutilissaaq.

  § 7.  Nalunaarut Danmarkshavnimi aamma Pituffik Space Base-mi atuutinngilaq, takuuk  Danmarkshavnimi aamma Pituffimmi (Thule Air Base) nalunaaquttap ingiaqatigiiffianik aalajangersagaq aammalu aasaanerani nalunaaquttap atuusinnaanera pillugit Namminersorlutik Oqartussat nalunaarutaat.

Namminersorlutik Oqartussat, ulloq 27. marsi 2024

Múte Bourup Egede (atsior.)

Naalakkersuisut Siulittaasuat

/ Hans-Peder Barlach Christensen (atsior.)